1
Hwexin nu, Jan Mawu we ɛsinlɛ na ɛmɛtɔ va tɔn le Yude we zogbeko, bo jla Mawu xo nɔ tun byo
2
: «Mi ɖɔli jijɔ, ɖo, sexwe we xɔluɖuɖu lɔ o ya».
3
Elɔ we oxo wɛ oxolɔ ɖo nyitɔ Ezayi lɔ, bo do lɔ tun byo : «Mi jla xwetɔ lɔ we omɔ ɖo, afɔmɔ etɔnye ni jɔ nyiwɛ ɖe »
4
osɔ́kpetɔnɔ we ofun we ye do wasi jan we awuk e bo nɔ bla alin ji kpo akpakan ke na ue nɔ sɔ olangbaza do wasi. Bɔsuklwe wɛ nyi jan we onu ɖu ɖʊ, a bo nu owinsin hɔntuntɔn.
5
Jeluzalɛmu tɔye bi sese kpo kansin bi zɛtɛ ke lɛ do Judɛn we otɔ̀ lɔ we ɛmɛye seŋu , bo nɔ và ekɔn nɔ.
6
Ye nɔ lɔ onu nyinyla yetɔnye le agbaŋugba, jan mɔ nɔ lɛ Mawu we ɛsin na ye ke Judɛn we òtɔ̀ lɔ mɛ.
7
Kena Kan kpɔn tun falizitɔ susu kpodo sadusitɔ susu mɔ va he kɔn uye nɔ, ni a do do Mawusinta na ye, e lɔ na ye tunbyo
8
:«Zapkata we okunkanye, ɛmɛnɛ lɔ na mi tun miye mɔ si na Mawu we kojo ɖiɖo kena gbɔnnɔ lɔ ? I wɛ dɔn, mi ɖe sɔ xlɛ tun dogbɔn jijɔ miatɔnye mɛ tun ɛgbɛ miatɔnye ɖɔli
9
Mi ká mɔ nɔ ɖe susu le miaɖe mɛ tun ɛgbɛ "Ablaxanu wɛ nyi mia dagbwɔ". Ɖó ko lɔ na na mi nɔ tun byo, Mawu hɛn ɛ na sɔ ɛkpɛn keye a do wasi vikpɛye na Ablaxamu.»
10
Ye ojla ovyɛ lɔ ɖo , a do gbo ɛkyɔnye na otinlɛye. Otin ɖekpokpwe kena hɔn syɛn okun nywe nɔ, ye na gbo-e a bo sɔ- ɛ flɛn do ozomɛ.
11
Blɔ, Mawu we ɛsin jan we ko nɔ le na mi nɔ, a do ɖe xlɛ tun miye mɔ ɖɔli jijɔ vɔ, ɛmɛɖe le godo na-a bo gbɔn nɔ, e bó dó hɔnhlɔn hugan wu blɔ̌ ko hɔn jɛ na do ɖe afɔkpa etɔn ye can. E lɔ gbigbɔ mimɛ kpodo ozo mɛ e na do do Mawu we ɛsin ota na mi.
12
Onutanu le alɔmɛ ni-i, e na ɖe onukun etɔn lɛye, e na bɛye do ava mɛ vɔ e bo na tɔ ozo o nunywe lɔ le ozo kena hɔn nɔ ci gbeɖe lɔ me !
13
I we Yesu sɔn Galile bo va Jan kɔn le Judɛn we otɔ̌ lɔ to ni a do do Mawusin ota ni-i.
14
Vɔ Jan gbɛ bo lɔ tunbyo : «Blo wɛ ɖo na va kɔnwe na do do Mawusin otan na-a lɔ o bo va kɔn ye nɔ» ?