¹ Kashi ndji,yagula bima bi pimbu mutsigu. ² Ba mbuda ba fani gala ye gigesa,gubadjidisa,guyindula,gulungisa luguigilu,mu ludzolu ye mugugangamana. ³ Gidesu gimoshi,ba kedu bana ba bambuda ba fani gu gu nadisa nga badu bena baba fani djingisa,looba fani yagula.Looba fani guhanga mu malafu.Ba fani longa muna ma pimbu; ⁴ Mu giguma gigulonga ba pini mugu dzola ba lumi dji ba ye bana. ⁵ Ba fani guba longa mugugala baana ba fedi yindula,gigeledi,ba senda bukeedi bu manzu ma baa,mugu lemvugila ba lumi dji baa.Ba fani hanga mambu mena mudiambu ndaga yi Gahungu yi gonda nuanisama. ⁶ Gidesu gimoshi,hana gigesa guedi ba ngunza bagala ye guyindula. ⁷ Mambu mootsu,dileshigisa mu mambu ma pimbu,mbi wuba longa gulesa kiediga ye bu neni. ⁸ Ba lesa ndaga yi kiediga ye loomifani gala mi mbi.Gutsuga konzu wuna wuyi maninina nga ga balumuna sambu looguedi ye mambi maba fani yagula ma du dadidi. ⁹ Ba higa ba fani lemvuga guedi ba fumu dji baa mambu mootsu.Ba fani gubahega gieshi ha loombi mugunuanagana ye baa. ¹⁰ Looba fani yiba.Kashi giguma muluguigilu lu pimbu,gutsuga mbi fani shigisa malongi ma pidu ma dadidi Gahungu wedi muhulushi wu pidu. ¹¹ Haa madonda mhanamana mugifudi giotsu. ¹² Badu longaga mugununga masumu ye miotsu mugifudi.Gadusadisaga mu gudjinga mu pila yi pimbu,gigidi ye guguigila mu bilumbu bi guedi. ¹³ Mudangu didu ba gingila gusa mbundu mulusagumunu,gumoniga mulugumu lu Gahungu ye muhulushi Yesu Kdishidu.