¹ Pɔlu xeni nyi omɛ ɖeɖoxlan Jesu tɔn wɛ le wlan wema xe ɖoxlan mi xɔn.E ma nyi gbɔn gbɛtɔ ɖe alo acɛkpikpa gbɛtɔ ɖe ji tɔn wɛ un le wlan do xɔn gɛ,amɔ do gbɔn Jesu Klisi xena Mawu otɔ lɔ fɔn sɔn oku wɛ, ² nyɔ kpo nɔvi sunnu,nyɔnnu xeni le akpa ce lɛye do ogbe na mi le Galile. ³ Na fifa Mawutɔn kpo fɛnu etɔn ni nɔ okpɔ xa mi le Mawu otɔ lɔ kpo ovyɛ Jesu Klisi we nyikɔ mɛ, ⁴ Jesu sɔ e ɖe sɔ na bo do sɔ ohwɛ mitɔn lɛye sɔ xɔ kɛ mi bo na wɛ mi do ɖu le nylando we ogbɛ zinzan ji, ⁵ e blo ojlo Mawutɔn,okpɛ kpo gigo na nyikɔ etɔn le mavɔ-mavɔ mɛ!Ami! ⁶ E kpaca un na mi do ɖebla gbɛ okɔ sɔn omɛ xeni yɔ mi gbɔn fɛnu etɔn mɛ bo do wa tɛ do wɛnɖăgbe obu go. ⁷ Ɖi owɛn ɖagbe obu gɔ le mɛ ha.Vɔ omɛye le bo le caka mi xɔn a bo do lɛ otatɔte na owɛnɖagbe Klisi tɔn lɔ. ⁸ Odin,na mɛɖe wa mide,alo e tlɛ nyi nyɔ,alo wɛnzangun Mawutɔn lɛye wɛ gɔ wa la owɛnɖagbe obu xegɔ gbɔn ovo na xena un la na mi lɔ,be acɛku do-e! ⁹ Un bo ɖɔ le osan,un gɔ le tɛ oɖɛ e ji xɔn bu ɖɔ:"Na mɛɖe gɔ wa la wɛnɖagbe obu na mi gbɔn ovo na xena mi la na mi lɔ,acɛ ku do-e! ¹⁰ Odin afukinkan gbɛtɔye tɔn wɛ un le din xɔn loo alo na Mawu a kanfu-un,un le din na nyɔna gbɛtɔ xɔn na nyɔ na,be un ma gɔ nyi omɛsɛntɔ. ¹¹ Nɔvi sunnu nyɔnu e mi,un jlo ɖɔ mi na nyɔ-ɛ ɖɔ:"Wɛnzangun xena un la na mi mma sɔn gbɛtɔ de gɛ; ¹² Ɖo un ma yi-i le gbɛtɔ ɖe si gɛ,gbɛtɔti ka ma klan ŋu gɛ,Jesu Klisi lokpo gege we ɖe -e xlɛŋu. ¹³ Hwexenu na un nyi kosi,onu xena un sɔ yisenɔye do blo le osan,mi se ma,ɖena un nɔ su yisenɔ lɛye do gankpamɛ,bo nɔ gba agun Mawu tɔn lɛye do ɖo, ¹⁴ nyɔ Pɔlu un le nukɔn na omɛ susu le Jwifunu lɛye we sinsɛn lɔ mɛ.Ɖo un syɛn le akɔtanu wiwa dagbo-dagbo ce lɛye tɔn mɛ le osan taŋu. ¹⁵ Vɔ,Mawu oo ɖeŋu do ovo xoxo sɔn hwexenu na un le dɔmɛ na anɛye,hugan lemɔha,dogbɔn fɛnu Mawutɔn mɛ,e na wɛ un gɔ nyɔ-ɛ wi-i, ¹⁶ wɛ e gɔ do ɖe ovi etɔn sɔ xlɛ-un na ma do lɛ-ɛ na kosi lɛyeUn ma kpɔn ohun gbɔɔn do kpɔn agbaza gɛ, ¹⁷ un ka ma yi Jeluzalɛ le omɛ xe yise jɛ nukɔn na-un lɛye de gɛ,e wa ɖo ɖe, Alabi wɛ un yi bo wa lɛye gbɔn Damasi. ¹⁸ Oxwe atɔn godo, hwɛkpo un wa yi Jeluzalɛmu bo do wɛ nyɔ Sefasi,azan fɔtɔn wɛ un blo le ede. ¹⁹ Un ma mɔ mɛsɛdo lɛye ti le e de gɛ,zɛgbɔn Jaki xeni nyi Jesu nɔvyɛ. ²⁰ Onu xena un le wlan na mi xɔn xe,un kan do Mawu ji,awo mɛ gɛ. ²¹ E nɛ godo,un gɔ wa toxo Sili kpo Silisi tɔn kpo ye mɛ. ²² Ye ma nyɔ-un wi le agun Jude tɔn ji gɛ; ²³ vɔ ye nɔ se kpoŋu ɖo omɛ xeni bo nɔ do tagba na agun Mawu tɔn lɛye le osan xoxo,bo wa le la Mawu we oxo le odin xɔn,oxo xena e bo nɔ gbado san. ²⁴ Ye nɔ kpa gigo na Mawu do nyɔ wutu.