¹ Bwoona du fani geba mu mena ma duyugi,mudiambu du gonda bwaa mu mapandi mana. ² Mudiambu mbi mantsangu mootsu mayagulami gwedi ba tumwaa magadi ma hwaa gumbusama,ye guna mu gu nwanisama gootsu ye mu gu gonda bulemvu gu sendi masonga ndola, ³ buni du fani hanga mbi bu du valangishi gifwumu gipimbu gii?Gifwumu giana yagulami tegu-tegu giedi gifwumu gitshi gi gedila kiediga-kiediga,gwedi bana ba giyugi. ⁴ Nzambi kega ga bihanini gimbangi mu dibindu,mu mahanga ye mapandi mengi mangolu ye kega mu magabu ma Nzambi wu gedila mahanga magi landila luzolu lwandi. ⁵ Haa loo mbi gwedi batumwaa ba Nzambi ba hana gi gigesa gi gutwala gi gifudi mu giguma giana du yagudilagi. ⁶ Haa nga,wu moshi wu moshi mu gimbangi muna yagula mbi:kii bi muudu ndji mu gu muyibugaga ndi?Mbi loo mwaana muudu ndji mu gu musendilaga giyega? ⁷ Ndji wu hangi yegiyega gidigi-digi gu twala yi ba tumwa;wu mufideimigi ye giyega gilugumu. ⁸ Wu muhegi giyega gi bima biootsu.Mudiambu gu hangamani gwedi Nzambi mu gu hega giyega gwedi bima biootsu.loo ga shishi shi gima mu gu gonda gu muhega giyega.Dangu di,pidu loo du badala kega mbi bima bi muhunamani gi yega. ⁹ Haa pidu du dalaga ndona wu hangamani mudiambu ye dangu di ndambu gu mashina maba tumwaa:Yesu wuna mu giguma gipashi giandi ye mu lufwaa lwaandi,wu ba vadishi puu yi giyega ye lugumu bwoona,mu kenda dji Nzambi,ndi ga ba loludi mu lufwaa lwandi mudiambu ye muudu wootsu. ¹⁰ Bu lugulumushi gwedi Nzambi,mudiambu bima biootsu bi ga longi mwedi ndi kega mudiambu ye ndi,mu gu neda bavula mukiembu.Bu ba gulusami gwedi ndi mu gugodisa masonga gwedi mu gu nadisi gifwumu mu ndjila yi mazpashi mandi. ¹¹ Mudiambu ndi wu sugulaga ye bana be"di ba hwaa sugulama bootsu bitshidi mu gishina gi moshi.Mu giguma giana,loo gwedi ye tsoni mu gu miyagula pangi. ¹² Ndi gayagudi:yi lumisa bula lumisa djina diagu,yi bula yimba migunga miagu mi lugumu mu kadi ga gimvuga. ¹³ Ye kega:yi bula saa swidila dangu diootsu gwedi ndi.Ye kega:dala,mi ndo ye baana bena ba pegi Nzambi. ¹⁴ Mu bwoona,nga baana ba Nzambi bootsu ba gabisagagi musuni ye mengi,gidesu gi moshi kega Yesa ga gabisaga ye baa,gu tsuga mu lufwaa,ge manisa ngolu dji wuna wu gadi ye giyega ye londi di lufwaa,gu zodi yagula mbi sadana. ¹⁵ Mootsu ma hangamani buna,mu gu gangula mushinga mu giguma gi lufwaa,ba ludagi bootsu mu ndjila di giyega. ¹⁶ Bwoona ye masonga mootsu loo mbi batumwaa gasadisagi;mbi loo mugangu wu Abalayamu ga sadisagi. ¹⁷ Mu gi guma giana gu gadi fwunu ngolu gwedi ndi mu guma nga ba pangi mu pila yiootsu gu tsuga mu guma fwumu mu neeni wu masonga ye wu vadi masumu ma baadu bootsu mu mahanga ma Nzambi,mu bwoona mu gumisa sekele mu masumu maa mugangu. ¹⁸ Mudiambu Yesu tegu bu ga nioogugi ye bu gamengami,gedi wu na wu fani mu gusadisa bana ba bamega.