OTA 9
1
Le ohwenɛ lɔ nu, solugɔ gbɛ lr sin oku we adan na onukplanvi lɛye xɔn. E wa yi mɔ avɔsantɔga lɛye.
2
Bo nɔ n-i ɖɔ ni bo blo wena xeni bo ná na acɛ miye na mi a bo hɛn do yi jwifunu lɛye we okpitɛn xeni bo le Damasi na nyɔnusi de lɛye alo sunnuglo ɖe lɛye le fḷɛn bo le zɔn do osɛn Jesutɔn ji xɔn, miye bo na do caba na ye a bo kplan-ye do wa Jeluzalɛmu.
3
Hwexenu na e le omɔ lɔ ji, bo le sɛkpɔ Dawasi xɔn, tintan lokpo kpoŋu, weziza ɖe sɔn ojinukunsin bo ta lɛ do-e.
4
Ejɛ anyi, bo se ogbe ɖe le dɔ ni'i xɔn ɖɔ:« Solu, solu aniwɛ zɔn a do le ɖe ofun na-un xɔn?»
5
Solu bo kan se ɖɔ mɔ sin:« mɛ wɛ a nyi aklunɔ?» Aklunɔ lɔ bo ɖo e go n-i ɖɔ:« Nyɔ wɛ nyi jesu xena ale ɖe ofun na xɔn.
6
Odin, cite a bo ɖyɛ damasi we toxo lɔmɛ flɛn lɔ wɛ ye na ɖɔ onu xena a ɖo na blo lɔ na we le.»
7
Owe xeye kpo solu kpo ni le xɔn xɔn lɛye tle, onu kikɛ bo glo ye do obu wutu, ɖo ye le se ogbe lɔ xɔn, vɔ ye ka ma le mɔ omɛti xɔn gɛ.
8
Solu cite le anyizan mɔ wɛ nukunsin etɔn lɛye le ote co, e ma gɔ le mɔ onati xɔn gɛ. Ye gbɔjwɛ hɛn alɔ ni-ni do yi Damasi.
9
E gɔn onu ma mɔ, onu ma ɖu, osin tesu ma nu na azan atɔn.
10
Onukplanvi ɖe le Damasi lɔ, wɛ ye nɔ yɔ-ɛ ɖɔ odlɔ mɛ ɖɔ:« Ananyasi.» e bo syɔ ni-i ɖɔ« Nyɔ ɖiye, aklunɔ».
11
Aklunɔ bo ɖɔ ni-i ɖɔ:« ci ote a bo yi omɔ́ xena ye nɔ yɔ ɖo omɔ́ jijɔ lɔ ji a dyɛ Juda we oxwegbe a bo kan dahwe ɖe, xeni sɔn tasi we otomɛ xena ye nɔ yɔ ɖo solu we otamɛ se. E le ƒlɛn bo le xoɖɛ xɔn.
12
Gbɔn odlɔ mɛ, e mɔ dahwe ɖe xena ye nɔ yɔ ɖo ananyasi,e bo wa e kɔn, bo ɖo alɔ ota ni-i, na ni a do mɔ onu»
13
Ananyasi bo ɖo e go ɖɔ:« Aklunɔ, un se ɖɔ dahwe nɛ lɔ bo dó tagba susu na yisenɔ tɔwe lɛye le jeluzalɛmu.
14
E bo wa fi kpo acɛ xena avɔsantɔga ɖaxo lɛye ni-i na nia do do caba na omɛ-ɖekpokpwe xeye ni nɔ gbɛ yɔ nyikɔ tɔwe lɛye.»
15
Vɔ, Aklunɔ ɖɔ ni-i ɖɔ: « yi, dahwe nɛ lɔ nyi ezɔnwanu ce xena un can, a boi do ɖe nyikɔ ce sɔ xlɛ omɛ xeye ni nyi jwifunu ye kpo xɔluye, kpodo otogun izlayɛli tɔn kpo.
16
Nyɔ tesu na ɖe aya xena e na ɖu do nyikɔ ce mɛ sɔ xlɛ-ɛ.»
17
Ananyasi yi bo ɖyɛ oxwe lɔ gbe, boɖo alɔ ota na solu, boɖɔ ni-i ɖɔ:« solu, anɛyevi aklunɔ Jesu klisi xeni ɖe e ɖe sɔ sle we le omɔ xe ji na a le bo doja wɛ ɖo-un ɖoxlan ɖoxlan na a gɔ do mɔ́ onu a bo gɔ kpo gbigbɔ mimɛ kpo.»
18
Tintan lokpo, onu ɖe lɛye di ohwefanye ha flɛ le nukunsin ji ni-i e bo jɛ onu mimɔ́̀ ji. E cite, ye bo do osin ota ni-i.
19
Xena e ɖu onu vɔ, e mɔ hɔnhlɔn. Solu lɔ bo nɔ onukplan lɛye kɔn le Damasi na azan avuɖe.
20
Hɔnlokpo-hɔn lokpo, e jɛ Jesu we oxo ɖiɖɔ ji le jwifunu lɛye we okplitɛnye ɖɔ e yɔ bɛ bo nyi Mawu we ovi lɔ.
21
E kpaca do omɛ sese xeye ni se oxo ɖidɔ etɔn xɔn, wɛ ye le ɖɔ xɔn ɖɔ: « E ma nyi dahwe nɛ lɔ yɔ Jesu we nyikɔ lɛye?»
22
Vɔ, solu nɔ gɔ le do axwa do e ji xɔn a do le ɖɔ oxo Jesu tɔn dɔ e yɔ bɛ bo nyi klisi lɔ. wɛ jwifunu xeye ni le damasi lɛyye flu, bo ma gɔ nyɔ oxo xena ye na gɔ ɖɔ ba gɛ.
