¹ Mu bwoona,ba pangi lwedi ye gabu gu yilu.Gumbusani Yesu,tumwaa wu giyega wu dimbigi mu giguma gi gimvwuga gi pidu. ² Ndji ga gadiwu hwaa lunga gwedi Nzambi wuna wu musodi nga bu sodi kega mososhi wuna wu gwigidi mu nzu yi Nzambi. ³ Nga bwoona Yesu ga solami ye tunda mu lugumu luvula lu gu luda Mososhi mudiambu ndi wu dungi nzu yigumu wu gu luda nzu yandi ndi mweeni. ⁴ Bwoona nzu ye nzu yidungami mudiambu ye muudu wu moshi wu moshi haa wuna wu dungaga gima ye gima gwedi Nzambi. ⁵ Dabgu diega,Mososhi ga gadi ye lugwigilu pimbu nga mu sadi mu nzu diootsu di Nzambi.Gu gadi gingendji mu mambu ma kandi yagudila mu bilumbu kadi gwitsa. ⁶ Haa Kidishidu gedi mwaana wuna wedi ye giyega mu nzu yi Nzambi.Pidu dwedi tegu nzu yandi mbi bu du gangi mbundfu mu gu gwigila ye gieshi gi kiediga. ⁷ Bwoona,nga muhunga wu gedila gayagudi:èlelu mbi bu luyugi ndaga yandi. ⁸ Loo gu gu misani mbundu dji binu bu guba nga bana bedi ba ngunza mu dangu di gu ginga mu tsegi dji maganga. ⁹ Maa mootsu bu magadi mu dangu di ba mbuda ba binu ba gulu ba gadi mu gingunza gi ngolu gi hangi mamvula mengi,mamvula gumi mayaa bu badadi mahanga mami. ¹⁰ Bwoona,mi tesumugi mu ndandanu yina.Yi yagudi:ba genunuga dangu diootsu mu mbundu dji baa ye bayabagi kega ndjila djiana. ¹¹ Bwoona,yi shilagi mu kabu djiami:baa bagoda mu gu hululuga ye mii. ¹² Galani ye gu geba,pangi ba bagala,mbi shi wu moshi bu ga gadi mu kadi ga biganda ga gala ye mb undu yi mbi ye yigigeneni,mbundu yi hanaga ngoyi gwedi Nzambi wu mooni. ¹³ Haa longagani wu moshi wu moshi gosu gilumbu,mu gu yagulaga dangu diootsu mbi:Loolu,ga gonda genunuga mu mbandu gu guba mu gu hanga masumu. ¹⁴ Mudiambu du gumi gidini gi Kidishidu mbi bu du gangamani gi magulu ye ndi mu luyandigu tii gu tsuga. ¹⁵ Ga yagudi mu giguma giaana:loo mbi bu luyugi ndaga yandi loo gu gangani mambundu ma binu,nga bana bedi ba ngunza. ¹⁶ Naa wuna wu yugi Nzambi ga gumi ngunza?Loo gu gadi bootsu bana Mososhi ba gadushi gu Egipiti? ¹⁷ Mu giguma gina ba tilumugagi mu mamvula magumi ma yaa?Loo gu gadi bana ba hangagi masumu ye mamvumbi dji baa dji fwaagi mu manu maganga? ¹⁸ Ye gwedi naa gadia ndefu mbi loo ba hululuga gi hani gi moshi ye mi,mbi loo gu gadi bana ba gondi gu mugengidila? ¹⁹ Pidu loo du dalagagi mbi baa bagondi goda mu gu hululu gihani gi moshi ye ndi mumvalangasa dji baa mu mbundu.