¹ Hwenu ye le ɖɔ vo wa toyun lɔ, vɔsantɔ Mawu tɔn kpodo sisɛn xɔ cɔ tɔ lɛɛ we oga kpodo sadusitɔ ye we ogbɛ lɛɛ wa ² ye le xomɛ sin ji ɖo piyɛ kpodo jan kpo le kplan to gun lɔ. Piyɛ kpo jan kpo le ɖo ome kuku lɛɛ hɛn ye bo na wa ogbɛ ye le ɖɔ: Yesu klisi bo fɔn sɔn oku ³ ye wle Piyɛ kpodo jan kpo me hwedo, bo ze ye su ɖo gankpamɛ aka jɛ ayi hɔngbɔ. ⁴ Mɛ xe se Mawu xo lɛɛ, susu yi se le yemɛ, ye na yi gbɛtɔ akpo atɔn xa le ma. ⁵ Ayi hɔn gbe, sisɛnga, mɛxo lɛ, kpodo cica osɛn kpɔn-mɛtɔ lɛɛ kple do Jeluzalumu vɔ santɔ ga Mawu tɔn Ani, cayifu, jan, Alesandri kpodo ⁶ vɔ santɔya Mawu tɔn we omɛ lɛɛ. ⁷ Ye dɔn Piyɛ kpodo jan kpo wa nukɔn yetɔn bo ɖɔ: hɔnhlɔn bɔ lɔn mi tan bo do gbɔ a tɔn na sɛkunɔ lɔ? Mɛ we nyikɔ wɛ mi zan? ⁸ Piyɛ xe ni yɔ kpodo yɛ sisɛn mimɛ kpo ɖɔ: "Otoga, tomɛ xo ye, ⁹ Mi gbɔ a zɔn na sɛku nɔ wɛ z gbe din ye le kan oxo mi se ɖɔ na le we mi blo ɖo ja. ¹⁰ Mye kpodo Izlayɛli we togun kpo, mi ɖo na nyɔ onu lo kpo wi: Jesu na zulɛ tɔn we nyikɔ mɛ wɛ gbɛtɔ xe do le nu kɔn mitɔn, namɛ nywɛ Jesu xe na mi ka ɖo a klu zu Ji we Mawu fwɛn sɔn oku. ¹¹ Okpɛn xe mye xɔgbatɔ lɛ gbɛ wɛ wɛ wa nyi okpɛn taji na oxɔ lɔ. Jesu wɛ nyi okpɛn lɔ. ¹² E yɔ lokpo wɛ na hwlɛn mi gan. Le ogbɛ lɔ kpokpo mɛ, Mawu ma gɔ ze mɛle do xlan wɛ e na do hwlɛn mi gan adovo Jesu gɛ. ¹³ Mɛ xe nɔ ɖɔ otoxo le ci nukpoca mɛ. Ye mɔ ɖɔ Piyɛ kpo jan kpo bo le ɖɔxo kpo nuɖiɖi kpo. Ye ka gɔ mɔ ɖɔ Piyɛ kpo Jan kpo bo yi gbɛtɔ kpo un le, ye bo ma sehwema gɛ. Ye nyɔ ɖɔ Jesu bo le kpɔ xa ye myawe lɛ. ¹⁴ Ye ka mɔ dɔ azɔnbo gbɔ na sɛkunɔ lɔ wɛ e lete le Piyɛ kpo Jan kpo we akpa Otoxodɔtɔ lɛ ma nyɔ onu ye na ɖɔ gɛ . ¹⁵ Ye na ogbe ye bo ɖɔ: Mi tɔn le xɔ lɔ mɛ wɛ ye jɛ oxo ɖɔ le yeɖelɛmɛ ji. ¹⁶ Ye ɖɔ; A ni wɛ mi blo na mɛ xe lɛ? Ye blo nujawu wɛ togu Jeluzalɛmu tɔn mɔ, mye ma kpo ɖɔ oxo bu gɛ. ¹⁷ Vɔ, oxo lɔ ni kpɔn gbakpe fi kpokpo gɛ. Mi na do bu na ye wɛ ye ma gɔ Jan Jesu xo na mɛ le gɛ. ¹⁸ Ye ylɔ Piyɛ kpodo Jan kpo bo ɖɔ na ye ɖɔ:" Mi nɔ gɔ ɖɔ alo kpɔn Jesu we oxo le fiti gɛ. ¹⁹ Vɔ mɛsɛdo do Mawu tɔn awe lɛ ɖɔ ni ɖɔ: " a ni wɛ na nyɔ le Mawu we nukunun mya ɖo to mye alo Mawu? Mye tesu mi. ²⁰ Mi wa ke go na bɔnu ɖo onɔ xe mi mɔ alo mi se go gɛ" ²¹ Otox ɖɔtɔ lɛ gɔ do buɖisi na ye, bo Jo ye ɖo wɛ ye sɔn ɖo ye ma mɔ hwɛ ji jɔ bo na do ɖa hwe na ye gɛ. Togun lɔ kpokpo kpa gigo na Mawu ɖo onu ni ²² Mɛ xe ye gbɔ na lɔ, le ɖo o oxwe kanɖe onu jɛ eji. ²³ Xe ye jo piyɛ kpo jan kpo do, ye yi hadwe ye tɔn lɛ ɖe hɔnlokpo bo yi ɖɔ onu ni jɔ lɔ na ye. ²⁴ Xe omɛ kpokpo se oxo lɔ, ye nɔ gbenɔkpɔ mɛ bo bɛ oɖɛ, bo ɖɔ: Aklunɔ yɔ wɛ ɖ'a Jinukunsin, anyi zan, oxwu kpodo onu ni le mɛ lɛ kpo kpo. ²⁵ Gbigbɔ tɔwe wɛ ɖɔ xo na da gbo mitɔn Davidi ɖɔ: ani wu tu togun lɛɛ le aɖanji ? ye nɔ ɖo titomɛ ovɔ. ²⁶ Axɔlu ahyizan ji tɔn-lɛɛ vɔ sɔ ahwan Mɛ ɖo acɛkpikpa lɛ nɔ lilɛ kpe Aklunɔ Kpodo axɔlu xe na aklunɔ te su can. ²⁷ Xojɔxo wɛ erodu, pɔnsi, Pilatu wa kplé ɖo toxo enɛ mɛ, kpodo jɔnɔ lɛ kpo Izlahɛti we vi lɛ kpo; bo fɔn gu ɖo mɛ sɛntɔ tɔwe mimɛ jesu xe a ze ɖo blo klisi. ²⁸ Ye ɖo gbe kpɔ, bo blo o jlo tɔ we ²⁹ Odin, aklunɔ, kpɔn le ye dobu na mi ɖo. Na akɔn kpikpon mɛsɛntɔ tɔ we lɛ na ye na do jlo oxo tɔwe. ³⁰ Drɛn alɔ tɔ we na a zɔn hɛngbɔ ni wa, nukpaca le ni jɔ le jesu mɛsɛntɔ tɔ we mimɛ we nyikɔ mɛ. ³¹ Xe ye xo ɖɛ vɔ, fi xe ye le lɔ, anyi za lɔ jɛ hunhun ji, wɛ ye yɔ kpodo ye si sɛn mi mɛ kpo bo le jla Mawu xo kpo nuɖiɖi kpo. ³² Nuɖitɔ lɛ kpokpo ɖo ojlo lokpo lɛ linlin lokpo lɛ, wɛ mɛti mɔ nɔ yɔ ze onu e tɔn do blo eyɔ lokpo nɔ tɔn yɛ. ³³ Mɛsɛdo lɛ̀ɛ̀ ka nɔ ɖe kunu nú fɔnsɔn ku jesu tɔn kpodo nuɖiɖi kpo wɛ Mawu hu ye acɛ. ³⁴ Nuti mɔ hwedo mɛti ye mɛ gɛ, mɛ ɖo ogle alo oxwe lɛ nɔ sa bonɔ hɛɛn kɔbɔ lɔ ³⁵ bo nɔ ze na mɛsɛ do lɛ, wɛ ye nɔ ma na mɛ lokpo-lokpo ɖo le e jɛ xa. ³⁶ Mɛlokpo le yemɛ bo nyi leviti tɔ wɛ ye nɔ ywlɛ ɖɔ ba na ba si tinmɛ e tɔ le nyi " gbɛtɔ xe nɔ do gan na mɛ na mɛ" ɖo ogbe le gba. ³⁷ E sa ogbe e tɔn, bo hɛn kɔbɔ lɔ wa na mɛ sɛ do lɛ.