¹ Bayibugisa mugudigulumusa guedi du pida ye guedi ba fumu,mugu ba lemvugila ye mugu gala pena-pena mi bisalu bipimbu, ² Bayibusa mugugonda yagula-yagula, mugugala ye mbundu yi mbi guedi ba guenu.Mugudi gumusa guedi badu bootsu. ⁴ Haa yandiga yana ma pimbu ma Gahungu muhulushi wu pidu ludzolu luandi guedi badu luvudugi, ⁵ Huduhulushi loombi mudiambu ye bisalu bi gigidi bi duhangi haa mudiambu ye kenda djiandi.Gaduhulushi mu ndjila yigu bodamana,ye madela ye gubudugulula gu muhungua wugu gedila. ⁶ Gahungu wu diagi muhunga wu gugedila ye londi di pidu mu djina di Yeu Kdishidu muhulushi wu pidu. ⁷ gagadi hu wa sambisama muma pimbu mukenda djiandi,dugumi beni biaa mugu saa mbundu mudjingu lu mvule-mvula. ⁹ Haa lubulegu yagusagana pamba ye gugulumusa baguenu ye bidumba,gugonda guwagagana ye mishingu.Bima bina bigondi funu loo biedi pimbu. ¹⁰ Dina mu mbala yi tegu ye yi djiodi badu bootsu ba dzodi gugabulagana mu kadi ga binu, ¹¹ Yaba mbi mudu wugi fagina wu godi munzila yi piba gaba hanga masumu gaba dibedisa ke ndi beni. ¹² Mbi buyi gudumi guedi Aditemashi mbiloo Tishigi sasuga mu guitsa nguana gu Nigopoloshi gu ndjindudi mugudjinga mudangu di gindolu. ¹³ Hanga nsualu wu tumisa Zenoshi wuna wu yabi mitshigu ngolu,ye Apoloshi,mu mpila mbi gagondegu gima.