¹ Lɔ ke nyi ovi tɛye do hɔnhlɔn lanmɛn na ɖiwe le ɛfɛnu kena le klisu yesu mɛ lɔ mɛ . ² Onukpinkplan kena ko wasi o bo se le kumuɖetɔ susu nu ye sɔ do asi na gbɛtɔ susu nu hye sɔ do asi na gbɛtɔ ker nyi ɛmɛ bo le ogbe ji ye ye can mɔ nyi ɛmɛ kena kpewu amɔ kplan ɛmɛ buye can agba. ³ Ɖu aya kpo o le ɖi klisu yesu we sɔja adodwe ha. ⁴ Sɔ ke le ahwan mɛ ti hɔn mɔ nɔ vi do ota ɛgbɛ lɔ mɛ kpaa we onu wi waye mɛ na e ba na jɛŋu na ahwanga ke yi i do a ahwan mɛ. ⁵ E mɔ ha ke :le odundido mɛ odundotɔ kena do odun osɛn lɛye byɔ ɖo ha iwɛ na yi ojiɖuɖu we axɔɔtu. ⁶ Oglelɛtɔ ke ɖu aya do wa odan i wɛ na ɖe ɛjinukun lɛ ye tantyɛn. ⁷ Bu ota mɛ nymɛɖe do oxo kena ko lɔ na we nɔ ye xwetɔ Mawu lɔ bo na na wɛ o na se onu xin lɛye zɛɛtɛ gɔnmɛ. ⁸ Ɖoŋudo yesu klisu ke tɔn sɔn Davidi we okunkan mɛ wu e fɔn sɔn oku ɖi kena ɛwɛn nyw kena ko jla nɔ lɔ lɔ ɖo ha. ⁹ Ɛwɛɛn nywɛ xin lɔ wɛ ko ɖo aya na nɔ gbɔɔɔn bo va le cabo mɛ ɖ onunyinyla watɔ ɖe ha. ¹⁰ I wɛ wana na ku nɔ do yi agban zɛtɛye do ota do ɛmɛ cincanye wa e xin yee can mɔ do kpɔn kwlɛgan kena le klisu yesu mɛ lɔ kpodo gido mavɔmavɔ lɔ. ¹¹ Xojɔxo kpatakli wɛ nyi oxo ke na mi ku kpo e mi ma mɔ fɔn kpo e. ¹² Na mi do vivɛnɛu mi na va ɖuxɔlu kpo e na mi gbɛ ɛ i can na va gbɛ mi. ¹³ Na mi hɔn nɔ ogbe ji elɔ le ogbe ji tɛgbɛ do itete hɔn kpewa nagbɛ eɖe. ¹⁴ Oxi xinye zɛtɛ nɔ flin na ye a bo nɔ ɖo ɛkpɛn e ji Mawu ŋukɔn byo ye i mɔ koo nɔ ojlɛ do oxo gbeye wu nɔ o do e hɔn nɔ wa onywɛti ti vɔ e nɔ hɛn ɛmɛ ke nɔ se ɔ ye do yi bubu gbenu. ¹⁵ Jɛ gbagba amɔ jɛ ŋu na Mawu le di odanwatɔ kena Mawu o do kpɔn e bo sɔgbe odanwatɔ kena ŋunyan hɔn wa nɔ do odan ke e wa wu nɔ odanwatɔ ke na nɔ kplan oxojɔxo lɔ ɛmɛye nɔ do jijwɛji. ¹⁶ Gbɔn akpa na oxo vlo ke hɔn sɔ gbe kpo xɔse ye do ɛmɛ ke nɔ lɔ oxin ha nɔ ye fɔn tɛgbɛ ye nɔ tɛ yi le Mawu wu nɔ. ¹⁷ Oxo yetɔnye bo le ɖi abi jɔmaku ke vo nɔ ha imɛnɛ kpodo filɛti le mɛ xin lɛ ye mɛ. ¹⁸ Ye gbɔn akpa na oxo jɔxo lɔ bo nɔ lɔ nɔ byo finfɔn sɔn oku o jɔ va yi gbɔ exin mɛ ye bo ɖe ɛmɛ ɖeye flɛ le xɔse mɛ. ¹⁹ Ganke gundo sinsyɛnu ke na Mawu ɖo lɔ bo le te tɛgbɛ xo ke na ye wlan do e wu ye xɛn nyi ke xwetɔ Mawu lɔ nyɔ ɛmɛ ke nyi etɔnye iwɛ wa nu ɖekpokpwe xwetɔ Mawu lɔ we nyi kɔ nɔ ni tɛ yi le onu nyi nyla wu . ²⁰ Le ohotɔ ɖaxo ɖokpo we xwegbe e hɔn nyi kagbaye kpodo ohogan we agbaye ɖokpo hwɛn nɔ nɔ blɛ vɔ okɔgbaye kpodo otingbanye can nɔ le blɛ ye nɔ zan ɖeye le oganxixo ɖe ɖo ovo mɛ ɖeye bo le bo nyi kena ye nɔ zan tɛgbɛ. ²¹ Na ɛmɛ ɖe sra ɛwu bo ɖe tɛ le onu ɖudyo onu nyinyla mɛ mɛ e mɔ nyi agban jɔ agbab kena ye de do ovo na xwetɔ lɔ e mɔ zan mɔ le ogbe sisɔ mɛ na odan nywɛ ɖekpokpwe. ²² Si na winwyan mɛ ɛwe jlo nyin amɔ ba ɛgbɛ jijwɛ xɔse owanyiyi kpodo fifa kpan ŋukɔn ɛmɛ kena xwetɔ lɔ nɔ kpodo oji mimɛ ɛye. ²³ Vɔ gbɛ kpodo onumaywɛ we onu dindɔnye o nyɔ ɛ byo ojlɛ mɛ ye mɔ nɔ nɛn do va. ²⁴ Odansɔvi xwetɔ Mawu lɔ tɔn nɔn ɖo na nɔ wa ojlɛ vɔ e do na nyi dɔmɛn ywɛtɔ kpan ŋukɔn ɛmɛ zɛ tɛye amɔ nyi ɛmɛ kena kpewu amɔ kpla, onu ɛmɛ a bo nɔ do agbɔxo. ²⁵ Kpodo dɔmɛfaa kpo e na nɔ kplan onu ɛmɛ ke cite do e wu ye kpodo ɛmɛ de sɔ hwe kpo le omɔ ɔ kpinkpɔn mɛ byo tanyɔ Mawu ma mɔ va na ye jijɔɖiɖɔ li ye do nyɔ oxojɔ xo lɔ. ²⁶ Ye mɔ do ɖyɛ ɛyede mɛ amɔ ɔ do tɔn le lɛgba we omɔ ɖiɖoye mɛ lɛgba ke wle ye na y a do nɔ. iwe jlo gɔ.