¹ N'sonikina wanzio wu nzo nzambi yi Efeze: "Tala bu ka hoyi wuna wene ye ba mbwetete ba tanu hana koko diandi di kitata. Wuna kangalaka ha kati-kati di bima bi wolo bi basia ba buzi ka hoyi bwabu: ² "Ngiebe ma weeka sala, kisalu kiaku ki ngolo ye ku zisa diaku di mbundu mu ku hingila. Ngiebe ne kukaaku ku kala ki nkundi ye batu ba basala mambi. Ngiebe ne ba meki ba ba diheka mazina ma ba ntumwa, mana beeko ba ntumwa mu masonga, ye ba mwene bene bingumba. ³ Ngiebe ne zisi phenza mbundu ye mwene phasi ziingi kikuma ki zina di mene ye seleko ko zeba. ⁴ Mana, tala mana yi zolaku kati di ngeyi: Sundudi (losi) zola di ngeyi di ntete. ⁵ Yindula mboti nki kizika wu bwiidi. Soba phe sala buna wu sadiki mu luyandiku. Ne sobiku yi kwisa katula kima kina tuludila buzi ha kizika kiandi. ⁶ Muku tala mboti, Yi yubukaka kima ki bukhete kiene mu kati di ngeyi: Zolaku mana ba sala batu ba binzambi nzambi ba Nicolayiti, ma yikonda zola mene phe. ⁷ Wuna wene ye matu ka wa ma zi hoyi pheve ku zi nzo nzambi. Kwe wune nunga, yi n'heka n'swa wu ku dia n'ti wu luzinga wu wene ku paladisu Nzambi. ⁸ N'sonikina wanzio wu nzo nzambi yi Simidine: Tala ma ka hoyi wu wene wu ntete ti wu tsuka, wuna wu fidi ye futumuki. ⁹ Ngiebe phasi zi ngeyi ye bu phutu bu ngeyi (mana wene mvwama); Ngiebe kubangika ku bana ba ditela ba yuda, mana bee bwoko, mana bene nzo bisambu bi satana. ¹⁰ Wiku boma bu phasi zi zeka ku hingila. Tala, Diabulu keka yilama ka ba losa bahika ha kati di beno mu boloko muku sia ne lu mona phasi mu bilumbu kumi. Lu kala ba kwikala ye kuna tsuka lufwa Phe mene yi lu heka phu n'khembo yi luzingu. ¹¹ Woso wuna wene ye matu kawa mana yi hoyi pheve nzambi ku zi nzo nzambi. Wuna nunga ka monoko phasi zi lufwa lu mbala yi zoole. ¹² Sonika ku wanzio wu nzo nzambi yi Peligami: ''Tala ma ka hoyi wuna simbi mbele phoko : ¹³ "Ngiebe hana zingilaka. Hakana hene kiti ki kipfumu ki satana. Mana, wu tanina ye mbundu mosi zina diama, Ye ngiebe wu tunoko lukwilu lwaku mu zina di mene, Kete mu bilumbu bi Antipasi mbangi mene, n'landidi wama ba honda ha kati di kibuka ki beno; kizika ka zingila satana. ¹⁴ Mana, yene ye mwa bima yi ku kebisa: Wene ye batu ha kati di beno ba bakwilaka ki maakulu mitsiku mi balami, Wuna wu longa ku balaka ku thwala bana ba Yisalayele ku ba huna, mu kusia ne badia mbisi yi ba tambika ku biteke ye ba di hana muku sala ki ndumba. ¹⁵ Phila mosi, hene ye batu ha kati di beno ba kwikilaka kimakulu ku bi nzambi nzambi (ba Nikolayiti). ¹⁶ Balula mbundu! Na lowu yi kwisa yi nangoko phe yi kwisa (nwana) sala kembi ye bawu ti mbele phoko yi lubuka mu n'nwa'ma. ¹⁷ Woso wuna wene ye matu kawa mana yeka hoya pheve nzambi ku zi nzo nzambi. Kwe wuna nunga, yi hana madia mazulu ma swama ya tadi di kaseme, dina diene di kusonika zina ha ntandu, ye dina di zayana (zina) kwe wuna monga dio. ¹⁸ Sonika kwe wanzio wu Tiyatidi: "Tala zi ndinga zi mwana nzambi, wu wene meso yaba ne kizanga(n'lemu) mba ye bitambi yaba ne kibende ki bolonze ki kingelekana ye ki ku lengula: ¹⁹ "Ngiebe bisalu biaku bi bu khete, zola diaku, lu kwikilu lwaku, kisalu ye zisi diaku di mbundu. Ngiebe ne bisalu biaka bi bu thwene bi hioki bi bithete. ²⁰ Mu tangu diadina, bima bi mbi mbwene kwe ngeyi biee biabi: Weka hiokisa to hana nzila mu mambu ma mwana n'kheto Yezabela wu weka di mona bwoso mbikudi. Mu malongi mandi, Keka ba huna ba tsadi ba mene ye keka ba natisa mu luzingu lu mbi ye kusala kindumba phe kudia ma dia ba hana ku biteke. ²¹ Yi n'hele tangu samu ka balula mbundu mana keka songilako kete luzolo lu kusoba luzingu lwandi lu mbi ye kindumba. ²² Tala, yi n'losa ha thangi kiukhasi(Malaadi) ye bana ba salaka kindumba ye yandi, yi ba kotisa mu phasi zi ngolo, kibinda ne ba balula mbundu mu mambu ma basalaka. ²³ Yi ba honda bana baandi, Ye zi nzo nzambi zaakulu zizaya ne yene wuna tesaa zi ngindu ye mbundu. Yi n'futa mutu ye mutu mi kiteso ki bisalu biandi. ²⁴ Mana mu ba ba sele ku Tiyatidi, ku batu bakulu ba bayambiku malongi mama, ye ba bayeboko buna ba tele batu ba hika mambu mangolo ma satana, kwe beno yeka hoya: "Yi lu zitikidiku kete kizitu ki mosi;" ²⁵ mu dioso diambu dina di bwa, lu zisa mbundu ye hana yi kwisa. ²⁶ Kwe wuna nunga ye wuna sala mana yi sala ye kuna tsuka, yi hana ki pfumu ha thandu zi tsi zaakulu. ²⁷ Ka ba yala ye n'swani wu budilu, ka ba bwotikisa yaba ne n'londo. ²⁸ Bwoso ngiembe kwe tata'ama, yi lu heka phe bwabuna mbwetete wu kibungi. ²⁹ Wuna wene ye matu kawa mana yeka hoya pheve ku zi nzo nzambi.