¹ Ivwa etshi Nzambi wa nu tokiminishi Yesu hengenu yima ya kuwulu kudi Yesu wa shikama ku kokhu dia kitata dia Nzambi. ² Banzangenu yima yidi kuwulu kesuku ya hashi. ³ Kikuma enu nudi nwafwa moyi wenu wa swekiwa ni Yesu kudi Nzambi. ⁴ Kiakela Yesu moyi wenu waka mwekhana enu epi nwaka mwekhana ni mweni mu katshi ka lukumulwenji. ⁵ Jiyenu yisalu yosu yidi hashi yizumba kukonda kilongu zola dia wiji mabanza ma bola wiji ni kusamba yiteki. ⁶ Yima yeneyi yosu yenda kukoka khabu ja Nzambi kudi ana akonda kulemvuka. ⁷ Mu yima yeneyina mu nwa jingilanga theti momu. ⁸ Kashi kikimweni nufeti kuleka yima yeneyina yosu khabu nganji mabanza ma bola matuka ni ndaka jia konda fhunu jienda kuhudika mu makanu menu. ⁹ Nu hunanganangoku kikuma nwa katuka khadi mu mambu menamana. ¹⁰ Enu nwekhina athu akatataka nu enda kujingila mu ngangu jia Nzambi wa nu hangidi. ¹¹ Kieni kioki kushiku ni Grec ni muyida ni ngulungu ni owu wa wukiya ni muthu wa pamba pamba ni Sythe ni muhika ni fumu kashi Yesu wudi mu mosu menamana. ¹² Vwatenu mudi kinwa sodiwa kudi Nzambi enu nwa vedila ni azola pashi ja khenda jia mamboti jia kudikulumusa ni jia kukasa mutshima. ¹³ Nonanganenu kilo ananganenu lukumu ivwa nuthu wenda mona mukohu kubola amu loludidi mudi kianu loludidi fumu. ¹⁴ Ha wulu ya yima yosu khalenu ni luzolu oluna lwa hitangana. ¹⁵ Leka ngemba ya Yesu yi yadi mitshima yenu mu katshi ka ngemba yeneyina anu sola nwikhini muthu mu moshi nufeti kwijika kuhana matondu. ¹⁶ Leka ndaka ya Nzambi yingi mu katshi kenenu ni kmvwama kiosu mu mayela mosu longanganenu hananganenu kikesa mu mikhunga mia kipevi yimbilenu Nzambi mimbu mu mitshima yenu yosu. ¹⁷ Mu mambu mosu ma nuku hanga mu kwakula ivwa lo mu yisalu ma hangangenu mu zina dia fumu Yesu. ¹⁸ Akhetu lemvukenu kudi alumi jenu mu pila ya lunga. ¹⁹ Amala zolenu akaji jenu nu khaloku khadi kudi eni. ²⁰ Ana lemvukenu kudi ibuti yenu mu mambu mosu kikuma kia kuhwa fumu Nzambi kieshi. ²¹ Atata nuhangoku ana kubola muku leka kuwakatula kikesa. ²² Ahika lemvukenu kudi afumu jenu mu mambu mosu keshiku kaka tangwa dia kunu talanga kashi mu mitshima yenu ya pimbu evenu Nzambi woma. ²³ Mu mambu mosu na nuku hanganga ma hangangenu mu moyi wenu wosu kikuma kia fumu keshiku kikuma kia athu. ²⁴ Nwejiya ethi nwenda nwa nona kudi fumu kimvwama mudi lufutu kikuma nwenda hangila fumu Khidishitu. ²⁵ Muthu mwosu uku lekanga kuhangil masonga waka nona ndola ya kukonda kwenji kwa masonga kwaka khaloku diswaswanu.