¹ Kunima bima biabi, Yezu kaye kangadi mu nsi Gallile,mudiambu kazodiku kwenda ku nsi ba Yuda bakala kwe ndingi ban'honda. ² Buntwene ntangu yi feti di ba jwifi ye ba tabena yikala bele bele. ³ Hakana bapangi bandi bankamba ne:"Katuka wenda mu nsi Yude, mukusia na balonguki baku bamona pe mana salaka. ⁴ Heku mutu wuna salaka mambu mu kinsweki ho yandiene zodi kazayana, ho weke sala bio, sala pe nsi yakulu bakuzaya. ⁵ Samu ata biwutu biandi, bakaloko n"kwikila. ⁶ Yezu kabakambakana,"Ntangu mene yifwanieku, kasi yibeno yikala kaka yifwana. ⁷ Nsi ntoto benu yilulosoko, kasi yimenga mene mudiambu yikwe hoyidi mambi ma nsi yene.. ⁸ Beno, lumata lwenda ku feti , mene yikwwendoko mudiambu ntangu mene yifwanieku". ⁹ Buna kabakambi bwabuna, yandi kamongi sele kuna Gallilea. ¹⁰ Ha kamwene bapangi bandi bele ku feti, yandi pe kalandi mu kinsweki. ¹¹ Ba jwifi bakala kwe ndingi, bahiulaka na "kwe kene?" ¹² Bakala dindama bwingi bawu ye bawu,kikuma kiyandi,Bahika bahoyaka na mutu kitoko, bahika na "kakwe kabisi ¹³ batu" Kasi baakulu bakala kwe hoyi mu kuswama bakala ye boma bu ba jwifi. ¹⁴ Hakatikati di feti , Yezu kamongi mete mu Nzonzambi, yandiki kulonga. ¹⁵ Ba jwifi bayandiki kuyituka bayandiki kwe dihoyidi na, "Bwe mutu wanduwu wuzaya bwingi?, mana kalongukoko" ¹⁶ Yezu kabakabambaka na," Malongi mamene meku ma mene , mene ma wuna wu ntuma. ¹⁷ Ho mutu zodi kasala luzolo lwandi, kazaya malongi mama, ho katuki kwe Nzambi, holo yeke hoyila menene. ¹⁸ Wuna hoyila mu zina diyandiene, kadingaka lukulu lwandi, kasi wuna hoyila mu zina di wuna wun'tuma kene mutu wu masonga, keku ye kimvuni, kene mutu wu sungama. ¹⁹ Moyiza kaluhekoko minsiku? Mana ata mutu mosi kasimba woko, Nki lukwe dingidi luponda"? ²⁰ Batu bakabusi na "Wene ye kitsusu? Na weke dinga kakuhonda?" ²¹ Yezu kabakabusila na," Yisala bidimbu bintete, lweke yituka kikuma kibwabuna. ²² Moyiza kaluhele nkanda (¨keku wu Moyiza, wu bankaka bandi , mana kilumbu kilumingu lweke n'kotisa nkanda. ²³ Nki kikuma na benu lweke kotisa batu nkanda mu kilumbu ki lumingu kikalubusila Moyiza, lumona bwoko bumbi, kasi na mene yikodisa mutu kilumbu kiene, lumonga luwidi nkabu? ²⁴ Lusambisiku mubungumba, lusambisaka mu masonga." ²⁵ Batu bahika ba Yeluzalemi beke dihiula na," Keku yandi wubakwe dingi bahonda? ²⁶ Lutala kakwe hoyi ye masonga makulu mana bakwe n'kambiku ata diambu, bakwe zayi batu bene na yandi kene Kristu wukieleka? ²⁷ Kasi ntuzeye wandu kuna katuki, kasi Kristu hana kakwisa heku mutu wuna zaya kuna katuka." ²⁸ Kunima Yezu kabakambaka na,"Beno lunzeye mene kuna ntuki, yisoko menene, wun wu pitika kene, kene wu kieleka mana benu ²⁹ lun'zeyeko. Kasi menene yin'zeye mboti mboti mudiambu ntuki kwe yandi yifweti nzaya." ³⁰ Badingi ban'kwata ,kasi ata mosi kan'simboko mudiambu ntanguandi yikala yifwanieku. ³¹ Batu bingi babakala hakana bakwikidi pe bahoyaka na,hana kakwisa Kristu ,kasala mambu mahika kuhioka yandi? ³² Ba Mfwadizi ha bawidi batu beke kwe bokuti mu zina di Yezu, ye bamfumu baba ba nganga Nzambi, bamongi batumi basuta benda be n'kwata. ³³ Kunima Yezu kabakambaka ne," Yene ye benu mu mwa ntangu yinkeke, samu ntanguama yidinga fwana yikabuka ku yituka." ³⁴ Lundinga mana lumbonoko mudiambu lukukoko lukuma kwo." ³⁵ Ba jwifi bayandiki kudihiala bawene na," Kwe kakwenda kwakuna ntukonda zaya betu? kakwe landi ba Greki babama tina tina mukusia na kabalonga? ³⁶ Bahiula na," Nki kazodi kahoya ha kahoyine,"?undinga mana lumbonoko kuna yikwenda, lukukoko ,ukuma kwo?" ³⁷ Kunsuka, kilumbu kimbuta ki feti, Yezu telemi, kahoyaka ne,:" Wuna wene ye kihuini, kisa kwe mene kisa nwa." ³⁸ Wuna kwikila mu mene , mwe yandi mulubuka nzadi zi mamba makitoko kitoko ma luzingu." ³⁹ Kasi keke hoya makulu mana mu peve santu, wu bamonga bana bakwikila mwe yandi, mana kahanamieku samu Yezu ban'hondieku. ⁴⁰ Batu bahika babkala hakana ha bawidi mambu mana, bahoyaka na makieleka "Wanduwu Kristu". ⁴¹ Bahika bahoyaka na Kristu kafweti tuka ku Gallilea? ⁴² Masonama ma santu mahoyaku na Kristu kakwisa mu kikanda ki Davidi, ki Beteliyemi hata dikene Davidi?" ⁴³ Hakana bawu ye bawu bayandiki kudindama kikuma kiyandi. ⁴⁴ Bahika bazodi ban'kwata mana ata mutu mosi kan'simboko mu lutu. ⁴⁵ Kunima , basuta babatumi bakabuki kuntwala bamfumu baba, babahiulaka na nki lukondi naatina? ⁴⁶ Bamfumu bahoyaka na,"Heku mutu wuhoya bwo kele bwabuna kuntwala. ⁴⁷ Bamfwadisibakabusa na,"Be luhunaka?" ⁴⁸ Hene ye mfumu wuna kwikidi mwe yandi? ⁴⁹ Kasi fundu dibatu dina diakulu diene dikuloka, mudiambu dizeyeku n'siku." ⁵⁰ Nikotemi (mosi wu bamfwadisi wu teki mona kuntwala ,kabakambaka : ⁵¹ Nsiku betu kakwata mutu wuwene ne ban'sambisieku bawa nki kasadiki kuntwala kunkwata?" ⁵² Ban'kabusila ne,"Ngeyi wene mwisi Gallilea?Dinga pe hiula mona ne heku Polofeti tuka ku Gallilea." ⁵³ Phe konso mutu kabuki ku nzwandi.