¹ I wɛ gbigbɔ́ mimɛ kplɔ yesu do yi zagbeji na lɛgba a do tɛn-ɛ kpɔn. ² Kena e bla onu na onyihihɔn kanɖe ozan kanɖe vɔ, xovɛ bo ci-i

³ Ɛmɛtenkpɔntɔ lo bɔ do ewu bo lɔ ni-i tun byo : «E nyi o nyi Mawu we ovi bɛ bo ɖe ogbe na ɛkpɛn xinye a trɔ zun kpɔnnɔ». ⁴ Yesu d'ewu ni-i tunbyo : «Onuɖuɖu ɖo ɖyo jan hwen ɛgbɛtɔ na ɖu a donɔ ɛgbɛtɔ na ɖu a donɔ ɛgbe. ⁵ I we lɛgba kplɔ- ɛ do yi Jeluzalɛmu kena nyi toxo mimɛ lɔ mɛ bo sɔ-ɛ sɔ ɖo ota na Mawu we oxwe lɔ ji ke jihwe daan. ⁶ bo lɔ ni -i tun byo ; «Na onyi Mawu vyɔ dɔn jɛ nyidanmɛ, ɖo e le winwlan le Mawuxi lɔ mɛ tun byo : " Mawu na ɖe ogbe ,a ɛwɛn dotɔ etɔn ye, ye nɔ va hɛn we do alɔ yetɔnnye me, Exin, afɔ tɔwe ku mɔ do klɛn ɛkpɛn ɖe nɔ"» ⁷ yesu mɔ ɖ'ewu ni- i tun byo : «E le winwlan le mawuxo lɔ me ṭun byo : Ká tɛn xwetɔ Mawu tɔwe kpɔn». ⁸ Lɛgba mɔ kplɔ yesu do yi òsɔ ke kɔtè ganji ɖeji, bo xlɛ-e xɔlu ɖu ta bi sese kena le nyidan ji kpodo dɔkunnuu yetɔnye wu-i ⁹ bo lɔ ni-i tun byo «Na o jɛ klita bo do onudo no lo na sɔ onu xinlɛye bi seŋu asɔ nawe.» ¹⁰ I we yesu lɔ ni -i tun byo: «tɛ yi le wuye satana, Ɖo e le winwlan le Mawuxo lɔ me tun byo: "Xwetɔ Mawu tɔwe we o na do onu odo na Elɔ ɖokpoo géé wɛ o na sɛn"»

¹¹ E xin gódò, lɛgba bo jo - do. I we Mawu we ewen dotɔye tekpɔ yesy, bo va sɛn nɔ. ¹² ekena yesu se tun ye mɔ wle jan do agankpamɛ, e sin Galile we kansin me. ¹³ I wɛ ɛ lɛ lɛ nazalɛti we otota mɛ, bo vɛ yi ci kapɛna wumu we toxo mɛ, toxo lɔ bo ke Galile we otɔtó le zabulɔn kpodo nɛfutali we kansmme ¹⁴ Exin, oxo kena oxolɔd'onyitɔ Ezayilɔ ; mɔ do cɛ Elɔ tun byo : ¹⁵ Otogun kena le zalulɔn we kansi mɛ kpodo otogun le na le nɛfutali we kansin mɛ, kansi keye tɛkpɔ Galile we otɔ le Juden we otɔ godo Galile ke mɛ na ɛmɛ kena hɔn nyi Jwifu ye le, ¹⁶ Otogun kena le vuvlumɛ kpɔn kinklɛ ɖaxo ɖɛ I we ɛmɛ keye le vuvlume ye le okutomɛ, ozo kinklɛn bo ta ɖo ye ji» ¹⁷ Bɛ sɔn hwexinu, yesu bɛ jɛ Mawu we oxo le jijlaji tun byo, «Mi dɔli jijɔ, ɖo sexwe we xɔluɖuɖu lɔ o tɛkpɔ» ¹⁸ kena yesu o zɔn zɔnli gbɔn Galile we otɔ̀tó va yi nɔ, e kpɔn nɔvi-nɔvi owe, simɔ ke ye nɔyɔ tun Piyɛ kpoda nɔvyo Andle, ye bo da odɔ do otɔ lɔ mɛ nɔ, ɖo oɖɔdatɔye we ye nyi. ¹⁹ Yesu bo lɔ na ye tùn byo : «Mi xódò na ma sɔ mi do wasi ɛmɛ kena na nɔ kplɔ ɛgbɛtɔ ye va na-a ɖi kena mi nɔ wle ohwe ɖo ha.» ²⁰ Le blɛ lɔ zɔndokpo ye jo odɔ yetɔnye do bo xo do-e ²¹ Kena Yesu lɛ le blɛ bo yi ŋukɔn viɖe, e kpɔn nɔvi-nɔvi owe buye, jaki kpódó nɔvyɔ Jan kena nyi zébédé vikpɛye. Ye bo le otɔjihun yetɔn mɛ kpodo yetɔ zebede lɔ ye bojla oɖò yetɔnye ɖo nɔ. Yesu bo yɔ ye. ²² Le blɛ lɔ zɔnɖokpo, ye jo otɔ́jihun la kpo yetɔ lɔ do, bo xodo-e. ²³ Yesu o ɖi osa nɔ gbɔn Galile we kansin lɔ bimɛ nɔ, bo kplan le okplityɔn yetɔnye nɔ, bo jla sexwe we xɔluɖuɖu we ɛwɛn nywɛ nɔ bo gɔ̀ a dɔn na adɔnnɔ ɖekpokpwe kpodo ɛmɛ ɖekpokpwe kena lanmɛ gble me otɔgun lɔ mɛ. ²⁴ I wɛ yesu we nyikɔ gbakpe gbɔn sili we kansin lɔ bi mɛ. Ye nɔ hɛb ɛmɛ bi kena jɛ adɔn hamɛ-hamɛyɛ kpodo ɛmɛ kena le vivɛsise hamɛ-hamɛ vin ye va ni-i, ɛmeye ke gbigbɔ nyinyma le lanme na ye ɛmeye kena lukpwe le ye wu ye, kpodo kplibɔnɔye, e mɔ nɔ gɔ adɔn na ye. ²⁵ Ɛmesusu gbagbagba bo xodo-e, ye sɔn Galile, Jeluzalɛmu, Yude, Judɛn we otɔ lɔ gódò, kpodo tóxò owo laye we kansinmɛ