¹ Mu kulaba, nia mweni wandji wa kulumukanga ku wulu ni tsabi wa buku ni muyololu wujima ku kokhu diendji: ² Wa kwatidi Satana, niokha mukulu wenda kutambika Satana, a musha mu boloku kanunu kamoshi kajimvula. ³ A mu kongidi mu buku, a kangidi a kwetisa asha kibundu ha wulu dioki, kikuma aleki epi kuhana makanda tiikoku kwa kahwila mvula kanunu. Ku manima a mutusula mu tangwa ditshotu. ⁴ Ku manima, namweni yitshi ya kifumu. Awa akhedi ayi shikama awa anonini kiyeka kia kuzenga. Nia kewudidi epi mioyi ya awa ajiyidiowu kikuma kia kithemu kia Yesu ni ndaka ya Nzambi. A sambilangoku mbiji ata kifwani kiendji, alekidi mu kunona kidimbu ha mbunzu yowu wivwa lo ha kokhu diowu. A jingidi epi, a yala ni khidishitu kanunu kajimvula. ⁵ A mvumbu asala atokiminiku epi tii koku kanunu ka jimvula ka hitidi. Yidi kufutumuka kwa thethi!. ⁶ Athu awa osu anona lufutumuku lwa thethi edi ni kieshi, edi epi asantu; lufwa lwa kiadi lushiku ni kiyeka ha wulu diowu kashi a ka khala a nganga Nzambi a Nzambi ni a khidishitu, a ka yala mudi a thothila ni mweni ji mvula kanunu. ⁷ Mvula kanunu ki ja kahwa, Satana a mu widisa muboloku diendji. ⁸ Wa kwenda mu tu khokha tuwana twa mavu mu kuhukumuna athu, Gog ni Magog mu ku wa wongika ku njita. A ka khala engi hitila masekinina ma mu meya. ⁹ Eni anini ha wulu dia mavu, ajetidi makhedi kujingila asantu, vidi dia zodiwidi hengi. Kashi thuya twa katukidi ku wulu twa woshia. ¹⁰ Satana wa wa hunini, a mukongidi ku jiku dia thuya diakhedi ni mbombi, kwa mbiji ni mbikudi wa wukhubidi. Kwenokuna a kabula kumona pashi pimpa ni mwania konda tsuka. ¹¹ Kumanima nia mweni kitshi kijima kia kifumu kitoka, nia mweni epi oyu wakhedi wa kishikama. Mavu ni wulu ma tshinini kwalaha, kashi akhidiku ni homa ambidi kwenda. ¹² Nia mweni a mvumbi, amambuta ni alengi akhedi amakana kumesu ma kitshi kia kifumu, ni mikanda yakhedi ya kukangula. Kumanima, a kangudidi mukanda wekha, wakhedi mukanda wa moyi. Amvumbi akhedi kwa wa zengila mu pila ya mabu makhedi ku mukanda, mu mambu mowu moshu makhedi kuhang ¹³ Meya majima ma wudishidi amvumbi afididi mu meya. Lufwa ni athu amvumbi oshu eni oshu a wudikidi, awa sambishidi koshu muthu mu kutadila yisalu ya hanganga. ¹⁴ Lufwa ni amvumbi oshu awa kongidi ha jiku dia thuya. Olu ludi lufwa lwa kiadi, lwa kakhala mu kijiba kia thuya tudi kulemanga. ¹⁵ Oyu wakondidi kukhala ni jina ku mukanda wa moyi, a mu kongidi ha jiku dia thuya.