23
Le azan susu ɖe lɛye godo, jwifunu lɛye bla ogbe ni-i bo na do hu-i.
24
Vɔ, olu se okpa. Omɛ lɛye bo nɔ le cɔ hɔnto-gbo toxo lɛ ye xɔn oklekpo ozan a do hu-i.
25
E wɛ le ozan mɛ gbeɖokpo, onukplanvi solu tɔn lɛye kɔ solu do jaxwi mɛ bo kɔ-ɛ jɛte do adokpa godo.
26
Xena soluwa jeluzalemu, e do hɔnhlɔn bo na do dyɛ jwifunu lɛye we okplitɛn, vɔ, ye le di obu ni-i xɔn, ɖo ye ma o kan do e ji ɖɔ e bo nyi onukplani Jesutɔn oxo jɔxo tɔn gɛ.
27
E wɛ banasi klpan-ɛ do yi omɛɖeɖo-xlan lɛye ɖe bo kpi otan lɔ na ye sɔn ɖena solu mɔ aklunɔ ɖo, kpo ɖena aklunɔ lɔ ɖɔ oxo ni-i ɖo le damasi we omɔ́ ji ɖo. Banabasi lɔ gɔ ɖɔ ɖena solu lɔ jɛ owɛn we nyikɔ mɛ le damasi ɖo.
28
Bɛ sɔn hwenɛnu, solu kpo ye kpo nɔ le yi xɔn, a bo le wa xɔn, le jeluzalemu, wɛ e nɔ le ɖɔ jesu we oxo lɔ xɔn kpo kande ji kpo.
29
E nɔ ɖɔ oxo xa jwifunuye ni nɔ do glɛkigbe ye xɔn cangba, a bo le dɔn onu xa ye xɔn vɔ ye bo jlo na hu-i.
30
Xena nɔvi le yise mɛ lɛye se okpa, ye klpan solu do sɔn yi sezale, bo sɔ-ɛ ɖoxlan tasi.
31
Agun jude tɔn jude tɔn lɛye le fifa me, gbɔɔn yi galile kpo samali we kansin mɛ kpo sese. ye lidó le yise mɛ, bonɔ zan ogbɛ le obu-ɖisi ɖiɖo na Mawu mɛ xɔn. agunvi lɛye nɔ le sudo e ji xɔn gbɔn gbigbɔ mimɛ we hɔnhlɔn mɛ xɔn.
32
Piyɛ le dan gbn ofi kpokpo xɔn. Gbeɖokpo, e wayi yisenɔ xeye ni le lida lɛye de.
33
Bo mɔ dahwe ɖe le toxo lɔ mɛ, ye bo nɔ yɔ-ɛ ɖɔ Enɛ. Dahwe nɛ lɔ ci azan ji sɔn oxwe cantɔn ɖiye gbɔɔn, ɖo, e kplibɔ.
34
Piyɛ ɖɔ ni-i ɖɔ: Enɛ, Jesu klisi gbɔ azan na we, cite, yɔ tesu xa ozan tɔwe" Hɔnlokpo kpoŋu, e cite.
35
Xena Lida kpodo salɔn we taxo mɛtɔ ye sese mɔ-ɛ, ye ɖionu na Aklunɔ lɔ.
36
Le Jope we toxo mɛ, nyɔnu ɖe le bo nyi onukplanvi Jesu tɔn, wɛ ye nɔ yɔ-ɛ ɖɔ tabita xe ni nyi:" Dɔkasi". Le hwekpo kpo nu, e nɔ blo onu jijɔhun susu ja bo nɔ kpedo ayanɔ ye go.
37
Le ohwe nɛ lɔ nu, e jɛ azɔn bo ku. Xena ye lɛ osin na ocɔ etɔn vɔ, ye sɔ-ɛ ɖo sanŋu ji.
38
Lida we toxo lɔ ma dɛn do jope gɛ. Xena onukplanvi xeye ne le Jope lɛye se ɖo lɛye se ɖɔ piyɛ bo le Lida, ye ɖo sunnuglo awe ɖoxlan e de a bo do wa yi do owɛn ni-i ɖɔ:" kɛnklɛn a bo wa kpɔn mi bleŋu".
39
E we Piyɛ cite, bo xo do-ye. Xena e jɛ jope, ye kplan-ɛ do yi sanŋu lɔ ji, asu kudo si kpo kpo bo sɛkpɔ-ɛ kpo avi kpo bo sɔ awu ɖaxo ye kpo ovuye kpo xena Dɔkasi na ye le hwexenu na e do le ogbɛ sɔ xlɛ Piyɛ.
40
Piyɛ ɖe owɛ kpokpo tɔn, bo jɛklo, bo xoɖɛ E nɛ godo e lɛkɔ kpɔn ocɔ lɔ bo ɖɔ:" Tabita cite !" E wɛ e hun nukun, xena e mɔ Piyɛ, e flɔn-anyi.
41
iyɛ hɛn alɔ ni-i bo fɔn-ɛ cite, bo yɔ yisenɔ lɛye sese kpodo asukudosi lɛye bo sɔ-ɛ sɔ xlɛ ye gbɛɖe-gbɛɖe.
42
Jope tɔ ye sese wɛ se onu xeni jɔ lɔ, wɛ owɛ susu kan do Jesu ji.
43
Piyɛ nɔ jope lɔ na azan susu le simɔ olan gbaza zɔnwatɔ lɔ kɔn.