¹ Mu mbala yega Nzambi ga yagulagi gwedi ba mbuda ba pidu ba tegu,gwedi ba nimbi dji ndotshi mbala dji vula ye mupila dji vula. ² Haa mugilumbu gi tsuga,ga duledi mu ndjila yi mwaana wu moshi wu bagala wuna wu gadi mweeni bima biootsu.mudiambu ye ndi kega Nzambi ga hangi gifudi giootsu. ³ Ye wuna,wedi nga wu hanaga pimbu yi lugumulwandi nga gilabi giandi mu gimuudu ye wu gamaga mambi mootsu mu ndaga yandi yi ngolu,wuna wu hangi ndolula wu masuna ye wuna wu gadi ye googu di daada ye gidi gi gifumu gingolu gi Edi. ⁴ wuna wu gumi ye gifwumu gi guluda ba tumwa bwoona gifwumu gi ngolu gu luda madjina ma baa. ⁵ Mu bwoona gwedi ba tumwa ba Nzambi loo ga sadi ba lela shi wu moshi mbi:ndji wedi mwaana wami lelu yi gumi Dada gu?Mu bwoona kega:yi gala kega gwedi ndi Dada ndi,ye ndi ga gala mwaana wami?^^ ⁶ Haa mu dangu Nzambi di ga nedi mwaana wandi wu tegu mu gifudi ga yagudi:^^ba tumwa bootsu ba Nzambi ba fani gu guhega lugumu. ⁷ Mu gu dadila ba wandjio,ga yagudi:bina biedi mu kadi ka bawandjio biedi muhunga wu gedila,haa gwedi ba sadi bandi gwedi lu lumi lumbaa. ⁸ Haa mu giguma gi mwaana,ga yagudi:gidi giagu gifumu,Nzambi,giedi gi bulumbu biootsu.Pu yi gifwumu giagu gi masonga. ⁹ Ndji wu zodi masonga wu duni mambi.Bwoona Nzambi wedi Nzambi woogu wu gu gwidji matshi ma lugumu gu guluda bana ba wu galaga baa. ¹⁰ Mu luyandigu,Fwumu,ga yandigi gu hanga manu.Yilu ye bima biega biootsu gu mioogu miandi. ¹¹ Bu bigala haa ndji loo wedi ye tsuga.Bu binuna nga miledi. ¹² Wu bibuga nga gazagu,ye bi bula sobagana nga miledi.Haa ndji wedi gidesu gi moshi ye mvula djiagu loo dji sala hwaa. ¹³ Haa gwedi ba tumwaa ba Nzambi loo shi mbala yi moshi yi gasadi yagula mbi:gala shi gu gwoogu diami di gidada tii gu yigumisa ba mbeni bagu gu biganzu biagu? ¹⁴ Ba tumwa bootsu loo bedi mihunga mi fani sadisa ye mi fani dumuga mu gusenda bukedi mi bana ba fani senda lugumu gu yilu?