¹ Buntwene yimwene zulu dipa ye ntoto wu pa, samu zulu dintama ye ntoto wu ntama bilaala, pe nzadi mungu yikalako dihika. ² Yimwene mavula masantu, Yeluzalemi dipa, dieke kulumuka katuka kuna zulu dinzambi ditsisiki yaba ne nketu wuna weke kwela ye kudikumisa samu dinuniandi. ³ Mana ngwidi ndinga yituki ku kiti ki kimfumu ye yihoyi," Tala tenta dinzambi diene ye batu, kazinga ye bawu , pe yandiene Nzambi kazinga ye bawu. ⁴ Pe kanikuna matsanga ku meso ma bawu, lufwa lukaloko dihika, kiadi, bidilu, pasi zikaloko dihika. Mambu mantama ma ladi. ⁵ Maana mutu wuna zaakadi hana kiti ki kimfumu hoyi ne," Tala yisala bima biakulu bipa", hoyi dihika ne, "Sonika, samu maambu mama lene makukwikama pe ma masonga. ⁶ Pe nkambi dihika ne malungidi! Yene Alfa Omega, luyandiku ye nsuka. Konso mutu wuna wa kihuini, yin'heka mamba ma nto luzingu. ⁷ wuna nuunga, yandi vwa bio, mene yikala tatandi, yandi pe kakala mwana mene. ⁸ Kasi batu babakonda lukwikilu, bingumba, batu ba bisalu bimbi bakonda luzitu, ba mambongi,basambidi biteke, palasi bawu yikala mu yanga didiholaku mbawu.lukala kufwa kuzola mudiambu di bawu. ⁹ Wanzio mosi hakati di bawnzio nsambwadi, wuna wukala ya mbungu zikubasa, wisi kankambaka ne,Zoosa yikusongila n'ketu wuna weke kwela, nketu wu mwana dimeme." ¹⁰ Pe mu ngolo zi mpeve, kandata ku mongo mosi wu kaleyi kaleyi, mene tsongidi Yeluzalemi, dieke kulumuka ku zulu di Nzambi. ¹¹ Dikala ngelakanaka yabana tadi dimosi dintalu yingi difwana mungu ha nsenga zi mamba.yabana tadi di yaspe. ¹² Hakala ye lupangu lumbuta mbuta , lukala ye bielo kumi ye biole, bawanzio kumi ye bole, pe muna biemo biene basonika mazina ma makanda kumi ye bole ma bana ba Yizalayele. ¹³ Bielo bitatu bitala kutseke, bielo bitatu ku nselu londi, bielo bitatu ku pindi, bitatu pe ku kobila