¹ Kwe zituki ngima ye kunwana hakati di benu? Keku kuzola kwenu kukwe nwanisi bapangi benu? ² Luzola luvwa mana lweku. mana pe lweku ye pila bi kuvwa bio. Lukwe nwani pe lukwe yimani.Lukwe hondi pe lukwe sosi luvwa mana luvwoko. ³ Lukwe lombi mana pe lukwe zwiku mudiambu lulombaka bumbi kaka mukikuma ki biesi bi benwenu. ⁴ Bite mbongi lwene, luzeyeko na kinduku ki n'si n'toto kiene kimbi kuntwala Nzambi? Wuna zodi kakala nduku n'si n'toto kazodi kakuma mbeni Nzambi. ⁵ Luyindula na pamba masonama masantu mahoyaka na: " peve yikasia mu kati dibetu yikala ye kipala kingi ? ⁶ Kasi Nzambi kasakumuna kitoko, hakana masonama masantu mahoyaka na :" kahekaku babene lulendu, kahekakaka baba n'wilaka." ⁷ Ludihana kwe Nzambi, lum'busaka satana pe katina kiana ye benu. ⁸ Lukala belebele ye Nzambi yandi pe kakwisa belebele ye benu. Lusukula moko menu basumuki, pe lubalula mbundu zenu bingumba. ⁹ Lukala bayilama ,lulomba, ludila. Kilunzi kibenu kikuma ki kiadi,pe kiesi kienu mu kiadi. ¹⁰ Ludikulumuna kuntwala mfumu mana kalutombula. ¹¹ Bapangi lutangasaniku benu ye benu. Wuna hoyila mumbi zina di pangiandi holo keke sambisa pangiandi, keke bunga minsiku. Samu ho weke sambisa nsiku, weku wutalaka kasi kumi zusa. ¹² Mutu mosi wene n'sadi minsiku ye zusa. Yandiene kaka fwene kahulusa holo kabunga. Na wene ngeyi weke sambisa n'kwenu . ¹³ Luwa benu luhoya na mbasi yikwenda ku mavula mama, n'tukala ho mvula mvimba,ntubamba teka pe ntumonga n'luta. ¹⁴ Na zeye mana makwisa mbasi pe nki lukuma luzingu lungeyi? Samu lwene yabana mfunzi yiyi kwisaka mana yiladi kunima ntangu. ¹⁵ Lufeti hoka bwabuna: "Na Mfumu kazola, tuzinga, tusala kima kiaki na kima ki kingandi" ¹⁶ Buntwene benu lukwe dikumisi ye ngindu zibenu zi kimvuni, kimvuni kiakulu kibuna ki mbi. ¹⁷ Hakana, wuna zeye kusala diambu dibunkete mani kakwe sadi dioko, kasadi disumu.