¹ Le ɛgbɛ lɔ we titɔ eji oxo lɔ ole oxo lɔ bo le kpo Mawu oxo lɔ bo nyi Mawu. ² E bo le kpodo Mawu sɔn titɔ e ji. ³ Gbɔ e lɔ ji wɛ Mawu wasi onuzɛtɛbi; le onu ke nyi wi wasiye mɛ ti tete hɔn nyi wi wasi e lɔ mɛ vo . ⁴ E lɔ lɔ mɛ wɛ ɛgbɛ o le ɛgbɛ lɔ nyi kinklɛn gbɛtɔye tɔn. ⁵ Kinklɛɛn lɔ klɛn do vuvlu mɛ vɔ vuvlu lɔ ko yi i. ⁶ Iwɛ ɛmɛ ɖe kena Mawu o dan va nyikɔ etɔn bo nyi jan. ⁷ E va a do nyi kunnu ɖetɔ a bo ɖe kunnu na kinklɛn lɔ exin ɛmɛzɛtɛbi mɔ ɖo xɔse gbɔn e lɔ ji. ⁸ E lɔ lɔ hwɛn nyi kinklɛn lɔ vɔ e va a do ɖe kunnu na kinklɛn lɔ. ⁹ Kinklɛn xin lɔ wɛ nyi ki,klɛn adodwe ke va ɛgbɛ lɔ mɛ ba klɛn na ɛgbɛtɔ zɛtɛbi . ¹⁰ Oxo lɔ o le ɛgbɛ lɔ mɛ gbɔn e lɔ ji wɛ ɛgbɛ lɔ jɔ vɔ ɛgbɛ lɔ mɛtɔye ko do josi . ¹¹ E va oto etɔn mɛ vɔ oto etɔn mɛ tɔ ye ko yi i. ¹² Vɔ ɛmɛ zɛtɛbi ke yi i ye bo kan do eji ye e na ye ɛcɛ na ye do trɔzun Mawu vikpɛye. ¹³ Ye hɔn nyi Mawu we ovi gbɔn ɛhun mɛ alo ɛgbɛtɔ we ojlo mɛ vɔ dogbɔn Mawu we ojlo mɛ wɛ . ¹⁴ Oxo lɔ trɔ zun gbɛtɔ bo va nɔ mia mɛ e nɔ nyɔ alɔ mɛ ganji bo nɔ lɔ oxojɔxo taŋu mi kpɔn ni nɔ mɛ ɖaxo etɔn ni nɔ mɛ ke na otɔ lɔ na ovyɔ akogo lɔ . ¹⁵ Jan ɖe kunnu ni i bo do axwa byo elɔ wu wɛ ko lɔ oxo do byo ɛmɛ ɖokpo l godo na a bo gbɔn nɔ ɛmɛ xin lɔ hugan hu u ɖo ee le gbɔxwe ko va . ¹⁶ Iwɛ do owan yiyi ɖaxo etɔn mɛ do ɛfɛnu ji. ¹⁷ Ɖo mɔyizi ji wɛ Mawu gbɔn do na mi osɛn lɔ vɔ ɛfɛnu kpo oxo jɔ xo bo gbɔn yesu klisu ji do va. ¹⁸ Ɛmɛti hɔn kpɔn Mawu kpɔn Mawu kpɔn vɔ ovi akogo lɔ ke nyi Mawu bo le akɔnmɛ na otɔ lɔ wɛ sɔ ɛ sɔ xlɛ. ¹⁹ Le hwekenu na jwifuye we oga ke le jeluzalɛmuye ye sɔ avɔsantɔ ye kpo lewi vikpɛye ɖodan jan a do ve kan ɛ se byo ɛmɛ nɛlɛ e nyi jaa kunnu ke e ɖe xɛn. ²⁰ Kena ye kan lɔ wu jan se e hɔn gbɛ ɖiɖ'ewu vɔ e ɖe emɛ na ye ganji tun he mɔ hwɛn mɔ nyi klisu lɔ. ²¹ Ye mɔ kan ɛ se tun byo syɛ ɖe ɛmɛ nɛlɛ o nyi Eli wɛ o nyi e bo ɖ' ewu na ye byo o o bo hwɛn ye bo kan ɛ se tun byo i wɛ nyi Mawu we oxolɔ ɖa nyitɔ e mɔ ɖ'ewu na ye tun o o . ²² I wɛ ye mɔ kan ɛ se byo ɛmɛ nɛ lɛ o gbɛ nyi setoŋu lɔ ɛ na mi na mi a do kpewu a we ɖo ogbe de na ɛmɛ ke sɔ mi ɖo dan ye ɛmɛ nɛlɛ lɔ tete o nyɔ tun he mɔ nyi. ²³ E bo ɖ'ewu na ye byo bo wɛ nyi ɛmɛ ke do axwa le zogbeji nɔ nɔ byo mi jɔ xwetɔ lɔ we omɔ Ɖi kena oxolɔ ɖe nyi tɔ ezayi lɔ ɛ do ha ²⁴ Le ɛmɛ ke ye ɖo ɖodan lɛye mɛ falizitɔye can le ye mɛ. ²⁵ Ye bo kan ɛ se byo ke o hɔn nyi klisu lɔ o ko nyi eli o ko mɔ nyi oxolɔ ɖe nyitɔ Mawu tɔn lɔ ŋumɛ jɔ o do lɛ Mawu we ɛsin na ɛmɛye nɔ. ²⁶ Jan ɖ'ewu na ye tun byo blɔ Mawu we ɛsin ko lɛ na mi nɔ vɔ ɛmɛɖe le mia mɛ mi ko nyɔ ɛ. ²⁷ Ɛmɛ xin lɔ le godo na a bo gbɔn nɔ ko hɔn jɛ na tun afɔkpakan etɔnye le afɔ ni i can. ²⁸ Le onyi hɔngbe etɔn jan kpɔn yesu gbɔn nɔ ekɔn nɔ i wɛ e lɔ tun mi kpɔn Mawu we lɛngbɔvi ke nɔ sɔ onunyinyla sɔ kɛ gbɛtɔ zɛtɛ ye bi xɛn. ²⁹ Mawu we lɛngbɔvi ke nɔ sɔ onunyinyla sɔ kɛ gbɛtɔ zɛtɛye bi xɛn. ³⁰ E lɔ lɔ wu ko lɔ oxo do do tun ɛmɛɖe le godo na a bo gbɔn nɔ ɛmɛ xin lɔ hugan hu ɖo e o le gbɔxwe na ko va j. ³¹ Bo can ko hɔn nyɔɛ saa tun i mo ɛ vɔ ni a do ɖe eɖe sɔ xlɛ izrayɛli ɛvikpɛye wɛ dɔn ko do va lɛ Mawu ɛsin na ɛmɛye nɔ. ³² Jan mɔ lɔ bu tun byo ko kpɔn Mawu we gbigbɔ lɔ jɛ ote sɔn sɛxwe ɖi hɔnnɛ we ninɔmɛ ha bo va jɛ e ji . ³³ Ko hɔn nyɔ ɛ saa vɔ ɛmɛ ke ɖo o ɖodan lɔ byo bo mɔɔ ve lɛ ɛsin na ɛmɛyee lɔ na byo ɛmɛ ke ji na o na kpɔn gbigbɔ lɔ ɔna jɛ ote a bo tee le eji ɛmɛ xin lɔ wɛ na sɔ gbigbɔ kikwɛn do lɛ Mawu wev ɛsin na ɛmɛye. ³⁴ Blo ko bo kpɔn ɖo emɔha iwɛ ko do ɖe kunnu nɔ tun i mɛ mɔ nyi Mawuvi lɔ. ³⁵ Le onyi hɔngbe etɔn jan mɔ le ofi lɔ ke kpo do onukplanvi etɔn owe. ³⁶ Ke yesu va yi nɔ e kpɔn ɛ trululu bo lɔ byo Mawu we lɛngbɔvi lɔ xɛn . ³⁷ Kena onuplanvi owe