¹ Nɔvi yisenɔ lɛye mi, onu ni kan Jesu klisi mitɔn we wiwa kpodo kpli na mi na wa kpli dó kpɔ le e de mi le byɔ mi xɔn ɖɔ le e de mi le byɔ mi xɔn ɖɔ ² Mi nɔ kpɔn ɖebla jó mide dó na ye ni hlu ayixa ná mi dè go gɛ, alo a bo dó dikanso na mi ɖɔ Aklunɔ lɔ we azan lɔ bo wá gɛ. Ye gɔ do ɖɔ-ɛ bo ɖo Mawu bɛ bó ɖɔ-ɛ gbɔn mye ji, alo dogbɔn oxoɖidɔ de mɛ, alo hwema ɖe, xena ye na ɖɔ mye bɛ bo wlan mɛ can, mi nɔ kpɔn de ji gɛ. ³ Omɛ ti ni nɔ kpɔn blɛ mi dogbɔn alɔkpa ti mɛ gɛ. Ɖo huɛkpo azan nɛ lɔ na wa ogu ƒiƒɔn godo tɔn lɔ ɖó na wa hwɛkpo, omɛ xeni mɔ nɔ ɖó sisi na Mawu gɛ, omɛ xena ye na vɔ kún na lɔ tɔn tɔn jɛ gbaŋugba. ⁴ Kɛntɔ lɔ na cite kpan nukn onu ɖekpekpe, Mawu we o, onu xena ye nɔ gbɛ le osan weo. E na bló kaka gbɔn a bó wɛ ƒlɔn anyi le Mawu lɔ we xwegbe a bo ɖɔ mye bɛ bo nyi Mawu. ⁵ Hwenu na un kpo le mi de, un nɔ le ɖɔ oxo nɛ lɔ na mi. Mi mɔ nɔ ƒlin gɛ wɛ? ⁶ Odin mi nyɔ onu ni le lɛn dote lɔ ganji, e nɍ na ogan etɔn xo e na tɔn. ⁷ Omɛ xeni mɔ nɔ ɖó sisi na Mawu lɔ we hɔnhlɔn o le wazɔn do nu gɔ ƒɛɛ. Onu ni kpo jan wɛ nyi ɖɔ omɛ ni le hɛn do te lɔ ni ɖe mɔ ni. ⁸ Hwenɛnu wɛ omɛ ni ma ɖó sisi na Mawu lɔ gɛ tɔn ná wá jɛ gbaŋŋugba, Aklunɔ Jesu lɔ bó na ɖe ƒuƒwi sɔn numɛ bó na dó cinɔ wi a bo sɔ wiwá etɔn we weziza dó vɔ kun ni. ⁹ Omɛ xeni mɔ nɔ ɖó sisi na Mawu lɔ gɛ ná wá, kpódó Satani we hɔnhlɔn, e na jlɛ nu hamɛ-hamɛ a bo bló nujiwu hamɛ-hamɛ kpódó oni kpaca mɛ lɛye kpó. Onu nɛlɛye ti ka ma nyi xojɔxo gɛ. ¹⁰ E na blɛ mɛ ɖu gbɔn alɔkpa ɖekpekpe mɛ a bo zan omɛ ni le bu lɛye, dó xojɔxó ni na hlɛn ye gan lɔ, ye ma yi-i gɛ, ye ka ma gɔ nyi wan ni gɛ. ¹¹ E we zɔn Mawu dó sɔ hɔnhlɔn xeni nɔ bu mɔnu na mɛ xɔ dó dó xlan ye, wɛ ye na dó kan dó awoɖiɖo ji. ¹² Enɛ Mawu lɔ na dó dó hwɛ na omɛ omɛ ni mɔ nɔ kan dó xojɔxo lɔji gɛ, ye bo tɛ dó onu nyinyola wiwa lɔ go. ¹³ Mye mi ɖó na nɔ do kpɛ na Mawu le gan ɖekpekpe mɛ dó ota mitɔn mɛ, mye nɔvi yisenɔ xena Aklunɔ nyi wan na lɛye. Ɖo Mawu can ni sɔn dojɛ gbɔn na mi na do mɔ hwlɛngan dogbɔn gbibgɔ mimɛ kpódó yise xena mi ɖó do xojojɔxo lɔ ji mɛ. Gbigbɔ mimɛ lɔ ná ná ná mi ni zan ogbɛ mimɛ. ¹⁴ Enɛ lɔ wɛ Mawu ylɔ mi na dogbɔn wɛnɖagbwɛ xena mijla na mi lɔ mɛ na mi ná dóyi gigo Aklunɔ Jesu klisi lo tɔn. ¹⁵ Ewɛ zɔn nɔvi yisenɔ lɛye mi, mi nɔ te gliy a bo hɛn onu xena mi kplan mi lɛye dó ayixa mɛ, xena mi dɔ dó onu go na mi lɛye, alo xena mi wlan dó xlan mi lɛye sese kpo. ¹⁶ Aklunɔ Jesu klisi mitɔn tesu kpódó Mawu mitɔn xeni nyi wan na mi bo na mi akɔnƒiƒa mavɔ-mawɔ kpódó nukunɖiɖo ɖagbwɛ dogbɔn dɔmɛnyɔ etɔn mɛ. ¹⁷ Ni ƒa akɔn na mi a bo na mi hɔnhlɔn na mi a dó blo onu ganji le ozɔnwiwa kpodo oxoɖiɖɔ lɛye sesekpo mɛ.