¹ Longi wenu hahika eyi ya lunga ni ya masonga nwijiya etshi nudi ni fumu wudi ku wulu. ² Khalenu ngolu mu yisambu khalenu nwa tikama mu yisambu ni muku vutula matondu. ³ Sambi langenu mu kimvuka kikuma kietetu Nzambi atu kangudidi ndjila mu kwiza kulonga ndaka ni kwakudilanga kitsweki kia Yesu kikuma kia ndaka yeneji midi mu moyololu. ⁴ Sambilenu ni khadi ngolu jia kulonga. ⁵ Zingenu ni mayela mu katshi ka athu ha hanji et nubidisoku tangu. ⁶ Leka ndaka jienu zikhadi kaka jia waha mudi jioji jiatwa mungwa kikuma nwijiki kuhana mvutu ya pimbu kudi kosu muthu. ⁷ Kikuma kia mambu mosu mangu tadila Fychiaue wa kanwijikisa namu wudi pangi wa luzolu kisadi kia mboti muhika mudi ami mu Yesu. ⁸ Nia mu tumini kudi enu kikuma numoni thsangu ziku nuhwa kikesa. ⁹ Niamu tumini ni Onesime wa mboti ni pangi wa luzolu wudi mumoshi mu katshi kenenu akanuleza mosu mahitidi enaha. ¹⁰ Ndoyi emi wa boloku Eristarque wa kuhwa mboti mudi Marc kisoni kia Barnabas owu wa muhwedi malongi metu keza kudi enu munoni. ¹¹ Ni Yesu wenda kutambika Justus edi lamu a Yuda abatu enda kuhanga ni mai kikuma kia kifumu kia Nzambi akhedi fhunu yingi kudi ami. ¹² Epaphras wanuhwa mboti wudi mumoshi mu katshi ka ha yika jia Yesu Khidishitu wenda kumunwanina mu yisambu kikuma nu khadi ngolu nushi mutshima kudi Nzambi. ¹³ Kikuma nienda niata kimbangi kienji etshi wenda kukala ngolu kikuma kienenu Enice Laodicee ni ena Hierapolis. ¹⁴ Luka munganga wuna zola hengi ni Demas ahuhwa mboti. ¹⁵ Wenu apangi edi ku Laodice mboti ni Nymphas ni dibundu didi munzu yenji. ¹⁶ Mukanda kiaka wutanga mukatshi ka enu utangisenu epi mu dibundu dia Laodice tangenu epi mukanda wakatuka ku Laodice. ¹⁷ Leza Archippe akedi kisalu kianonini kwa fumu kikuma ukihangi mboti. ¹⁸ Mboti eyi nia yisonika ni koku diami mweni Polu bambukenu miyololu yemi leka mamboti makhedi nienu.