lɛɛye se oxo xin lɔ kpoŋu ye bo xo do yesu. ³⁸ Yesu bo lɛ okɔ bo kpɔn tun ye mɔ xo do he nɔ i wɛ e kan ye se tun byo ŋunɛ lɛ mi o kan nɔ ye bo ɖo ewu ni i tun byo hlabi fye lɛ o nɔ hlabi lɔ we gɔnmɛ wɛ nyi onukplan ɛmɛtɔ. ³⁹ Iwɛ e lɔ na ye byo mi va mia kpɔn . hwedo ogan ɛnɛ emɔha wɛ xo nɔ ye bo xo do e bo ve kpɔn ofi ke e nɔ nɔ ye bo nɔ e kɔn le gbexin lɔ gbe . ⁴⁰ OOnukplanvi owe ke se oxo ke jan lɔ bo xo do yesu andle ke nyi simɔ piyɛ fofo nyi ɛmɛ ɖokpo le ye mɛ. ⁴¹ Jɛ ŋukɔn andle ve kpɔn nɔvyɔ tete si mɔ lɔ bo lɔ mi i tun mi kpɔn mɛsiya lɔ mɛsiya lɔ we gɔnmɛ wɛ nyi klisu. ⁴² E bo kplɔ ɛ va yesu kɔn kpɔn ɛ trululu bo lɔ ni i tun byo lɔ wɛ nyi simɔ janvyɔ ye na nɔ yɔ we tun sefasi sefasi we gɔnmɛ wɛ nyi ɛkpɛn. ⁴³ Filipu kpo natanayɛli xo do yesu le nyifɔngbe etɔn hwekenu na yesu jlo na lɛ a do sin galilé e kpe filipu iwɛ e lɔ ni i tun xo o do. ⁴⁴ Kpɔn bɛtisayida we otoxo mɛ tɔ wɛ filipu nyi andle piyɛ we taxomɛ . ⁴⁵ Filipu bo kpe natanayɛli bo lɔ ni i tun ɛmɛ mɛ kpo oxolɔ ɖonyitɔɔ mi kpe e yesu joze fu we ovi ke sɔn nazalɛti. ⁴⁶ Natanayɛh bo lɔ ni i byo onu nywɛ ɖɖe kpewu na tɔn sɔn nazalɛti doo filipu bo ɖo ewu ni i byo va naa kpɔn. ⁴⁷ Yesu kpɔn natanalyɛli o gbɔn nɔ ekɔn nɔ bo lɔ ni i byo mi kpɔn izrayɛlivi tete xɛn ke mɛ onu huhlu le ojimɛ na. ⁴⁸ Natayɛli bo kan ɛ se tun byo naɖe o wa bo do nyɔ ɔ I wɛ yesu ɖ'ewu byo hwekenu na o le figitingɔ ko o kpɔn we gbɔxwe filipu va yɔ we. ⁴⁹ Natanayɛli bo lɔɔ tun hlabi i wɛ nyi Mawu we ovi i wɛ nyi xɔ lu izrayɛlitɔn i. Yesu bo ɖewu ni i tun " ⁵⁰ Tɔn na ko lɔ na we tun ko mɔ kpɔn we le figi tingɔ bɛ dɔn na o do kan do ji ye mɔ o mɔ na kpɔn onu ɖaxo ɖaxoye ke hugan hu e ke " ⁵¹ I wɛ yesu lɔ tun le oxojɔ oxomɛ ko o lɔ na we nɔ o na kpɔn sɛxwe na hun ɛwɛ,dotɔ Mawutɔnye a yi jihwe nɔ aa bo jɛ ote nɔ gbɔn gbɛtɔ we ovi lɔ ji ".