¹ Kikanda kya Yesu Khidishitu, mwana wa Davidi ni mwana wa Abalahami. ² Abalahami wateteidi Yizaki, Yizaki watetidi Yakobi, Yakobi watetidi Yuda ni a pangi jienji. ³ Yuda watetidi ni Thamala; Falezi ni Zala, Falezi watetidi Esilomi, Esilomi watetidi Alami; ⁴ Arami wakhedi tata ya Aminadabi. Aminadabi tata ya Nasoni, Nasoni tata ya Salmon. ⁵ Salmon ni Lahabi eni abutidi Bozi. Bozi tata ya Obedi. Mama wa obedi Aluti. Obedi tata ya Yese. ⁶ Yese tata wa fumu Davidi, Davidi tata ya Salomon, wa mubutidi ni mukajia Wulia. ⁷ Salomon wakhedi tata ya Lobohami. Lobohami tata ya Abiya, Abiya tata ya Asa. ⁸ Asa tata ya Yozafati, Yozafati wakhedi tata ya Yolami, Yolami wakhedi khakha ya Oziasi. ⁹ Oziasi tata ya Yoatami. Yoatami tata ya Akaji, Akazi tata wa Hezekiashi, Hezekiashi ¹⁰ wakhedi tata ya Manase, Manase tata ya Amoni, Amoni tata ya Yoziashi. ¹¹ Yoziashi wakhedi tata ya Yekoniashi ni a pangi jienji, mu tangwa diendidi mu kihika ku Babiloni. 2Kiakatukidi mu kihika ku Babiloni, Yekoniashi wakhedi tata ya Salatieli, Salatieli khakha ya Zolobabedi, 3Zolobabedi tata ya Abiwudi, Abiwudi tata ya Eliyakimi, Eliakimi tata ya Azodi. 4Azodi wakhedi tata ya Sadoki, Sadoki tata ya Akimi, Akimi tata ya Eliwudi. ¹⁵ Eliwudi wakhedi tata wa Eleyadi. Eleyadi tata ya Matani, Matani tata ya Yakobi. ¹⁶ Yakobi wakhedi tata ya Yosefi mulumi a Madiya, oyuna wa butidi Yesu, wa tambikanga Khidishitu. ¹⁷ Thalu ya makanda yanjika Abalahami ti Davidi yakhedi makumi mawana, Yanjika Dividi tii tangwa diendidi mu kihika ku Babiloni yakhedi makumi mawana, katuka tangwa mwenedina tii koku kwejidi kutetuka khidishitu, makanda makhedi makumi mawana. ¹⁸ Kutetuka kwa Yesu kwakhedi eki: Mama enji, Madiya, kyakhedi ni kilaji kya wala kudi Yosefi, wejidi kwibukila wekhina kumila myadi mu ngolu ja Phevi ya Longu, konda kadi kujinga owumbadi nzu yimoshi. ¹⁹ Yosefi, mulumi enji , wakhedi muthu wa mutshima wa phimbu, kazodidiku ku mumwesa soni ku mesu ma athu. Kyenikyoki wa kanini kujiya wala mu kitsweki. ²⁰ Kyakhedi kubanza mambu menamana, wanjo mumoshi wa Fumu Nzambi wejidi kumwekana ku ndoji, wa muleza etsi: " Yozefi, mwana wa Davidi, wivoku woma mu kukwela Madiya, kikuma mwana wudi mu vumu dyenji wa katukila kudi Phevi ya Vedila. ²¹ Wakabuta mwana mumoshi wa yala, nwaka muhwa jina Yesu, kikuma mweni wa kahulusa athu jenji mu kubola kwowu. ²² Mambu menamana mabwidi mu kulungisa mambu ma lejidi Fumu kudi mbikudi etsi, ²³ "Ndumbu wakonda kadi kwijika yala, wakemita vumu , wa kateta mwana wa yala. Aka muhwa jina Manwela ,disongidila etshi: "Nzambi wudi ni etu." ²⁴ Kyela Yozefi watokama ku tulu, wahangidi kyoki kya mulejidi Wanjo wa Fumu. Wa munonini mudi mukaji enji. ²⁵ Kashi kamwijidiku mwila tii khoku kwa tetidi mwana wa yala. Wa muhwedi jina Yesu.