1 Jesu yi osó xe na ye nɔ ylɔ ɖɔ olivuti, we oso lɔ ji. 2 Vɔ lè anyihɔ gbe etɔn, tanfunu, é wa sisɛnxɔ lɔmɛ wɛ toyun lɔ kpokpo xă dwe wɛ Jesu flan anyi bo jɛ onu kplan ye ji. 3 Le madɛn maɛdn mɛ, osɛn kplɔn nɛ tɔye lɛ kpodo falisitɔye kpo wlè nyɔnʋ galɔtɔ le gànnà-gànnà bo hɛ wa Jesu dé. 4 Ye le ɖɔ na Jesu' ɔn dɔ: cica, nyɔ nu exe le lɔ oga wɛ yé wlè gànnà-gànnà. 5 Vɔ le Moyizi we osɛn mɛ, mi ɖo na nyi okpɛn ɖo nyɔnu le ma xa tɔn kàkà bo na hwi, vó yɔ Jesu, ohwɛ bɔ tɔn a Jan da na nyɔnu lema tɔn xa? 6 Yé lè ka oxo enɛ Jesu sé bo na do mɔ yɛkan à dó dà ohwɛ ni vɔ Jesu ka zé ókɔ ɖo odo bo Jɛ onu wlan ɖo ayi zan mɔ ji. Yé ka gbɛ le kan oxo lokpo lɔ Jesu se xɔn, Jesu kà zè ota bo ɖɔ: 7 ''Na mɛxe ni le mi mɛ bo ma hwu ohwɛ kpɔn gɛ ni zé okpɛn titan bo nyi ɖo nyɔnu lɔ. 8 Kpó un Jesu gɔ zè ota ɖo odo bo jé onu wlan ji. 9 Xe na ye se oxo xe na Jesu ɖɔ lɔ, ye jɛ li lɛ ji-lokpo bɛ sɔn mɛxo ji kà kà do yi vikpɛ vu ji wɛ e wa kpo Jesu kpodo nyɔnu kɛlɛ ji. 10 Jesu zé ota bo kan nyɔnu lɔ se ɖɔ: bó wɛ hwɛdatɔ tɔwe lɛ gbɔn. 11 Ye ma gɔ dà ohwɛ na we ba? Nyɔnu lɔ ɖɔ na Jesu ɖɔ: ''Mɛti ma da ohwɛ na-un gɛ Aklunɔ. Jesu ɖɔ ni ɖɔ: ''Nyɔ can ma jan dà ohhwɛ nawe gɛ. Sɔn vɔ gɔ hwu ohwe gɛ. 12 Jesu gɔ le kplan onu mɛ le sisɛn xɔ mɛ bo le ɖɔ na ye ɖɔ: ''Nyɔ wɛ nyi weziza ogbɛ lɔ tɔn, omɛ xe ni xodo-un ma Jan gbɔn Zinvlu mɛ vɔ e na mɔ weziza xe nɔ na ogbɛ omɛ. 13 Falizitɔ ye ka le ɖɔ na Jesu dɔ: A lé ɖe kunu na yɔɖe enɛ wɛ zɔn oxo tɔwe ma nyi xojɔxo gɔ. 14 Jesu ka yi gbe na ye ɖɔ: ''Un yi gbe ɖɔ un he ɖe kunu na nyɔ ɖe vɔ kunuɖiɖe le nyi xojɔxo, do un nyɔ ƒi xe na un sɔn, bo ka nyɔ ƒi xe na un jlɔ vɔ mye mi ma ma nyɔ ƒi xe na un sɔn alo ƒi xe na un jlɔ gɛ. 15 Ɖé ha gbɛ tɔ lɛ nɔ da ohwɛ ɖo wɛ mye. Can nɔ dà ɖo, nyɔ ka mɔ nɔ dà ohwɛ na mɛ ti gɛ. 16 Na un ɖa ohwɛ na mɛɖe, ohwɛ jijlɔ wɛ e nɔ nyi, ɖo nyɔ lokpo mɛ nɔ ɖa ohwɛ lɔ gɛ vɔ atɛye ni ze-un sɔ xɔ ɖo xlan can nɔ da ohwɛ lɔ xa-un gba 17 Yé ka wo wlan le Mawu we oxo lɔ mɛ ɖɔ: '' Kunu ɖiɖe omyawe tɔn, xojɔxo bɛ e bo nɔ nyi. 18 Nyɔtesu wɛ nyi kunuɖetɔ ce, wɛ ótɔ-ni zé sɔxɔ doxlan lɔ nɔ ɖe kunu na-un. 19 Vɔ yè lé kan Jesu se ɖɔ: ''Bɔ wɛ atɔwe lɔ le''. Jesu le gbo ɖe go na ye ɖɔ: Mi ma nyɔ otɔ lɔ gɛ, nu ùi ɖo nyɔn-un wɛ, mi na nyɔ atɛ ye gba. 20 Jesu le kplɔn onu mɛ le si