¹ Bwoona wuna wootsu wedi ye giyega ye wuna wu di hani wu solami mu kadi ga baadu bagu,ga fani gala wuna wu hangilaga djina diandi nga mu bima bi fanagani gwedi Nzambi,gutsuga ga fani gu didambiga mu mbala yi moshi magabu ye mapashi ma masumu. ² Ga fani gala wuna wu gangi mbundu gwedi bana ba gondi ba fani gonda gu yaba. ³ Ata gima gwedi bana bedi mbundu bu guba,mudiambu ye gu lembwa kega gu moshi gu gabu diandi gu gidi giandi. ⁴ Loo gwedi shi wu du hegaga gifwumu gina,mbi loo gedi wuna wu du lendigaga gwedi Nzambi,nga bu gadi Aloni. ⁵ Shi Kidishidu loo gafani mu gu gabisa shi ndambu kiembu dji gu guma mu dambigi magabu,haa gwedi wuna wu mu ledi mbi:wedi mwaana wami leelu mi yi gubudi yedi Dada woogu. ⁶ Nga bu gaba yagula kega mu bihani biega:wedi mu dambigi magabu ma gimakulu nga bu gadi tshigu dji Medishiesedegi. ⁷ Mu bilumbu biaana mu gi musuni,Kidishidu gadidambigi mu bisambu ye ngwivu djega,mu miloolu ye bidilu bivula gwedi Gahungu,wuna wedi wu moshi wxu gulisa mu lufwaa.Mu giguma gi masumu gwedi Gahungu,ye ga muhegi mvudu. ⁸ Shi bu ga gadi mwanandi,gasendi tegu bulemvu mu giguma gi mapashi maandi. ⁹ Gadi sudigi tegu mweni kega gumi wu tegu mu gifwumu gi gonda tsuga gwedi muudu wootsu wuna wu mulemvugidi. ¹⁰ Ga solami gwedi Gahungu nga mudambigi gu yilu nga bu gadi tshigu dji Medishisedegi. ¹¹ Mudiambu ye mivula mi gu yagula mu giguma gi Yesu,haa gwedi pashi mu gu lu dendudila mudiambu lwedi du googi mu gu yaba. ¹² mudiambu mu dangu diadidi,binu lu kadi gala balongi tunda lkwedi ye fwunu yi muudu wuna wu fani gu longa dji ndjila mu mapandi ma Nzambi.Lwedi ye fwunu yi midigi,haa loo mbi madiaa mangolu. ¹³ Mudiambu gosu wuna wu gondaga gu nwaa midigi loo gedi ye ngolu dji gu manana gu yagula mana madadi mapandi ma masonga,mudiambu gedi tegu mwaana wu mugegi. ¹⁴ Haa madiaa mangolu medi mudiambu ye ba mbuda.Dala bana,mudiambu ye guyala gu baa gu bahegi ngangu dji gu dendula ye dji gabisa mapimbu ye mambi.