² yɔn Pɔlu mɛdɔntɔ Jesu Klisitɔn dogbɔn Mawu we ojlo mɛ, wɛ wlan hwema xe. E Can un na ma do jla ogbɛ mavɔ mavɔ xe we kpagbe na e dó na omɛ ni le Jesu Klisi mɛ lɛye. ¹ Un wlan-ɛ doxlan we timɔte ovi ce vɛna-vɛna. Mawu otɔ lɔ kpodo Aklunɔ Jesu Klisi mitɔn ni na we ƒɛnu kpodo ƒiƒa abo ku dɔŋuɖunu na we. ³ Un nɔ le dokpɛ na Mawu do ta na we Mawu xena un le sɛn xɔn, kpodo ayixa mimɛ kpo ɖi ɖena dagbo ce lɛye blo ɖó ha. Gan ɖekpekpe mɛ, le okle kpodo azan kpo, un mɔ nɔ gɔn ƒin slin we le oɖɛxixo ce lɛye mɛ gɛ. ⁴ Na un ƒlun avi xena avi, e nɔ jlo-un taŋu dɔ manɔ kpɔ xa we a bo do gɔ kpo awajijɛ kpo. ⁵ Un nɔ le ƒlin yise xojɔtɔn na a ɖó, yise xena mama tɔwe Lɔyisi o ɖo hwɛkpo anɔwe Enisi can wa ɖo un bó dó kan de ji ɖo yise nɛ lɔ ke wɛ a dó gba. ⁶ E wɛ zɔn un le flin na we dɔ nunina xena Mawu na we sɔn hwenu xena un dó alɔ ta na we gbɔn we azo ni nɔ hun do ji we. ⁷ Ɖo Mawu ma na mi vivɔ we gbigbɔ gɛ, amɔ, hɔnhlɔn, wanyinyi kpodo mɛ ɖe ji ɖuɖu we gbigbɔ wɛ e na mi. ⁸ E wɛ zɔn kunu ɖiɖe na Aklunɔ mitɔn lɔ ni nɔ kpɔn gɔ nɔ wa ŋunya na we gɛ, ŋunya ni nɔ kpɔn wa we do yɔn mɍ xeni le ganmɛ dó ozɔn ztɔn go gɛ o. Vɔ ɖu aya xa wɛnɖagbwɛ lɔ a bo kan do MAwu we hɔnhlɔn ji. ⁹ Eyɔ wɛ hwlɛn mi gan bo ylɔ mi na mi a do zan ogbɛ mimɛ, e ka ma nyi ozɔn wiwa mitɔn go mɛ e sɔn gɛ, amɔ dogbɔn tito Mawu tesu tɔn kpodo ƒɛnu etɔn mɛ wɛ. E bo na mi ƒɛnu nɛ lɔ le Jesu Klisi mɛ hwɛkpo wa ɖo gbɛ lɔ. ¹⁰ Amɔ odin, e ɖe ƒɛnu nɛ lɔ sɔ xɔ xlɛ gbɔn hulɛngantɔ mitɔn Jesu Klisi lɔ we wiwá mɛ. Eyɔ wɛ hɛn oku we ocɛ gble, bo ɖe oku-ma le we ogbɛ sɔ xlɛ gbɔn wɛn ɖagbwɛ lɔ mɛ. ¹¹ Wɛnɖagbwɛ nɛ lɔ wɛzɔn na Mawu do sɔ-un sɔ xɔ do blo oxo etɔn jlatɔ, omɛsɛdo kpodo onukplan-mɛtɔ kpo. ¹² E lɔ wɛ zɔn na un do le ɖu aya xelɛye xɔn. Vɔ e ma nyi ŋunya na un gɛ ɖó un nyɔ omɛ xe ji na un kan do, un boɖo ji ɖiɖe taŋu dɔ e bo ɖo acɛ bo na do hɛn onu xena e sɔ do asi na-un go kaka do yi hwɛɖɔzangbe. ¹³ Hɛn xojɔxo xena a le se le nuye go, le yise kpodo wanyinyi xeni le Jesu Klisi me. Wɛ ye na nyi kpɔwɛ na. ¹⁴ Hɛn onu xena Mawu sɔ xɔ ɖo asi na we go, dogbɔn Gbigbɔ mimɛ xeni le mi mɛ we alɔgɔ mɛ. ¹⁵ A o nyɔ-ɛ ɖɔ omɛ lɛye sese ni le Azi we kansinmɛ bo o jo un, do, ɖe lɛye wɛ nyi Fijɛli kpodo ɛmɔjɛni kpo. ¹⁶ Aklunɔ lɔ ni kɔn ɖɔŋuɖunu ku na mɛ etɔn dó onɛziƒɔ we xwedo ji ɖo ganmɛ-ganmɛ enɔ do hɔnhlɔn nanmɛ na-un. Caba ce ka mɔ wa wá ŋunya ni ge. ¹⁷ E ci ɖo lemɔha co xena e wa Hlɔmu kpódó akpakpa kpo wɛ e do din-un bo mɔ-un. ¹⁸ Aklunɔ lɔ ni na ná Aklunɔ MAwu ni ku dɔŋuɖunu ni le hwɛɖɔzangbɛ. Ozɔn susu xena eblo na un le ɛƒɛzi lɛye, e nyɔ ye xugan mɛ ɖekpekpe.