¹ Yena n'ti malu ma vinu, ye tata mene kena n'ti vinu. ² Konso n'ti vinu wupha we kwe mene mana keka lubusoko bibundu, ka tabulayo; ye konso n'ti vinu wena ye bibundu, kayikaka, mudimabu kabuta diaka bibundu. ³ Tuka ntama luka mboti, mudiambu di ndinga Nzambi yilukembe. ⁴ Lufwila kukwe mene, ye mene phe yifwila kukwe benu. Na n'ti vinu ka fwenoko kulubula yandiene bibundu, na kakala ubatakana ye malu ma n'ti vinu, bwabuna lufweneko, na lweka fwila kwe yandi. ⁵ Yena malu ba n'ti vinu, lwena n'ti vinu. Wuna fwila kwe mene ye kwe yandi yifwila ka lubula bibundu bingi, mudiambu na lukonda mene lusaloko kima. ⁶ Na mutu mosi fwididiku kwe mene, ba n'losa kunzila, sambu n'ti vinu, kawumukaka, ye batonaka beshai ku mbawu, ye kazina. ⁷ Na lufwila kukwe mene, ye zindinga zi mene zifwila kukwe benu, lulomba makulu maluzodi, ye lumonga makulu. ⁸ Na lwena ye mabundu mingi, mubwabuna tata mene ka monga lukumu, ye lukala ba longoki ba mene. ⁹ Buna ka nzola tata, bwabuna phe yi luzodi. Lufwila ku zola di mene. ¹⁰ Na lusweka mitsiku mi mene, lufwila ku zola dimene, bwabuna phe yisweka mitsiku mi tata mene, ye yifwila kwama mu zola di yandi. ¹¹ Yi lukembe mambu ma, mukusia na kiesi ki mene ki kala kwe benu, ye kiesi ki benu kikala kimasonga. ¹² Hakaka n'tsiku mene: luzolana benu ye benu, buna yi luzola. ¹³ Kweku ye zola difwanani ye wuna hele luzingu lwandi sambu di ba kwenu. ¹⁴ Lwena ba kamaladi ba mene, na lweka sala ma yeke lulomba. ¹⁵ Yeku luteloko ba tsadi, mudiambu ba tsadi ba zeyeko makasalaka Mpfumu bawu; mana yilutedi ba kamaladi ba mene, mudiambu yilusongidi mambu makulu mayi yekula kwe tata mene. ¹⁶ Kweku benu lutsola, mana mene, yisodi, ye lusadidi, mu mpila na lwenda, ye lu monga mabundu, ye mabundu ma beno makala tii kuna tsuka, mudiambu mana lulomba kwe tata mu zina di mene, kalu heka. ¹⁷ Ma yeke lu lomba, luzolana benu ye benu. ¹⁸ Na tsi yayi yi luzodiku, luzaya na mene ba zodiku kutwala beno. ¹⁹ Na lukalani ba tsiyayi, tsi yayi izola mana mene kwe yandi; mana mudiambu lweku ba tsi yayi, ye yilu sodi mukati-kati du tsi yayi, sambu di bwabuna tsi yayi yiluzolaku. ^{22 20} Luyibuka konso tangu muzi ndinga zi yilukamba: tsadi kakalaku kuhioka Pmfumu. Na ba mponda mene, balu honda phe benu; na ba sweka ndinga mene, ba sweka yi ibenu. ²¹ Mana na basala mambu mana makulu sambu di zina di mene, mudiambu ba zeyeko wuna wuntuma mene. Na yisoko ye yi bakamboko, ku kakalaku ye masumu; mana tangu yayi ba hoko keti kima sambu ma masumu mabawu. ²³ Wuna weka ngianana, keka yanana phe tata mene. ²⁴ Na isaloko bidimbu binkumbwa ameso ma bawu sambu kweku ye mutu hika sala bwo, ku kakaloko ye masumu; kansi ntangu yayi ba mwene mo, ye ba ngiekudi ye mene ye tata mene. ²⁵ Kansi mana makulu makumi mudiambu ba wanikisa maba sonika mu mitsiku mibawu: ba ngianani unkonda kete kifu ki mosi. ²⁶ Ha kakwisa n'katudi kiadi, yilu hitika munzila tata, mpeve yi masonga, yi katuka kwe tata, ka samuna bu mbangi bu mene; ²⁷ ye beno phe, lusongisa bu mbangi, mudiambu lwena ye mene tuka luyandiku.