¹ "N'sonikina wanzio wu nzo nzambi yi Saladi: Tala mahoya ma wu simba pheve tsambwadi zi nzambi ye ba mbwetete tsambwadi." Ngiebe bisalu bi ngeyi, Wenda tsangu ne wene mu luzingu mana wune wu fwa. ² Vumbuka ye sala ne bina bisele wu bi heka ngolo bina biene mu kufwa, mu diambu bisalu bi ngeyi ku thwala nzambi ngweneko bio bi kuka. ³ Mu bwana, yibuka mambu ma wu yambi phe wu widi. Tosa mambu mana ye soba bikalulu. Mana ne sadiku keba, yi kwisa neti mwifi ye zayoko mu khi tangu yi kuyisila. ⁴ Mana he ye mwa ndambu mazina ma batu ku Saladi ba bakumisiku milele mibawu mvindu. Ba kangala ye mene, ye milele mi kaseme ku lutu, mudiambu ba fwene mu ku mivwata. ⁵ Wuna nunga ka vwata mulele mi kaseme, yi saaloko ku vwanza zina di yandi mu n'kanda luzingu, yi hoyila zina di yandi ha thwala tata ye ha thwala ba wanzio. ⁶ Wuna wene ye matu kawa ma zi hoyi pheve ku zi nzo nzambi. ⁷ Ba sonika kwe wanzio di nzonzambi filadelfi: Tala zi ndinga zi wu nkonda disumu ye wu masonga. Yandi usimba tsabi zi Dawidi. Kangula ye kweku mutu kasa, na kakasa ye kweku ye mutu kangula. ⁸ Nzeye bisalu bi ngeyi; tala, tsidi atwala ngeyi kielu kikungala kweku ye mutu kasa kio. Nzeye na weku ye ngolo zingi, mana lemfuki mu ndinga mene ye bushiku zina di mene? ⁹ Tala, bana bene ba Sinagoge di satana, beka hoya na bene ba Juifs, mana beku ba juifs, kinga lo beka huna. Yi sala na bisa fukama n'malu ma ngeyi ye ba zaya na yiku zolaka. ¹⁰ Mudiambu usweka mitsiku miama, mene phe yiku tanina ha bwa mambu ma tsi yayi mudiambu disongisa amesu ma batu bakulu. ¹¹ Kiana lo, yeka kwisa, kasa mbundu, nsuka na kete mutu mosi kamonga kimfumu kiaku. ¹² Yi sala sambu di wununga kisinza ki nzo Pmfumu Nzambi ye kafweneko ka lubuka. Yi sonika kwe yandi zina di Nzambi mene, zina di hata di Nzambi mene, (yeruzalemi di pha dikatuka kuzulu), ye zina di mene de pha. ¹³ Mana wuna wena ye matu kawa maka hoyi mpeve yi hoyika ku nzonzambi. ¹⁴ Bu ba sonika wanzion di nzo nzambide Laodice: tala ma ka hoyaka kutambusa, ngenzi wu mbodi ye kakwaminaka, wuna wene n'zulu bima biakulu kasala Nzambi. ¹⁵ Nzeye bisalu bi ngeyi, weku mbawu ye weku phe kioshi. Nzodi na ukala mbawu nalo kioshi! ¹⁶ Mana mudiambu wena ha kati-kati, kweku kioshi ye kweku mbawu, yeka zola yi kuluka n'nwa mene. ¹⁷ Mudiambu hoyaka:"Ye mvwama, yena ye bima bingi phe yeku ye n'funu kima." Mana weka zayako na wena nkati ka nsukami, mutu phamba, weku keti kima, kifwa meso ye kinkonga. ¹⁸ Wa ndongisala mene: tsumbila wolo di dilubukaka ku mbawu, mudiambu ukuma mvwama ye milele mika seme mimpila na wudi vwatisa ye songidiku tsoni usweka kinkonga ki ngeyi. Sumba matalantumbu usha ku meso mumpila na umona. ¹⁹ Yeka songisa ye yeka longa ku ba izolaka, mphila ba fwete zingila. Kala ye masonga ye yidika mbundw'aku. ²⁰ Tala yena atwala mwelu ye yeka bula. Wuna wa ndinga mene ye kakungula, yikota n'nzwandi, yi dia ye yandi ye mene. ²¹ Ku wuna nunga, yihana n'tsiku wukuzakala ye mene ha kizika ki mene ki kimfumu buna yi zingi ye izakala ye tata mene muki pmfumu kiandi. ²² Kwe wuna we yi matu kawa mana ka hoyaka mpeve mu zi nzonzambi.