¹ Le onu jijɔ a do gɔ alɔ na yisenɔ ɖyɛlɛ ye we akpaxwe , mye can mi na zɔn do oxo xena un le ɖɔ na agun xeni le Galati lɔ. ² Le kɔsiɖa ɖekpokpwe we azan tintan lɔ gbe, onu xena omɛ lokpo-lokpo kpego bo mɔ, ni sɔ do ovo le xwegbe etɔn, e nɛ, ye ma gɔ ja do nɔte ote kpɔŋu hwɛ kpo na do jɔnu gɛ. ³ Hhwexenu na na wa miɖe, omɛ xena mi na can lɛ, ye na wlan wema do asi na ye, ye bo na do sɔ nunina yetɔn sɔ xɔ na le Jeluzalɛmu. ⁴ Na ele dandan mɛ wɛ nyɔ na yi gba, ye na xodo ŋu do yi. ⁵ Na wa mide, bo na gbɔn Masedwanu do wa, ɖo flɛn lɔ wɛ na gbɔn do wa, ⁶ Taŋuɖo na nɔ miɖe kpɛɖe, un sin gɔ nɔ mide le vivɔ we ogon lɔ kpokpo, e nɛ, mi na do gɔ alɔ naŋu nado yi ofi xena na do yi. ⁷ Ɖo, un ma jlo ɖɔ na ma mɔ mi vovo a bo sɔn gɛ, vɔ na Aklunɔ yi gbe na, na nɔ miɖe vuɖe. ⁸ Vɔ, na nɔ Efɛzu kaka do jɛ Pentekotu we hwenu; ⁹ ɖo omɔ ɖaxo hun nŋu, na ma do wa ozɔn le flɛn, vɔ kɛntɔ ce lɛye bo su gbagbagba. ¹⁰ Na Timɔte wa, mi wa ɖo ɖe kaka na ayixa etɔn ni a vo le mimɛ, ɖo e le wa Aklunɔ lɔ we ozɔn ɖi ɖena can le blo ɖo ha. ¹¹ Mɛti ni nɔ kpɔn do vɔnu wi gɛ. Mi gɔ alɔ ni-i, e bo na do wa ɖye le fifa mɛ, ɖo un le t kpɔn eyɔ kpodo anɛevi yisenɔ lɛye xɔn. ¹² Vɔ, xena e nyi mye nɔvi Apolosutɔn, un jɛ tagba bo do akpakpa lanmɛ ni-i, na mye kpodo nɔvi ysenɔ lɛye kpo na do wa mi de, vɔ ye ma din na yi odin gɛ, e wa, le ohwe xena na ye na mɔ vivo. ¹³ Mi nɔ nukle, mi nɔ ote gliŋu le ise lɔ mɛ,a bo nyi kanlinsu, a bo nyi omɛ xeni sin syɛn. ¹⁴ Mi blo onu ɖekpokpowe gbɔn o wanyiyi mɛ ¹⁵ Anɛevi lɛye mi, onu lokpo gɔ le wɛ un le byɔ mi xɔn: mi nyɔ-ɛ ɖɔ Sitefanasi kpodo hwɛndo etɔn kpo wɛ nyi omɛ tintan xeni lɛnvɔjɔ le Akayi, ye bo sɔ ye ɖe sɔ xɔ na a do wa ozɔn na nɔvi yisenɔ lɛ. ¹⁶ Mi sɔ miɖe do odo na omɛ lemɔ ha tɔn lɛye, kpodo omɛ ɖekpekpe xeni le jɛ tagba bo le wa ozɔn xa ye lɛ kpo. ¹⁷ Un mɔ awajijɛ ɖɔ Sitefanasi kpodo Fɔtunatusi kpodo Akawukusi wa ɖye, onu xena mi ma kpego blo nŋu gɛ, ɖo fye ma le mitɔn go gɛ, ye wɛ blo nŋu. ¹⁸ Ye na na ayixa ce kpodo mitɔn kpo jɛ odo. Mi ɖo na nɔ ze ɖo sisi na omɛ lemɔha tɔn lɛye. ¹⁹ Agun xeni le Azi we kansinmɛ ye do ogbe ɖoxlan mi. Akilasi kpodo Plisika kpodo agun xeni nɔ kpli le oxwe yetɔn lɛye kpo, do ogbe ɖoxlan mi vivɛɖe le Aklunɔ mɛ. ²⁰ Nɔvi yisenɔ lɛye kpokpo le do ogbe ɖexlan mi xɔn. Mido ogbe na miɖe, a bo kisi na miɖe, ɖi nɔvi le yise mɛ ha. ²¹ Nyɔ Pɔlu wɛ wlan ogbedido xe kpodo alɔ ce tesu kpo. ²² Na mɛɖe ma nyi owan na Aklunɔ gɛ, ahelu ni-i. Malanata! Tin e mɛ etɔn wɛ nyi Aklunɔ na wa zanɖe! ²³ Aklunɔ Jesu we fɛnu ni nɔ okpɔ xa mi. ²⁴ Un nyi owan na mi mɛ lɛye kpokpo le Klisi Jesu mɛ.