¹ Mbundu zenu zimoniku bulu, lukwikila muna mfumu Nzambi, lukwikila pe mwe menene ² pe. Mu nzo tata mene, bifulu bikunimba biene bingi , hakana yilukambi, ho keku bwabuna yinka lukamba bwoko, samu yikwe yidika kizika samu ³ dibenu. Ho yenda ye luyidikila bizika, yikwisa kabuka pe menene yiluyamba lukala hana yikala menen. ⁴ Luzeye nzila yiyeke kwenda. ⁵ Thomas kan'kamba Yezu na: "Mfumu ntuzeyeko ngeyi kuna weke kwenda, bwe ntuzayila nzila yene?. ⁶ Yezu kan'kabusilaka ne: "Mene yene nzila, masonga ye luzingu, heko mutu kwisa kwe tata na lene kambweneko. ⁷ Ho lunzaya mene, lunzeye pe tata mene, yandika buntwene ,lun'zeye pe lumona pe. ⁸ Fidipu kan'kambaka Yezu: "Mfumu ntusongila tata, ngatu bawbuna bukala bufwana mudiambu dibetu." ⁹ Yezu kan'hiulaka na, "Ntama yina yizakalaka ti benu,yikala ti benu, lunzayaku pe Fidipu? Wuna mwene mene , kamwene tata, bwe weke piula dihika na nsongila tata? ¹⁰ Lukwikilaku na mene yene mwe tata, tata pe kene mwe mene? Mambu makulu mayilukambaka matukaku kwe menene, matuka kwe tata wu wene mwe mene salaka mambu mandi. ¹¹ Lunkwikila, mene yene mwe tata, tata pe kene mwe mene, holo llunkwikila mu mambu ma yikwesadi ¹² Mu masonga yilukambi, wuna kwikila mu mene kasala mambu mayikwe sadi mene," kasala pe bingi kuhioka dihika buna yeke kwenda kwe tata. ¹³ Kioso kina lulomba mu zina dimene, yiluheka mukusia na kimfumu kitata kimonika. ¹⁴ Kioso kioso lulomba mu zina dimene yiluheka. ¹⁵ Ho 'lunzolaka, lukululoko mitsiku mimene. ¹⁶ Yilomb a ku tata , kaluheka nsadi wuhika wu bamba lusadisa ha kifulu kimene, kakala ye beno mvula ye mvula. ¹⁷ Mpeve wu masonga. Nsi ntoto kafweneko kayamba wo, samu kamona woko pe kazeye woko. Kasi benu n'luzeye mudiambu lukala wawu pe kene pe kabamba kala ye beno. ¹⁸ Yisa luyambudiloko benu buhika, yikwisa kabuka kwe benu. hasele bunke, batu bambonoko diaka, kasi beno lweke mbona. ¹⁹ Samu yeke zinga, benu pe lufweti zinga. ²⁰ Kilumbu kiene, luzaya na mene yene mwe tata, beno mwe mene, mene pe yene mwe benu . ²¹ Woso woso wuwene ye mitsiku mimene, keke zitisa mio, wuna kan'zolaka, wuna nzola mene ban'zola pe kwe tata mene, mene pe yin"zola pe yiditendula kwe yandi. ²² Yudasi,keku (Iscariot) kahoya kwe Yezu: "Mfumu nki kikuma disamuna kaka kwe betu, kwe batu bahika lo?" ²³ Yezu kambusidi na,"Wuna nzolaka kasimba ndinga mene,. Tatama pe kan'zola pe ntukwisa kwe yandi pe ntukala mwe yandi ye tatama. ²⁴ Wuna konda nzola, konda zitisa ndinga mene. Ndinga yiluwa yeku yi mene, yene yi tata wuwu n'tuma yisa ha nsi ntoto wandu. ²⁶ Yilukambi mambu mama buna yeke zinga yene hakati dibeno. ²⁵ Kamana ndembiki( Mpeve santu ,wu kahitika tata mu zina dimene) kalulonga mambu makulu , kaluyubula pe maakulu mayeke lukamba. ²⁷ Yilusidi ngemba, yiluhele ngemba. Yiluhele yoko bwoso yi batu ba nsi ntoto bahana. Mbundu zenu ziditungisiku pe lukadiku ye boma. ²⁸ Luwidi buna yilukambi: "Yele mana yikwisa lukabukila. Ho lun'zolaka, lufweti kala ye kiesi sambu yele kwe tata wu hioki mene. Buntwene yilukambi buna masalamieku mukusia na hana masalama lukwikila. ²⁹ Yihoyoko diaka ye benu mudiambu mfumu ntoto wandu kumi, mana keku ye ngolo kuntwala mene. Kasi mukusia nsi ntoto yizaya na yin'zola tatama, yisala ma kantuma . Lutelema ntukatuka haka ntwenda.