^{1 2} Nɔvi yisenɔ ye, mye tesu mi nywɔ_ɛ ganji ɖɔ myeɖe xena mi wa bo ma nyi vɔvɔ gɛ. Hwɛkpo mi do wa miɖe aya wɛ mi ɖu le filipu we toxomɛ, omɛ ye bo zun mi, bo nywɔ-ɛ ganji ye tɔn ahwan mi taŋu, co Mawu na mi jiɖiɖe mi bo jla wɛn ɖagbwɛ etɔn lɔ na mi. ³ Ɖo Mawu we oxo xena mi le ɖɔ xɔn ma flɔn ayni do oƒɛn ji gɛ, E ma ka flɔn anyi do linlin nyinyla ji gɛ alo ahizi ɖe ji gɛ. ⁴ Vɔ Mawu do mi kpɔ bo mɔ ɖo nnye bo jɛ xa ewɛ zɔn e do sɔ owɛn jijla lɔ do gbɔn mi ji bo asi na mì. Mi bó lé jlɛ xɔn, e ma ka nyi a do nyɔnkpɔn na gbɛtɔ lɛye mɛ gɛ, vɔ a dó nyɔnkpɔn na Mawu xeni nɔ gbeje ayixa lɛye mɛ wɛ zɔn. ⁵ Mi nyɔ-ɛ ganji ɖo mi ma le zan omɛ biblɛɖu we oxo xɔ ɔ kpɔn gbele gɛ. ⁶ Mi ka ma le wanyinyi na kɔbɔ we ayixa ɖe gɛ. Mawu lɔ tasu ɖe kunun. Mi ma le din gbɛtɔ we afukikan gɛ, afukikan mitɔn alo omɛ gbokpwe lɛye tɔn, mi ma le dim xɔn gɛ. ⁷ Ɖi ɖena mi nyi kliso we oɛdidɔn ɖo lɛye ɖó, ha, mi hɛn mi na zan acɛ kpikpa mitɔn do mi ji gannu-gannu, co dɔmɛ ɖɔmɛ ɖabwɛ kɛlɛ wɛ mi ze sɔ xɔ xlɛ mi hwexenu na mi le mide ɖi ɖena vinɔ nɔ kpe nukun do vikpɛ etɔn lɛye ɖo ha. ⁸ Mi nyi wan na mi taŋu, Enɛ utu, mi le gbesisɔ mɛ a do sɔ mye tesu we ogbɛ sɔ xɔ san vɔ ota mitɔn mɛ . E ka nye Mawu we oxo lɔ jijla na mi lɔ kɛ mɛ nyi ojlo mitɔn gɛ. Ɖó mi vɛ na mi taŋu. ⁹ Nɔ vi yisenɔ lɛye, mi nyɔn ozɔn wiwa kpódó tagba jijɛ mitɔ́n lɛye. Hwexenu mi le jla Mawu we owɛn ɖagbwɛ lɔ na mi xɔn, ozan kpódó okle kpó wɛ mi nɔ le wa ozɔn xɔn, e nɛ, mi ma dó le nyi agban le okɔ ji na mɛnti le mi mɛ xɔn gɛ. ¹⁰ Mi na ɖe kunu na mi, Mawu can bo na de yi mi mɛ yisenɔ lɛyɛ de bó mɛ, bo sɔgbe we ye ma kpego na mɔ oxo ɖe bo na ɖɔ dego tesu gɛ. ¹¹ Mi bo nywɔ-ɛ ɖɔ ɖena ovitɔ nɔ hɛn ovyɛ ɖó ha, lemɔha ke wɛ mi nɔ hɛn lókpó-lókpó mitɔn lɛye ɖo. ¹² Mi bó nɔ dó akpakpa namɛ na mi na mi a dó dó ji , mi bo le byɔ ŋuklɛn -ŋuklɛn ɖo mye ni bo zan ogbɛ xeni na nɔ nyɔ le nuku mɛ na Mawu, Eyɔ xe ylɔ mi na xɔsuɖu kpódó gigo etɔn kpó. ¹³ Mye can mi nɔ le do kpɛ na Mawu le gan-ɖekpekpe mɛ ɖó xena mi ɖo Mawu we oxo lɔ na mi, mi yi-i dó ayixa mitɔn mɛ, mi ma za dó mɔ gbɛtɔ we xo gɛ, vɔ mi sɔ-ɛ do mɔ Mawu we xo. Mawu we óxó lɔ wɛ ka nyi xojɔxó. Óxó nɛ lɔ wɛ ka le wazɔn le mi yisenɔ lɛye mɛ. ¹⁴ Ɖo nɔvi yisenɔ lɛye, Onu ni gbo klisi Yesu we agun ni le yude we kansinmɛ lɛye ke we gbo mye can gba. Mi ɖu aya le alɔ mɛ na oto mitɔn mɛ tɔ ye ɖi ɖena ye can ɖu aya le alɔmɛ na jifutɔye ɖó há. ¹⁵ Jifutɔye lɛye wɛ hu aklunɔ lɔ kpódó ogbeɖotɔ lɛye, bo ɖe fun na mi. Ye ma nyɔn kpɔn le nukumɛ na Mawu gɛ, ye bo nyi kɛn tɔ na gbɛtɔ lɛye kpokpó. ¹⁶ Ye nɔ su omɔ na mi, na mi a dó gɔn óxó lɔ jijla na omɛ ni ma nyi jifu tɔ lɛye gɛ, na ye na dó gɔn hwlɛngan mi mɔ. Enɛ lɔ na ye le blo xɔn wa zɔn we onu nyinyilan yetɔn lɔ wa su gbɔɔn bo zɛ ojlɛ go. Mawu we xomɛsin bo wa jɛ ye ji. ¹⁷ Nɔvi yisenɔ lɛye, xeni kan mye we nyi ɖo: xena mi do lɛ le mi de na azan vuɖe, mi dɛn le nukun go noi mi, vɔ ne mɛ zɔn mi do dɛn le ayixa mɛ na mi gɛ. ¹⁸ E wɛ zɔn mi le jɛ tagba a bo dó wá kpɔn nukumɛ mitɔn ɖo mi le jló mí xɔn taŋu. E we zɔn mi dó le dim na wa miɖe, yɔn pɔlu tesu can un jɛ tagba azɔn nɛmu ɖe, vɔ satani bo ci mɔ ji na mi. ¹⁹ Le xojɔxo mɛ, mye jan wɛ nyi nukunɖiɖó mitɔn, awajijiɛ mitɔn kpodo xɔlu gbakun xeni na dó gigo na mi le Aklunɔ Jesu lɔ we nukɔn le hwexenu na e ná wá wá. ²⁰ Ɛɛn, mye wɛ nyi yɛyi kpódó awajijɛ mitɔn kpó.