¹ Blɔ pɔlu ɛmɛdindɔɔn klisu yesutɔn dogbɔn Mawu we ojlo mɛ wɛ wlan wema ke Mawu can ko mɔ do jlo ɛgbɛ mavɔmavɔ ke we atanŋu na Mawu kan na ɛmɛ ke le klisu yesu mɛ ye. ² Timɔte ovi tɛye vɛna vɛna ko wlan wema ke dodan we Mawu otɔ kpodo klisu yesu xwetɔ miatɔn ni na we ɛfɛnu kpodo fifa amɔ kpɔnɔ dɔŋudunu na we. ³ Ko do ɛkpɛ ɛ na Mawu ke ko sɛn nɔ kpodo ayi xa mi mɛ kpo ɖi kena dagboyee wasi do na ogan ɖekpo kpwe mɛ le oklo kpodo ozan kpo ko nɔn nɔ dokpo doŋdo wu we le ɛɖɛ xixo tɛye e mɛ o. ⁴ Na ko flin avin kena o fa e nɔ jlo o taŋu byo ma mɔ kpɔn we ko mɔ do gɔ kpodo jijwɛ . ⁵ Ko nɔ flin xɔse xo jɔxotɔn ke na o do xɔse kena mamawe lɔyisi o do saa keŋu gbɔxwe nawe e ni si can va ko bo do kandeji byo xɔse xin lɔ ke mɛ i can mɔ do. ⁶ Iwɛ wanu ko flin na we nɔ byo onunina kena Mawu na we sɔn hwekenu ko ɖo alɔ ta na we gbɔɔn mɔ fli ozo etɔn lɔƥ doeji nɔ. ⁷ Ɖo e nɔn nyi vivɔ we gbigbɔ hwɛn Mawu na mi vɔ hɔnhlɔn owan yiyi kpodo ɛm de ji ɖuɖu we gbigbɔ wɛ gbigbɔ wɛ e na mi. ⁸ Iwɛ dɔn kunnu ɖiɖe do xwetɔ miatɔn lɔ wu ni ko wu ŋunya na we ŋunya ni ko wa we do bo ke nyi ogantɔ do Mawu we odan lɔ we tamɛ wu o vɔ ɖɖu aya kpo do ɛwɛn nywɛ lɔ wu amɔ kan do Mawu we hɔnhlɔn wu. ⁹ Elɔ wɛ hwlɛn mi gan bo yɔ mi mi mɔ do zan ɛgbɛ kinkwɛn e ko nyi odanwiwa miatɔnye wu hwɛn e sɔn vɔ dogbɔntito etɔn tete kpodo ɛfɛnu etɔn mɛ wɛ e bo na mi ɛfɛ nu xin lɔ le klisu yesu mɛ keŋu gbɔxwe e va do ɛgbɛ lɔ. ¹⁰ Vɔ syɛ e ɖe ɛfɛnu xin lɔ sɔ xlɛ dogbɔn hwlɛngatɔ miatɔn yesu klisu we viva mɛ e lɔ wɛ hɛn okuwe ɛcɛ sɔ gu bo ɖe ɛgbɛ jɔmaku sɔ xlɛ dogbɔ ɛwɛn. nywɛ lɔ mɛ. ¹¹ E xin lɔ wɛ wa nu na Mawu do sɔ ɔ do do ɛwɛn nywɛ jlatɔ ɛmɛ dindɔn kpodo onukplan ɛmɛtɔ. ¹² Iwɛ wana ko do du aya ki ye nɔ vɔ e hɔn nyi ŋunya na a do ko nyɔ ɛmɛ ke ji o ko klando lɔ ko bo do oji dide taŋu byo e mɔ do ɛcɛ ma mɔ hɛn onu ke na emɔ sɔ do asi na a lɔ wu gbɔɔn do yi ɛhwɛɖɔzangbe. ¹³ Hɛn oxojɔxo ke na o se le nu ye lɔ wu le xɔ se kpodo owanyiyi ke le klisu yesumɛ ye mɔ nyi kpɔndewu na we. ¹⁴ Hɛn onu nywɛ kena Mawu sɔ dasi na we lɔwu dogbɔn kinkwɛn kena le mia mɛ we alɔ gɔ mɛ. ¹⁵ O o nyɔɔ ɛ byo ɛmɛ zɛɛtɛteye kemɔ le ai we kansinmɛ ye mɔ jo o do de ye wɛ nyi fijɛlikpodo ɛmɔjɛnu. ¹⁶ Xwetɔ lɔ ni kɔn i we dɔŋuɖunu kpin kpɔn na ɛmɛ do onɛ zifɔ we oxwedo ji do ganmɛ ganmɛ e nɔ do hɔnhlɔn lanmɛ na a caba mɛ ke ko le ko nɔ wa ŋunya ni i. ¹⁷ E le e mɔ ha ganke ke e va hlɔɔma e ba a kpodo akpakpa kpo gɔɔn bo kpɔn ɔ. ¹⁸ Xwetɔ lɔ ni na na xwetɔ Mawu o kpɔn dɔŋudunnu ni i le ɛhwɛɖɔzan gbe ke e kpedo wuye do le efɛzi okpɔn ŋujɛ e wu nywɛɖe.