¹ Anɛyevi lɛye mi, na dó yi vivɔnu, mi le byɔ mi xɔn ɖɔ mye ni bo xo oɖɛ dó ta na mi na Aklunɔ lɔ we óxó ni gbakpe bleŋu enɛ lɛye bo na dó nyi bubu ni ɖi ɖena e nyi dó le mi de dó há. ² Mi gɔ xo ɖɛ na mi le alɔ mɛ na gbɛtɔ bala-bala lɛye kpódó adan nnuwatɔlɛye kpo. Ɖo gbɛtɔ lɛye kpokpo mɛ yi gbe bo kan dó oxo lɔ ji gɛ. ³ Vɔ Aklunɔ lɔ le gbeji. E ná ná mi hɔnhlɔn bo na cɔn alɔ mi ji na awovi lɔ ni nɔkpɔn dókpe mi ji gɛ. ⁴ Aklunɔ lɔ bo na mi jiɖiɖe dó mi go ɖɔ okplan xema mi le na mi xɔn xe lɛye, mye bó le bó le bló dó ye ji xɔn, bona gɔ blo xugan lema, ⁵ Aklunɔ lɔ ni wa ozɔn le ayixa mɛ na mi na do nyi wan na Mawu a bo dó dó vivɛnu ɖi klisi ha. ⁶ Nɔvi yisenɔ lɛye, mi le byɔ mi xɔn vivɛ ɖe le Aklinɔ Jesu we nyikɔ mɛ ɖɔ mye bo sɛyi le nɔvi yiisenɔ ɖekpekpe xeni nyi ɖiɖɔnɔ, bo gbɛ zɔnniɖiɖi gbɔn okplan xena mi na mi lɛye ji go. ⁷ Myetesu ye mi nyɔ ɖena mi dó na nɔ sɔ aƒɔ dó aƒɔdo mitɔn mɛ dó ganji Ɖo hwenu na mi le mide, mi ma wa ɖiɖɔ gɛ. ⁸ Mi ma ɖu nu mɛɖe tɔn vɔvɔ gɛ, vɔ mi dó hɔnhlɔn bo jɛ tagba bo dó wa zɔn le ozan kpodo okle kpo mɛ ha mi a nɔ kpɔn gɔ do nyi agban le kɔ ji na mi mɛti le mɛ gɛ. ⁹ Le xojɔxo mɛ mi ɖo acɔ bona dó yi nuɖuɖu le mi si co mi jlo na nyi kpɔwɛ xe ji na mi na gbɔn. ¹⁰ Ɖo hwenu na mi le mide mi na mi ogbeɖiɖe xe : Na le din na wa zɔn gɛ ni bo nɔ kpɔn ɖu nu gɛ. ¹¹ Vɔ mi se ɖɔ omɛ ɖe lɛye le mi mɛ bo le zan adidɔnɔ we ogbɛ, ye ma le din na wa nuti gɛ, a bo le ze onu dó mɛ buye we oxo mɛ xɔn. ¹² Omɛ nɛ lɛye, mi le byɔ ye xɔn, bó na ye ogbeɖide le Aklunɔ Jesu Klisi we nyikɔ mɛ ɖɔ, ye ni bo wa zɔn xwii a bo kpego dó hɛn yeɖé. ¹³ Anɛyevi yisenɔ lɛye mi, mi nɔ kpɔn na ɖagbwɛ wiwa ni kpe agbɔ na mi gbele gɛ. ¹⁴ Na mɛ ɖe ma le ɖi zɔnni gbɔn onu xena mi ɖɔ do hwema xe mɛ jigɛ mi ɖo josi omɛ lɔ a bo nɔ kpɔn gɔ do ha xɛ gɛ na ŋunya ni wɛ. ¹⁵ Mi nɔ kpɔn sɔ- ɛ dó dó kɛntɔ gɛ vɔ mi gbɛ nu ni ɖi nɔvi há. ^{16 18} Aklunɔ ni nɔ na ƒiƒa gbɔn alɔkpa ɖekpekpe mɛ, le gan ɖekpekpe mɛ aklunɔ lɔ ni nɔ kpɔ xa mi mɛ sesekpo. ¹⁷ Yɔn tesu Pɔlu wɛ wlan hwema xe lɔ dó xlan mi kpódó alɔ ce tesu, kpo. Ɖena un nɔ wlan hwema ce lɛye sese ɖo nɛ. Onu wiwlan yɔn tesu tɔn wɛ nyi exe lɛye. Akluɔ Jesu klisi mitɔn we ƒɛnu ni nɔ kpɔ xa mi mɛ sesekpó