¹ Polu musadi wu Gahungu,ke mutumua wu Yesu Kdishidu mu lu guigilu lu baana ba solami guedi Gahungu ye mugudi yaba mu masonga bana ba niamugi mugimvuga gi guguigila. ² Bawu ba gadi muluguigilu lu gonda tsuga ye Gahungu,wu gondagagi gu da bupala,wu yani ma latshi yandiga mu madangu ma gulu. ³ Mudaangu di guitsa, ga dendudi ndaga yandi mumalongi maga pegi giyega mugulonga,yikadi hanga mitsigu mi Gahungu muhulushi wu pidu. ⁴ Guedi Tito,muana wu bagala wupimbu muluguigilu lumvuga.Lusagunu ye ngemba djigadugi guedi Gahungu wedi Dada ye guedi Yesu Kdishidu wedi muhushi wu pidu. ⁵ Mu giguma giana,yi gushishi gugeledi,gutsuga mbi nga wu saa mundongaa bima bina biba gondi gaadi gumanisa nga wusa ba mbuda mu gonzu mavula nga buedi mitsigu miami. ⁶ Mbuda guedi wuna wu ba fani gonda dadila mu mambu mambi kega bagala wu mukedu wu mosi,wu fani gala ye bana ba ma songa babafani gonda bogudila ye gugonda ludjidu. ⁷ Guedi funu guedi nganga wu Gahungu mu neni mu gugala wuna wu fani gonda gala mu mambi.loogafi gala gindiani mbi loo mugisaga-saga.loo gafani gala mueni kabu shi gudi hana mumalafu,shi gingolu-ngolu,shi mudu wu pamba pamba. ⁸ Haa gafini gala muyambi bootsu,ndugu wu ba guenu,wu feni gala ye guyuga gigidi,gugonda ma sumu ye gudi gieba ndi mueni. ⁹ Gafani gala wu haa gangamana mu ndaga yi Gahungu nga buga longugi,haa nga gala ye gigesa mu gulonga beega ye mumalongi ma pimbu ye mugu sungiga bena ba dzolagagi mwvalangasa. ¹⁰ Buoona guedi badu bavula bagumi bisaga-saga,ngolu-ngolu guedi babalumuni mbundu mu ndaga dji bawu djedi pamba-pamba.Badumi guyamba ye gunada badu mu djinzila dji mbi. ¹¹ Guedi funu mu gubaganisa.Balongagagi biaana bi bafani gonda hanga mu lufudu lutsoni ye guvandigisa maganda mamvimba. ¹² Umoshi mukadi ga bawu,mudu wu mayela gayaguudi:wuyugagagi booma dangu diootsu dji mupala wu mudu wu bifu ye gigonza gi mbitshi.Djumu di bumolu. ¹³ Gimbangi giandi gi masonga,udzodi gunuanisa baguenu sambu gutsuga gagala ye luguigilu lu pimbu.