¹ Azan vii ɖe va yi, yesu mɔ ɖe eɖe sɔ xlɛ onukplanvi etɔnye buke, le tibelyadi we otɔto kena e ɖe eɖe sɔ xlɛ ye ɖo xɛn. ² Simɔ piyɛ, Toma, ke ye nɔ yɔ tun togbosu, natanayɛli ke sɔn kana le Galile we kansinmɛ, zebede vikpɛye, kpodo onukplanvi yesutɔn owe buye, ye ɛmɛ xin lɛye bi le kpɔ kpɔ. ³ Simɔ piyɛ bo lɔ na ye tun:" ko ba ve da oɖɔ nɔ." ye bo lɔ ni-i tun: " Miye can; mia xodo we" ye sɔn bo ɖyɛ otɔ. Ji hun lɔ mɛ. Vɔ, ye hɔn wle onu ti le ozan xin lɔ mɛ ⁴ Kena ŋukɔn jɛ ɖiɖe ji, yesu le ote le otɔ lɔ to, vɔ onukplanvi lɛye hɔn nyɔ-ɛ tun i mɔ-ɛ. ⁵ Yesu bo lɔ na ye tun:" vikpɛ tɛyee, mi wle owe wɛɛ ?" ye bo tun: Oo !" ⁶ E bo lɔ na ye tun:" Mi da oɖo lɔ do aɖusi mɛ na tɔji ŋu lɔ mi mɔ na kpɔn ohwe a wle a wle" iwe ye da oɖɔ lɔ din bo glo, ɖo ohwe gɔ-ɛ tanŋu-tanŋu. ⁷ Iwɛ onukplanvi ke xwetɔ lɔ yi awaan na lɔ, lɔ na piyɛ se oxo xin lɔ tun xwetɔ tɔ mɛ, e sɔ awu ɖaxo etɔn sɔ bla do a lin ji ɖo e ɖe-e saa, bo do dɔn jɛ otɔlɔ mɛ ⁸ Onukplanvi gbokpwe ye bo zɔn tɔjihun lɔ mɛ do va gli, bo o dɔn oɖɔ ke ohwe gɔ lɔ nɔ, ɖo sin ofi kena ye le, do ti go lɔ ji. Mɛta kanwe ko ha wɛ. ⁹ Kena ye jɛ ote, ye kpɔn akanzo ɖe le ofi lɔ, ohwe bo lo le eji, kpɔnnɔ can bo le blɛ. ¹⁰ Yesu bo lɔ ye tun byo: Mi sɔ ohwe ke mi wle syɛ lɔ ɖeye va" ¹¹ Simɔ piyɛ ɖyɛ tɔjihun lɔ mɛ, bo dɔn oɖo lɔ tun le otɔ lɔ mɛ va asa nu, e bo gɔ kpo ohwe ɖaxo-ɖaxo ye xixlɛ etɔn zɛtɛbi bo nyi sandi ɖokpo ota atun ŋukun atɔn ohwe lɛye su ɖ'e mɔha ganke , oɖɔ lɔ ko vun. ¹² Yesu lɔ na ye tun:" Mi va ɖu onu" Onukpanvi ti hɔn ɖo oji bo na do kan-ɛ tun xwetɔ lɔ mɔ-ɛ. ¹³ Yesu sɔ kpɔnnɔ lɔ bo bɔ do ye wu, bo ma na ye, bo mɔ na ohwe lɔ can ¹⁴ sɔn hwekenu na yesu fɔn sɔn oku, zan tɔn gɔ xɛn e o ɖe eɖe sɔ xlɛ onukplannvi etɔn lɛye nɔ. ¹⁵ Ke ye ɖu onu lɔ vɔ, Yesu lɔ na Simɔ Piyɛ lɔ byo: « Simɔ, Jan we vi, o yi wan na-a hugan hu ɛmɛ kiye?» Piyɛ bo ɖ'ewu ni-i lɔ byo: « Ɛɛn Xwetɔ, o nywe lɔ byo ko mɔ yi awan na we.» Yesu bo lɔ ni-i lɔ byo: « Kpe ŋukunsin do lɛngbɔvi tɛyee wu.» ¹⁶ E mɔ kan-ɛ se zɔnwegɔ tun: « Xwetɔ, o nyɔ-ɛ tun ko mɔ yi awan na we?» Yesu bo lɔ ni-i byo: « Kplɔ lɛngbɔ tɛyee.» ¹⁷ E mɔ kan-ɛ se tun: « Simɔ, Jan we vi, o yi wan na-a?» Kena Piyɛ kpɔn tun Yesu mɔ kan he se zɔn atɔngɔ tun he mɔ yi wan ni-i ja-a, e ci onulilo mɛ. E bo ɖ'ewu ni-i tun lɔ byo: « Xwetɔ, o nyɔ onu biseseye, o nyɔ-ɛ tun ko mɔ yi owan na he ma!» Yesu bo ɖ'ewu ni-i tun: « Kpe ŋukunsin do lɛngbɔ tɛyee wu.» ¹⁸ Xojɔxo kpatakli xɛn ko lɔ na we nɔ, hwekenu na o le winwyan mɛ, i tetet wɛ nɔ bla alin tɔwe ji, o bo nɔ yi ofi ke ojlo, vɔ na o va ku nyɔxo, alɔye wɛ o na drɛn, mɛ bu mɔ bla alin tɔwe ji na we, a bo kplɔ we do yi ofi kena hɔn jlo.» ¹⁹ Oku ke ha na Piyɛ na va ku na do do bubu na Mawu, we oxo wɛ Yesu o lɔ nɔ. Exin we godo, Yesu bo lɔ na Piyɛ tun lɔ byo: « Xo do.» ²⁰ Piyɛ ɖ'ekɔ bo kpɔn godo bo kpɔn onukplanvi ke Yesu yi wan na lɔ, gbɔn nɔ, onukplanvi xin lɔ wɛ dɛ do Yesu we akɔnnu san le hwekenu na ye ɖu onu nɔ, bo kan-ɛ se tun: « Xwetɔ, mɛ nɛ lɛ ba sɔ we jo nɔ?» ²¹ Kena Piyɛ kpɔn-ɛ, e lɔ na Yesu tun: « Xwetɔ, naɖe lɛ etɔn na va nyi ɖo?» ²² Yesu bo ɖ'ewu ni-i tun: « Na ko jlo tun ni mɔɔ nɔ ɛgbɛ gbɔɔn do jɛ hwekenu na ko na trɔ va, e nɛ lɛ kan we le e mɛ?» Lɔ xo do-o.» ²³ Oxo lɔ gbakpe xɔsetɔye mɛ, tun onukplanvi xin lɔ mɔ hɔn ku nɔ. Ganke Yesu ko lɔ na Piyɛ tun e mɔ hɔn ku nɔ. E lɔ ni-i tun na he jlo tun ni mɔɔ nɔ ɛgbɛ gbɔɔn do jɛ hwekenu na he mɔ na trɔ va do, e nɛ lɛ kan-ɛ le e mɛ jaa; ²⁴ Onukplanvi xin lɔ tete wwɛ ɖe kunnu onu ke jɔ lɛye tɔn nɔ, bo wlan ye. Mi bo nyɔ-ɛ tun kunnuɖiɖe etɔn mɔ nyi xojɔxo. ²⁵ Yesu mɔ wasi onu susu bu ye. Na mi na do wlan onu xin lɛye ɖokpo-ɖokpo wɛ, ko ɖi tun wema kena mi na wlan lɔ na su gbɔɔn, ɛgbɛ lɔ blebu hɔn kpewu na ɖo tɛnxo a do hɛn ye can.