¹ Kunima mbwene wanzio wukulumuki ku zulu ye mavungula ma dibulu di tsi mafu ye nzengele zimbuta mbuta hana moko mandi. ² Nkwete mbisi wu luka mbawu, nioka nkulu wututelaka Satana ye n'kotisi mu boloko kizinga ki mvula funda dimosi. ³ N'losi mu kalunga, yangidi pe kasi ye budilu bu mbawu ha n'kalubudidi ha nsi n'toto, mukusia ne kakukiku dihika kahuna batu ba tsi n'toto ye kuna dihwila boloko di mvula funda dimosi. Ne hakana kahioka, kafweti n'tabula mwa ntangu yinkeke. ⁴ Mbwene dihika biti bi luyalu ,ban bazakadi ho basambisidi ho mambu bakala batu babaheka n'swa mu kusambisa batu. Mbwene dihikamioyo mi batu baba tapa mitwa kikuma kikuta kimbangi ki mfumu Yezu ye kikuma ki ndinga Nzambi, Bafukamanoko mbisi kete kifwanisu kiandi, pe babusi babasonika bidimbu bi mbisi ha mbunzu zibawu holo ha bikanzu bibawu, bakabuka mu luzingu pe bayala kumosi ye mfumu Yezu. ⁵ Bafwa bana basele mu bafutmukoko ti kuna zihioka mvula zaa funda dimosi. Kukala kufutumuka kuntete. ⁶ Basakumuka ye babakala basantu batu bana bamonga kabu mu lufutumuku ,luntete. Lufwa luzole lubasaloko kima kima batu babana, bakala banganga Nzambi ba Nzambi pe bayala bwoso bantotila ye yandi zaa mvula funda dimosi. ⁷ Mu tsuka mvula funda dimosi , ban'lubula Satana ku boloko. ⁸ Kakwenda mafula maa maya ma tsi n'toto mu kuhuna makanda mana mene mu mafula ma maya mukusia ne kabakutikisa mu kunwana kembi, bakala bingi ye tsenga zi mu nzadi mungu. ⁹ Batombuka ha ntandu n'toto pe bazunga dio hata di dizakala basantu, mavula matondama. Mana mbawu yikulumuka ku zulu ye ¹⁰ yibayoki. Kitsusu kikibahukumuniki bamongi ban'losi ha yanga di mbawu ho di mbombi hana ban'timbudi mbisi ye n'hoyi mambu mambi. Babamba mona pasi piba ye mwini mvula ye mvula. ¹¹ Mu kulandana, yimwene kiti kimbuta mbuta ki luyalu ki kaseme pe yimwene wuna wukala zakadi ho tsi n'toto ye zulu zi tsi kiana ye yandi mana ha kaloko huma hana bafwene ¹² benda. Yimwene batu babafwa, bambuta ye baleke batelema kumesu ma kiti ki luyalu ye mikanda mikala mikukangula, nkanda moya, batu babafwa babasambisiki mu mambu mana makala mu nkanda, mvutu yi mana basala. ¹³ Nzadi mungu yi batini bankumbi ye bana bafwa mwo, lufwa ye tsi bafwa babatini pe bana bakala bawu ye bamvumbi babasambisi mutu ye mutu mu pila mana wusala. ¹⁴ Lufwa ye tsi bafwa bilosami pe ha yanga dimbawu, lwalu lwene lufwa lu mbala yizole. ¹⁵ Woso wuna konda mona zina diandi mu kati di n'kanda moya bamongi ban'losi mu kati di yanga dimbawu.