¹ Buntwene benu balwene balvwama, ludilaka pe lulombaka mudiambu di pasi zizekene lukwisila benu. ² Kimvwama skibenu kiene kivunda,pe Milele mi benu miene mikudia ku bapese. ³ Wolo ti mbongo zibenu zibwa mboko. Mboko yina yi temuna kuntwala benu. Yidia misuni mibenu yabana mbawu. Lunkoki kimmvwama kienu mudiambu di bilumbu binsuka. ⁴ Tala, mbongo zi ba n'sadi zi lukwata ku baba sala bilanga Pe kudila kubawu kutula ti kuna kwene mfumu wu ba mbwedi. ⁵ Luzingiki ha n'si n'toto ye kimvwama ti lulendo lwakulu, ludihene bwingi kuhioka kiteso. Lubasisisi mbundu zenu kilumbu ki ku bahonda. ⁶ Lubazengidi ndola yi lufwa( lubabedisi) pe luhondi batu ba masonga. Pila balukilamana lowa. ⁷ Lukala bakuyilama bapangi ti kuna kakwisa mfumu. Lutala n'sadi bilanga wuweke hingila bima bibikatuka mu mafu bikakuna. Kahingila ye kuna zibwa mvula zintete ti ye kuna zizi tsuka. ⁸ Benu pe luhingila, lukala bayilama lubongisa mbundu zenu samu kwisa ku mfumu kuseleku kiana. ⁹ Lubokutiku bapangi benu ye benu, mukusia ne balusambisiku. Lutala ,zusa kene ha ntwala kielo. ¹⁰ Bapangi bama, lumonga mbandu yi pasi ye kuhingila ku ba polofeti baba hoyiki mu zina di mfumu. ¹¹ hakana, ntusia mu ndonga bana bana bene ye kukola ku mbundu ba bene basambuka. Luwidi pasi zina kamwene Job pe luzeye kuyidika ku Nzambi bwe kene ye lutondo ye kuzola kwakulu ye kiadi kiandi. ¹² Bwabuna bapangi bama, lulabiku mu zina di zulu, holo mu mafu,holo kwa kulaba kwene. Hakana vudiee di ngeyi dikala vudiee, kubusa ku ngeyi pe kukala kubusa "lo", buna lubwoko mun'tambu ba zusa. ¹³ Ho hene ye mutu hakati di benu wene ye mambu meke n'tungisa?. Kasambila. Hene ye mutu wuna wene mu kiesI? Kan'kumisa Nzambi mu n'kembo. ¹⁴ Mosi wu benu kene wu bela? Katela bambuta ba dibundu basambila mudiambu di yandi. Bampakula mafuta masantu mu zina di mfumu. ¹⁵ Kiambu ki lukwikilu kikodisaka mbefu ye mfumu kan'telemisa. Ho kanete masumu Nzambi kan'lolula. ¹⁶ Lufunguna masumu benu ye bakwenu pe lusamba mudiambu di bakwenu mukusia na lukola. Kisambu ki mutu wu masonga kikala ye ngolo pe kihulululaka. ¹⁷ Elia Kakala mutu yabana betu. Kasambidi ye lukwikilu lwakulu mukusia na mvula yinokiku ha n"si n'toto mvula tatu ye ngondi sambanu. ¹⁸ Pe kunima Elia kasambidi diaka mvula pe yinokii pe mafu mabuti mabundu. ¹⁹ Bapangi , ho mosi kayekuka mu nzila masonga, bufwene mosi wuhika kan'kabula mu nzila. ²⁰ Kazaya na konso mutu wu hululula batu baba yekuki, kahulusa moyandi pe masumu mingi maloluka.