sɛ nxɔ lɔ mɛ, wɛ mɛti ma kpe go na ɖwe te gɛ ɖo ogan e tɔn ma woxo gɛ. 21 Jesu gɔ ɖɔ na yé ɖɔ na sɔn we mi ka na di un vɔ mi na ku do nylado mi tɔn mɛ mu ma kpeyo na yi fixe na unjlɔ gɛ. 22 Oxo Jesu ɖɔ lɔ le kpo ca ye wɛ ye kan ye ɖe lɛ se ɖɔ: ''E Jlo na hwu eyɔɖe wɛ? e wɛ on e ɖo le ɖɔ: '' Mi ma kpego na yi ƒi xe na un jlɔ gɛ?. 23 Jesu gɔ ɖɔ na ye ɖɔ: '' Mye, odo ƒi tɔn wɛ mi nyi vɔ nyɔ, jinukunsin wɛ nyɔ sɔn, anyihɔn tɔn wɛ mi nyi vɔ nɔ ma le mɛ gɛ. 24 Ewɛ zɔn un ɖɔ na mi ɖɔ: ''Na mi ma ɖinu nà onu un nyi gɛ, mi nà ku ɖo ohwɛ mi tɔn lɛ mɛ 25 Yé kan Jesu sé ɖɔ: ''Mɛ wɛ anyi? Jesus gbo ɖo égó na ye ɖɔ: ''Un wo le ɖɔ na mi xóxó. 26 Un ɖo onu susu bó nà mi, bo na dà ohwɛ nà mi ɖo ónu susu go vɔ omɛ xe ni ze-un ɖo xlan nyi xojɔxo, wɛ onu xe na ekplan-un wɛ un nɔ dɔ. 27 Xe na ye ma nyɔ ɖɔ Jesu le ɖɔ vtɔ lɔ xo na ye gɛ, Jesu gɔ ɖɔ na ye ɖɔ: 28 Hwenu xena mi na zé gbɛtɔ we vi ɖo oji, hwenɛ nu wɛ mi na nyɔ omɛ xe un nyi, mi na wa nyɔ ɖɔ un bo mɔ nɔ wa nu ɖo ojlo ce ji gɛ, vɔ onu xe na ótɔ-lɔ kplɔn-un wɛ un nɔ blo. 29 Ɛà omɛ xe ni ze ni ze-un ɖo xlan, mɔ nɔ jo-un do gɛ ɖo ónu xe ni nyɔ le nu kun etɔn mɛ wɛ un nɔ blo. 30 Hwenu xe na Jesu leɖɔ oxo ɖo le ma, omɛ susu ɖinu ni. 31 31 Jesu ɖɔ na Jwiƒu xe ni ɖinu ni lɛ ɖɔ:''na mi ɖo nuɖiɖi na oxo ce, nu zé mi ɖo blo ahwanvi ce lɛɛ. Mi na nyɔ xojɔxo lɔ wi wɛ xojɔ lɔ na na wɛ mi na nyi gbɛtɔ jlokoko. 32 Jwiƒu lɛɛ gbo dé gó na Jesu dɔ: ''Nye, 33 Ablaxamu we kuku mɛ we mi tɔn sun, mi ma nyi kan numɔnɔ na mɛti gɛ, naɖe wɛ anɖɔ mye o bo na jɛ jlokoko ɖó?'' 34 34 Je yi gbe na ye ɖɔ: ''Omɛ xe ni bló nylaɖo tvɔzun kaannumɔnɔ na nyaɖo. 35 Ɖó kannumɔ nɔ nɔ xewgbe kàkà ɖo yi gɛ vɔ oxwevi wɛ nɔ nɔ xwegbe kàkà ɖo yi. 36 Nà ovi lɔ wɛ nà mi Jlokoko, bé mi na mɔ Jlokoko. 37 Un nyɔ ɖɔ Ablaxamu we kukan wɛ mi nyi có mi le din na hwu-un ɖo mi ma yi oxo cè sé ɖó ayixa mi tɔn mɛ gɛ. 38 Nyɔ, anu xe un mɔ le atɛye dé wɛ un le ɖɔ-ɔn, vɔ mye mi le blo onu xe na mye tɔ ye kpan mi. 39 Yé gbo dè gó na Jesu ɖɔ: ''Ablaxamu wɛ nyi myètɔ, Jesu ka dɔ na ye ɖɔ''. Na Ablaxamu we ovi wɛ mi ɖo yi, mi na wa nu ɖi eyɔtesu xà. 40 Vɔ myé mi le din na hwu-un, a ni wutu? ɖo un le dɔ xojɔxo xe na atɛye kplan-un mi. 41 Gbeɖekpɔn, Ablaxamu ma wa nu ɖi mye xa gɛ. Mi nɔ wà nu ɖi otɔ xe ni ji mi ɖu xa, vɔ ye gbo dé gó na Jesu ɖɔ: ''Mi mà nyi ogavi gɛ. Mawu wɛ nyi otɔ lokpo xe na mi ɖó. 42 42 Jesu ka gbo ɖé gó na ye ɖɔ: ''Nà Mawu ɖo nyi myètɔ, wɛ, bé mi na nyiwau ha-nu. 43 Ɖó eyɔ wɛ ze-un do xlan mi mɛ, nyɔtesuwe titomɛ mɛ un ɖo wà gɛ. Ani wutu mi mà le ɖinu na oxo xe na un le ɖɔ na mi-ɔn gɛ? 44 Ɖo mi hwedo oxo ce yiyi gó. Lɛgba wɛ nyi myétɔ wɛ mi nɔ jlo na wa nu ɖi éyɔ xà. Mɛhwutɛ wɛ enyi sɔn bibɛ hwenu, e ka mɔ nɔ ɖɔ xojɔxo gɛ ɖo xojɔxo lɔ ma le mɛ gɛ. Awónɔ lɛ we otɔ wɛ otɔ wɛ e nyi. Vɔ nyɔ le ɖɔ xojɔxo nà mi vɔ e nɛ lɔ wɛ zɔn mima le ɖinu na-un gɛ. 45 Vɔ nyɔ le ɖɔ xojɔxo nà mi vɔ e nɛ lɔ wɛ zɔn mima le ɖinu na-un gɛ. 46 Mɛ wɛ le mimɛ bo na ɖe xlɛ dɔ un bo na ɖe xlɛ ɖɔ un bo ɖawo lokpo? Xojɔxowɛ un nɔ ɖɔ nà mi, vɔ ani wutu mi mɔ nɔ ɖinu na-un gɛ? Mɛ xe ni nyi Mawu we vi nɔ sé Mawu we oxo wɛ. 47 Nà mye mi mɔ se Mawu we oxo gɛ, bé mi ma nyi Mawu-vi gɛ. 48 Jwiƒu xe gbɛ wan na Jesu lɛɛ yi ogbe bo ɖɔ: ''Ohwɛ mitɔn jɔ na mi ɖo ɖɔ Samilitɔ bɛ àbó nyi, gbigbɔ nylakan kó gɔ le ji we''. 49 Jesu ka gbo dè gó na ye ɖɔ: ''Ówó gbi gbɔ nylaxan ma le nyɔ mɛ gɛ; un nɔ ɖo si si na atɛye vɔ mye mi gbɛ wan na-un. 50 Ówó un mà lé ɖin nyɔ-tesu wé gigo gɛ, vɔ Mawu wɛ nɔ na-vu gigo, bo nɔ dɔ ohwɛ. 51 Ma ɖɔ xojɔxo nà mi, e nyi mɛ ɖe se xo ce bo blo ɖéji, omɛ lɔ ma Jan ku gbele gɛ''. 52 Xe na Jesu ɖɔ oxo vɔ, Jwiƒu lɛ yi oxo b ɖɔ: ''Éxé tɔna din, mi ɖinu ɖɔ gbigbɔ nylakan bo le yɔ mɛ. Ablaxamu kpo ɖɔɖanyi-ɖɔtɔ lɛɛ ku, yɔ kà wo bo le ɖɔ na mi ɖɔ: ''Omɛ xe ni zɔn oxo ce ji ma jan ku gbe ɖe gɛ. 53 Yɔ hwugan dagbo mi tɔn Ablaxamu wɛ? Eyɔ kpodo ɖɔ da nyi ɖɔ tɔ lɛɛ wo ku, à ni wɛ anɔ zé yɔ ɖe dó mɔ?'' 54 Jesu ka yi gbe na ye ɖɔ: ''Na nyɔ te su wɛ té nyɔ ɖe su, bé gigo ce ma jan ɖo kpikpɛ yɛ. Atɛ ye wɛ kà nɔ zé-un su. Mye ɖye ka ɖɔ eyɔ bɛ bo nyi Mawu nà mye. 55 Có mi ma nywɛ yɛ, nyɔ ka nywé. Nà un ɖɔ un bo ma nywɛ gɛ, bé un ɖa wo ɖi myé xà. Vɔ nyɔ nywɛ bo nɔ wanu gbɔn oxo e tɔn lɛ ji. 56 Awajijɛ ɖa xo wɛ e nyi na dagbo mitɔn Ablahamu ɖó xomɛ hun-i ɖ gwɛ-un.'' 57 Jwiƒu xe ka gbɛwan na Jesu lɛɛ kɛnse ɖɔ: ''Akà ɖo xó wé kanɖe-awo vɔvɔ?'' bo ka mɔ Ablahamu? 58 Jesu ka ɖɔ na ye ɖɔ: ''Ma ɖɔ xojɔxo nà mi, hwɛ ko na Ablahamu na ɖó wà, nyɔ wo le ke hwɛ kpo''. 59 Yé zé okpɛn, bo na nyi ɖo Jesu, Jesu ka bɛ, bo tɔn le sisɛn xɔ lɔ mɛ.