¹ Nɔvye sxɔsetɔ ye mi mɛ ke na ɖo xɔse do xwetɔ yesu klisu lɔ ji mi ko mɔ ɖe mɛ ɖe ɖovo na mɛ de o. ² Mi sɔ ɛ tun byo mi le okpli yi wɛ hun sunglo ɖo do alɔgan sikatɔn bo do awu ganji ɖe bo ɖyɛ ogunmɛ lɔ mɛ i wɛ keŋu ayanɔ ɖe can mɔ va ye mɛ bo do awu ɖuɖu ɖe. ³ Na e nyi tun okpɔn mɛ ke do acɔ ganji lɔ o mɔ lɔ ni tun kɛn klɛn va xin nɔ onyi le bwɛ le ɛmɛ jɔ mɛ we tɛnxo ke vɔ o mɔ lɔ na ayanɔ lɔ byo lɔɔ nɔte le blɛ dan a lo xlɔnnyi do afɔ tɛ ye go. ⁴ Bɛɛ e hɔn nyi ɛmɛde do ovo we onu hwɛn mi wa nɔ xinn na e le hɔn nyi ayi nyinyla hwɛn mi do gbo ɛhwɛ nɔ xin mɔ mi ⁵ Mi ɖoto oto a bo se nɔvye xɔsetɔ ye Mawu otɔ lɔ hwɛn can oyanɔ le ɛgbɛ lɔ mɛ bo do trɔ zun ɖɔkunnɔye le xɔse mɛ kpo do axɔ lɔ ɖuto we cinnɔsɔye do ajɔgbe na ɛmɛ ke yi owlan ni i ye. ⁶ Vɔ miye mi nɔ kɔn ocɔn do ayanɔ wu ɖɔkunnɔye hwɛn zin miaji a bo do hɛn mi yi ɛhwɛ ŋukɔnye wɛɛ. ⁷ Yee u ke hwɛnɛ nɔ kɔn acan do nyikɔ ke na sisi jɛ na ke na ye nɔ yɔƥ do mia wu lɔ wɛɛ. ⁸ Na mi zɔn do osɛn ke xo ota na osɛn zɛtɛ bi ji bɛ wasi i nɔ gan ji osɛn xin lɔ wɛ ye wlan le Mawu we oxo lɔ mɛ bo lɔ tun o na yi owan na hawetɔ ɖi yi té té ha. ⁹ Vɔ na mi nɔ can ɛmɛ ɖe ye ɖ'ovo a bo nɔ do owita na ye a bo nɔ ɖe ɛmɛ ɖyɛ ye drɔn ɛhwɛ wɛ mi hu nɔ ɖo jɛ osɛn mɛ nɔ . ¹⁰ Ɖo na ɛmɛ ɖe zɔn gbɔn osɛn zɛtɛ bi. ji vɔ bo gba ɖokpo gee bɛ e cda le zɛtɛ bi ji. ¹¹ Ɖo ogbde e lɔlɔ ke wɛ lɔ tun ko hu ɛmɛ ke na e le e mɔ ha na hɔn do afɔ ogbe can vɔ o bo hu. ɛmɛ ɖe bɛ o bo da le osɛn lɔ ji. ¹² Mi nɔ lɔ oxo a bo nɔ wa onu ɖi ɛmɛ ke na Mawu na va ɖɔ ɛɛhwɛ na dogbɔn osɛn ke nɔ na vivo wu ɛmɛ ji. ¹³ Ɖo ɛmɛ ke na hɔn nɔ kpɔnɔ dɔŋuɖun na ɛmɛ ye Mawu hɔn kpɔn dɔɖɖudunu na ye can nɔ le gan ke mɛ na e na ɖɔ ɛhwɛ ɖo. dɔŋu nu kpinkpɔn na ɛmɛ nɔ ɖu le ɛhwɛ di do na ɛmɛ ji. ¹⁴ Nɔvye xɔɔsetɔye n a ɛmɛ ɖe lɔ byo ko ɖo xɔse e ko ɖe e sɔ xlɛ dogbɔn onu nina etɔn ye mɛ xɔse xin lɔ na kpewu na hwlɛn ɛ gan wɛ. ¹⁵ Na nɔɔvi ŋusunglo ɖe nyɔnusi ɖe le govɛ ɛye ko ɖo onu kena ye na do kpo onu kena ye na ɖu le gbeɖokpo. ¹⁶ Mia sɔ ɛ tun byo ɛmɛ ɖe le miamɛ bo lɔ ni i nɔ va sɔ ɔle fifamɛ a bo va yi xu ozo a bo ɖu onu nywɛɖe vɔ e ko sɔ onu we hudo na ye . ¹⁷ Emɔ ha ke xɔse ke hɔnhɔn ɖe eɖe xlɛ le oniwiwa mɛ xɔse kuku wɛ e mɔ . ¹⁸ Tanyɔ ɛmɛ ɖe na lɔ tun byo lɔɔ o ɖo xɔse blɔ ko bo ɖo odan wiwa ye sɔ xɔse tɔwe ke hɔn do odanwiwa lɔɔ sɔ xlɔ ɔ exin blɔ ko mɔ ɔsɔ xɔse tɛye ke ɖo odanwiwa . ¹⁹ Lɔɔ o kan ɖeji tun Mawu ɖokpo gee mɛ mɔ wa si i nywɛɖe vɔɔ emɔ hake gbigbɔ nylakanye can nɔ kan deji bo nɔ titɔ nɔ. ²⁰ Onumanyɔte ojlo na nyɔɛ tun xɔse kena hɔn ɖo odan mɔ nyi xɔse kuku. ²¹ Ablaxami mia dagbwɔ ɔ odan kena e wasi bo do sɔ ovyɔ izaki sɔ ɖo agba ji bo jlo na sɔ ɛ ɖo san avɔ na Mawu hwɛn dɔn na Mawu lɔ do sɔ ɛ do kpɔn ɛmɛ sɔgbe wɛɛ. ²² O kpɔn xɔ se etɔn kpodo odanwiwa etɔnye wɛ zɔn do okpɔn odanwiwa lɛye bo na na vɔse. etɔn nyi xɔ se kpikpe. ²³ E mɔhake onu winwlan kinkwɛ lɔ va cicɛmɛ ablahamu lɔ kan ɖo Mawu ji exin lɔ Mawu sɔ ɛ do kpɔn mɛ ke sɔgbe yi wɛ dɔn na Mawu do yɔ ɛ tun hadwe etɔn. ²⁴ Mi kpɔn onu jɛ e wu nɔ syɛ tun dogbɔn odanwiwa mɛ wɛ Mawu nɔ sɔ ɛgbɛtɔ do kpɔn ɛmɛ ke sɔgbe høɔn nyi do gbɔnn xɔse ɖody o mɛ hwɛn. ²⁵ E mɔ ha ke wɛ e nyi na hlaxa bo kpaconɔ lɔ Mawu lɔ Mawu sɔ ɛ do kpɔn ɛmɛ ke sɔgbe dogbɔn odanwiwa mɛ ɖo e yi ɛwɛndatɔ lɛ ye bo na na ye gbɔn omɔ bu do sɔn. ²⁶ Ke na gbaza ke mɛ gbigbɔ hɔn le e mɛ nyi onu kuku ɖo ɖe mɔ ha ke wɛ xɔ se hen na hɔn nɔ ɖe eɖe sɔ xlɛ dogbɔn odanwiwa mɛ can nyi onu kuku do.