Ota 3
1
Gbelokpo, piyɛ kpo jan kpo yi sisɛn lɔ mɛ bo ná dó xó òdɛ le gantɔn hwedo tɔn mɛ.
2
Dó sɛkpɔ̀ sisɛnxɔ lɔ we ohɔn xe ná ye nɔ ylɔ ɖɔ: " Ohɔn jijɔhun", gbɛ̀tɔ ɖe le wɛ ye ji sɛkunɔ. Ayihɔngbe-ayihɔngbe, ye nɔ wé sɔ xɔ ɖo flɛ̀n. Wɛ e nɔ byɔ kɔ bɔ me xe nɔ wa sisɛnxɔ me lɛ́ɛ́.
3
Sɛkunɔ lɔ mɔ Piyɛ kpodo jan kpo jlo nâ byɔ sisenxɔ lɔ mɛ, wɛ e byɔ̀ kɔbɔ ye.
4
Piyɛ kpodo Jan, ye ze nukun ye tɔn ɖo sɛkunɔ lɔ Ji, piyɛ dɔ ni ɖɔ: "kpɔ́n mi".
5
Sɛkunɔ lɔ le kpɔn ye wɛ e le bwi ɖɔ ye bo nà na un le mye wɛ sin.
6
Piyɛ ɖɔ ni ɖɔ:" un ma ɖo kɔbɔ jɛ, unka ma ɖó sika ye, vɔ ónú xe un ɖo, e ɖye:" le Jesu nazalɛti tɔn nyikɔ mɛ, cite, a bó zɔ̀n zɔnlin.
7
Piyɛ zé a lɔ aɖuxwe tɔn bo do gɔ alɔ ná omɛ wɛ e ná do cite. zɔn lokpo, afɔ sɛkunɔ lɔ do gan dido.
8
E cite bo jɛ zɔnlin zɔn ji, bo ɖyɛ sisɛnxɔ lɔ mɛ xa yɛ, bo da xwa kpodo awa jije kpo, bo kpá gi go ná Mawu.
9
Toyun lɔ kpokpo mɔ sɛkunu lɔ ɖi wɔnlin wɛ ye jɛ Mawu kpá ji.
10
Omɛ ye nyɔ sɛkunɔ lɔ, ɖó eyɔ wɛ nɔ byɔ́ nu le ohɔn jijɔ hun sisɛnxɔ tɔn ji, wɛ obi jɛ ye ji ɖo sɛkunɔ lɔ le ɖi zɔn lin wutu.
11
Omɛ lɔ ma jó piyɛ kpo jan kpo do yɛ, ɖo e nɔ le go do na ye wɛ e nɔ kpaca togun lɔ kpokpo wɛ ye mɛ susu wa ye de le fi xe na ye nɔ ylɔ ɖɔ " Salomɔ we àgbá ji.
12
Xe piye mɔ le ma; e ɖɔ ná tojun lɔ ɖɔ: " Nɔvinɔ iwlayɛli tɔn ye ,ónú ni jɔ lɔ kpaca mi wɛ? ani wutu? a ni wu mi le kpɔ̀n mi dó le ma? Mi le bwi ɖɔ piyɛ kpo jan kpo bɛ bo zɔ̀n sɛkunɔ lɔ ɖi zɔnlin sin ɖo ye nɔ wanu ɖo Mawu we osɛn ji! vɔ owo.
13
Mawu ablaxamu, izaki kpodo jakɔbu kpo tɔn, dagbo mi tɔn lɛi we Mawu ná giyo mɛsɛntɔ e tɔn jesu. Mi sɛ́, bó gbɛ le pilati nu kɔn. Co Mawu bó trun okan ni.
14
Mi gbɛ́ mɛ xe ni le mi mɛ ji, bo nɔ wa ni o jijlɔ ji, bo ná oilati dɔ ni jó Mɛkwutɔ ɖɔ.
15
Mi hwa mɛ xe kpá cɛ ná ogbɛ lɔ, vɔ Mawu ƒwɛ́n sɔn oku wɛ mye mi nyi kunuɖetɔ e tɔn.
16
Odin, mì mɔ̀ daxwe xe, bo nywɛ. Jesu we nyikɔ wɛ hwlɛngan ɖó mi ɖi nù ni nuɖiɖi ná Jesu wɛ zɔn e do mɔ azɔn hɛngbɔ bo do le ote nukɔn mi tɔ̀n.
17
Vɔ, nɔvinɔye, un nyɔ ɖɔ mye kpo oga lɛ́ɛ̀ bó blo le ma ɖó́ mi mà nyɔ xo jɔxo.
18
Vɔ̀ onù Mawu ɖɔ gbɔn ɖɔ ɖenyi-ɖɔtɔ e tɔn lɛ mɛ wɛ wá cicɛmɛ. E ɖɔ ɖanyi ɖɔ: hwlɛngantɔ lɔ bo na ɖu áyá.
19
Mi ɖyɔ̀ oybɛ mi tɔn, bo trɔ kpe Mawu, e nɛ e na susu ohwɛ mi tɔn.
20
Aklunɔ ná ná mi hwenu vivo tɔn, wɛ e na zé hwlɛngantɔ xe ni yi Jesu do- xlan mi.
21
Vɔ, le din trolo din, jesu ɖo nà nɔ jinukunsi káká do yi hwenu un lɛ kpokpo ná wa jijlɔ ji ɖi le na e ɖɔ le xóxó́ gbɔn ɖɔ danyi ɖɔtɔ mimɛ e tɔn lɛ́ɛ̀ ji.
22
Mayizi ɖɔ: " Aklunɔ, Mawi mi tɔn ná zé ɖɔɖa nyi ɖɔṭɔ ɖi nyɔ xa do xlan mi. E na nyi nɔvinɔ mi tɔn, wɛ mi ná se oxo xe e ná ɖɔ lɛ.
23
Mɛ xe ma jan sé xo e tɔn yɛ ma jan mɔ́ Mawu yɛ wɛ ye nà kù.
24
Wɛ ɖɔɖanyi ɖɔtɔ xe ni ɖɔ xa sɔn sa mwɛli ji lá owɛn lokpa lɔ.
25
Mye can, jwi fu mi yi, wɛ kancica xe Mawu ɖe xá dagbo mi tɔn lɛɛ̀ gbɔn ɖaɖanyiɖɔtɔ etɔn lɛ́lɛ̀ ji nyi mi tɔn, ɖó Mawu dó okpagbe na dagbo miton ablaxamu ɖɔ: " kukan tɔ we ji wɛ ná gbɔn bó-ná mɛ xe le anyizan ji lɛ́lɛ̀ kpokpo. mye tɔn wɛ nyi kanci ̀cu lɔ.
26
Mye wɛ zɔn Mawu zé mɛsɛtɔ e tɔn wá. E zé do xlan ná mi ná dó mɔ do na yi, wɛ mi na dó lɛkɔ le onú nyinyla wi wa go.