¹ Izaki nsadi Nzambi ye mwanandi Yezu kristu, bikolo kumi ye biole bimwangana: Mboti. ² Lubamonga bakulu bwoso kima kikiesi, bapangi bama, ntangu yi lukwe moni pasi zi pila ye pila. ³ uzaya na kukola ku mbundu zenu kwa kubuta kukola. ⁴ Kukola ku mbundu kusala kisalu kiandi, mukusia ne lukala bakukuka batemuka, pe lukondiku kima. ⁵ Kasi ho hene ye mutu wene ye mfunu nduka , kalomba kwe Nzambi, wuhanaka ye kiesi kiakulu ti kukonda kukuyangisa ku baakulu bana balombaka kahanaka. ⁶ Kasi kalomba ti lukwikilu, kakadiku ye kubanga. Samu mutu wuna kwenda ye mbundu zole ye kukonda kukwikila kene yabana luvwalu lu mamba lukwenda ku mpebe . ⁷ Samu mutu wuna kakaloko ye lukwikilu na kamonga kima kwe mfumu Nzambi. ⁸ Mutu wu mbandu yina kene wukonda kukwamina pe kakala kaka bwabuna mu nzila zandi. ⁹ Putu kasepila mu pilandi yina ban'tombudila. ¹⁰ Kasi mvwama mu pilandi yikukulumuka, samu kakala boso kintundu kinkati nseke hakati di ¹¹ m'futa. Mudiambu tangu dilubuka ye mbawu yandi yiyiyumusaka m'futa. kintundu kibwa pe kitoko kiandi kimonga kihuidi, mbandu mosi ye mvwama kabwa hakati kati di nzila yi keke kwenda. ¹² Kiesi ku batu babatambusa pasi . Samu kunima di kumona pasi zene, kamonga lukumu lu luzingu lu basweka mu diambu di bana ban'zolaka mfumu Nzambi. ¹³ Hakana ho mutu ban'hukumuna, kahoyiku na tata Nzambi weke mbeka, mudiambu yandi bamekaku ku mabi pe yandi kazodilaku mutu mambi. ¹⁴ Kasi koso mutu kamekana ku mbundu yi yandiene mu biesi bimbi,bikwe n'ati pe bikwe n'zodisi. Kunima ngindu mbi na zinunga, zibuti masumu. ¹⁵ Pe kumanima masumu hana makola, manata ku lufwa. ¹⁶ Baluhuniku bapangi baama yizolaka bwingi. ¹⁷ Kabu diakulu dikitoko ditukaka ku zulu. Dituka kwe tata wu mwinda. Kwe yandi kubalukaku diambu holo bininga kikuma ki ¹⁸ pilandi. Nzambi kasodi katubuta mu nzila ndinga masonga. Bwoso kazolabwo,katubuta mu nzila yi masonga, samu ntukala hakati di mbuma ziyandi zintete zikasala. ¹⁹ Luzaya mambu mama bapangi bama, bufwene koso mutu kawa, kawididiku kuhoya, kalekidila,malembi pe kahoyiku ku nkabu. ²⁰ Mudiambu nkabu zi mutu zilungisaku makazolaka Nzambi. ²¹ Hakana lulosa mambu mambi makulu.Luyamba ndinga yi kitoko yiyi fwene yiluhulula. ²² Lukala batu bana lusadilaka ndinga yene keku bakuwa n'kutu. Lwe hunasani benu ye benu. ²³ Samu ho mutu kawaka yandi kuwa ndinga mana kasadilaku, kene yabana mutu wuna weke ditala mu kipelu kilunzi kiandi. ²⁴ Keke ditala yandiene mana katuki wele pe ladi buna kikele kilunzi kiandi ye nki kifwanani. ²⁵ Kasi mutu wuna weke tala pe keke sadila buna bubunkete minsiku, keku boso mutu wu wa kuwa mana ladi, mutu wuna kasambuka pe kamonga lukumu ,l,wand muna bisalu biandi.i ²⁶ Ho mutu kadimona na kene n'sadi Nzambi, kasi ho keke tomisoko kuhoya kwandi, keke dihuna yandiene ye mbundwandi pe kusamba kuyandi kukala kupamba. ²⁷ Kusambila kukieleka kuntwala Nzambi tat'etu kwene ; kusadisa batsona ti bafidi bafwila bayakala ti banketu, kusala mambu makitoko ha nsi n'toto2.