¹ Blɔ Jaki ke nyi Mawu kpodo xwetɔ yesu klisu we odansɔvi ko do ogbe na mi mɛ ke nyi xɔsetɔ ke tɔn sɔn. ² Akɔ ta weve lɛ ye mɛ bvo gbakpe gbɔn ɛgbɛ lɔ mɛ sesebi bo wɛ wlan we ,na ke ɖoɖdan mi mi na didokpɔn tɛnmɛ tɛnmɛ. ³ Ɖo mi nyɔ ɛ tun na xɔse e na hɛn vivɛnu dido do va. ⁴ Vɔ vivɛnu dido miatɔn xin lɔ na ɖe odan wiwa kpikpe sɔxlɛ sɔ xlɛ mi mɔ do sɔgbe ofɔn ɔki ko le mia wu nɔ onuti ko mɔ do hudo mi nɔ. ⁵ Vɔ na e nyi tun mɛ ɖe le ma mɛ syɛ hyan onuyinyɔ zinzin ni byɔ Mawu. e mɔ ni i Mawu lɔ e nɔ na onu ɛmɛ bisese kpodo dɔmɛnywɛ. e ko nɔ lɔ oxo i do ɛmɛ lɔ wu . ⁶ Vɔ e ɖo na byɔ kpodo xɔ se kpo onu ti ma xe kpɔn ɖo ɛmɛ ke xo kpɔɔn le ɖi ke na ɛxo ke na jɛ hɔn kɔ nɔ ha do yi aɖusi kpodo amyɔ kpo nɔ ha. ⁷ Ɛmɛ xin lɔ ni bo ko ɖo u do onude wu tun he mɔ na yi le xwetɔ Mawu lɔ si o. ⁸ Ɖo oji etɔn mɛ e nɔ ɔxo yi aɖusi kpodo amyɔ mɛ le onuwiwa etɔn bisese mɛ. ⁹ Nɔvi xɔsetɔ ke nyi ayanɔ ni kpɔn jijwɛ tun Mawu mɔ kɔ he yi oji nɔ. ¹⁰ E mɔ ke nɔvɔi xɔsetɔ ke nyi oho tɔnɔ ni kpɔn jijwɛ nɔ tun Mawu mɔ sɔ he sɔ hwe nɔ ɖo ohotɔnɔ we oho na va ɖi otin we ɛsɛ ha. ¹¹ Ɖo ohwe cite kpodo zozo sinsyɛɛnxu etɔn kpo fyɔ ogbe ɛsɛ etɔn bo flɛ nyin yɔhuɛn etɔn bo bu. e mɔ ke wɛ ohotɔ can na flɛ le onu wi wa etɔn ye mɛ ɖo. ¹² Nyɔnɔanɔ wɛ nyi ɛmɛ ke nɔ ote gban ŋu le didokpɔn mɛ ɖo na ye do e kpɔn vɔ

e na yi ɛgbɛ we xɔlugba ke wle atanŋu kena kan na ɛmɛ ke na yi owan ni i ye.

¹³ Na tin tɛɛnkpɔn va na mɛ ɖe ni ka tun byo Mawu mɛ mɔ tɛn he kpɔn nɔ o ɖo onutyinyla ti hɔn kpewu na tɛn Mawu kpɔ ni a do wa onu nyinyla Mawu tete ko nɔ tɛn mɛ ti kpɔn . ¹⁴ Ojlo nyinyla mɛ ɖokpo ɖokpo tɔn wɔ nɔ blɛ ɛ ɖu a bo dɔn ɛ do tintɛn kpɔ mɛ. ¹⁵ Ɖ ojlo nyinlya hwekenu ,na e yi gomi le mɛ ɖe mɛ ɛ e nɔ ji nuvwɛɛn nuvwɛn xin lɔ. ¹⁶ Nɔvi vɛna vɛna tɛxee mi na blɛ miaɖe ɖu o. ¹⁷ Onuni nywɛ kpodo onunina mi mɛ ke sɔgbe bisese nɔ sɔn Mawu kɔn e nɔ jɛte le otɔ Mawu ke ɖo kinklɛn lɔ kɔn e ko nɔ ɖɔ li e hɔn nɔ hɛn vuvlu do va. ¹⁸ Dogbɔn ojlo etɔn mɛ e na mi ɛgbɛ xɔ yɔ dogbɔn oxo etɔn ke nyi oxo jɔxo lɔ mɛ e xin mi mɔ bo nɔ tɛnxo tantyɛn mɛ le onuɖiɖo etɔn ye mɛ. ¹⁹ Nɔvi vɛna vɛna tɛyee mi ɖo axixa te do oxo ke ye wu ɖokpo ɖokpo miatɔn ni nɔ ogbesisɔ a do se oxo ni bo ka mɔ nɔ ya onu ni bo ka mɔ nɔ yawu do aɖi ɖaɖi. ²⁰ Ɖo aɖi dido gbɛtɔ hɔn nɔ wa ojlo Mawu tɔn . ²¹ Syɛ mi gbɛ onu sɔn onu dudyu ɖe kpo kpewu kpodo donuwiwa wu mi mɔ sɔ mia ɖe sɔ xwe na miav do yi oxo ke na otɔ lɔ xwa do oji miatɔn mɛ oxo xin lɔ kpe nu bisese wu e hɔ hlwɛn okla mia tɔn ye . ²² Mi nɔ zɔn do otɔ lɔ wle oxo lɔ ji mi bo ka mɔ nɔ nyi sise tɔ kpoŋvo exin dɛn mi blɛ mia ɖe ɖu nɔ. ²³ Ɖo nɔ mɛ ɛɖe se oxo lɔ e ko zɔn do e ji nɔ e le ɖi mɛ ke kpɔn eɖe le nukpwɛn mɛ nɔ ha. ²⁴ Ke na e kpɔn eɖe vɔ e sɔn bo wɔ n ke na e le ɖo zɔnɖokpo. ²⁵ Vɔ mɛ ke nɔ gbeje osɛn ke sɔɔn lɔ mɛ ganji osɛn ke nɔ na vivo ɛmɛ lɔ vɔ e hɔn nyi oto ke nɔ wɔ no e nɔ zan do eji e danwe xin lɔ ev gbɛ yi do, eji nɔ onu na nyɔn ni i le onu wiwa etɔn ye mɛ . ²⁶ Na mɛ ɖe kpɔn tun he mɔƥ sɛn ɛ Mawu nɔ e ko nɔ hɛn onu etɔn e blɛ e ɖe ɖu nɔ e ko nyi e xin lɔ ɖoɖyo sinsɛn ɛmɛ lɔ tɔn nyi onu vɔvɔ . ²⁷ Sinsɛɛn mimɛ ke na odyu ti hɔn le ewu nɔ jɛ hun na Mawu otɔ lɔ wɛ nyi tun byo ye na kpe ŋukunsin do tɔ cɔvi nɔcɔviye kpodo okposive wu le vivɛsise ye tɔnye mɛ a bo de alɔ le ɛgbɛ lɔ we onu ɖuɖu ye wu.