¹ Yɔn Pɔlu kpódó silivɛn, kpódó Timɔte do gbe na mi. Un wlan hwema xe dó Xlan agun xeni le Tɛsaloniki, bi le Mawu otɔ kpódó Aklunɔ Jesu mɛ. Mawu ni na ƒɛnu kpódó ƒiƒa mi. ² Mi nɔ dó okpɛ na Mawu tɛgbɛ dó mi mɛ sese we ta mɛ, bo nɔ le xoɖɛ dó ta mɛ na mi le gan ɖekpekpe mɛ. ³ Le Mawu myetɔ lɔ we nukɔn, mi nɔ ƒlin ɖena ozɔnwiwa mitɔn nɔ ɖe yise mitɔn sɔxɔ xlɛ ɖó, bo nɔ ƒlin ɖena tagba jijɛ mitɔn nɔ ɖe wanyinyi mitɔn xɔ xlɛ ɖó bo nɔ gɔ ƒlin dena mi le te gli ŋu le mɔjikpikpɔn na Aklunɔ Jesu mitɔn lɔ dó. ⁴ Anɛyevi lɛye mi, mi nywɛn dɔ Mawu nyi wan bo can mi. ⁵ Ɖo owɛn ɖagbwɛ na mi jla na mi ma nyi oxɔ ɖiɖɔ kpɔŋu gɛ? Vɔ mi jlɛ kpodo Gbigbɔ mimɛ, kpodo kandeji titeŋugbe. Mi nyɔ ɖena mi zan agbɛ mitɔn ɖo le miɖe, dagbwɛ mitɔn we ka zɔn. ⁶ Mye, mi osɔ afɔ do afɔdo mɛ na mye tɔ aklunɔ Yesu, ɖo mi le vivɛsise susu mɛ, co bo yi xo lɔ kpodo awajijɛ xena gligbɔ mimɛ nɔ mɛ kpo. ⁷ Ɖo enɛ lɔ utu, mi nyi kpɔndego na yisenɔlɛye sese le Masedwani kpódó. ⁸ Ɖo aklunɔ lɔ we ozɔn sɔn miɖe . E ma ka nyi Mzse dwani kpódó akayi kɛlɛ mɛ gɛ, Vɔ yise hena mi ɖo dó Mawu ji we oxó lɔ gbakpe gbɔn fi ɖekpekpe gbɔn e ma gɔ hyan ɖo mi gɔ yi ɖɔ xo ɖe dandan gɛ. ⁹ Ɖo omɛ sese wɛ nɔ ɖo ɖena mi yi ɖo le hwenɛnu na mi wá miɖe, ye bo nɔ ɖena mi gbe kɔ sɔn yɛhwɛ ye go ɖo, bo lɛkɔ wa Mawu gbɛɖe _gbɛɖe lɔ, xeni nyi Mawu xojɔxotɔn lɔ de bo na do wa sɛn. ¹⁰ Mi bo la nɔ ta kpɔn ovyɛ Yesu lɔ, ni na sɔn sɛxwe do wa, E yɔ xena Mawu lɔ fɔn sɔn amɛ kuku lɛye mɛ . E bo hwlɛn mi le aɖidido ni ja lɔ mɛ.