¹ Bapangi, lukadiku na kuna yikwe kwikidi Yezu, mana kuna yikwe sadidi batu bahika ba nsi n'toto, lusadidiku ² bwoko. Disonga ho mutu mosi wu mvwama, vwete ye ma wolo kakota mu nzonzambi benu, ye putu wu wene ye milele mimvindu. ³ Ha tala mvwama wu vwete kitoko, n'kamba ne zosa wuzakala haka hana hane kiti ki bunkete , ha baluka kwe putu n'kambi na telema hakana holo wun'kamba kazakala ha n'tandu malu mangeyi. ⁴ Lweke sambisa benwenu ye mbundu zenu zimbi. ⁵ Luwa bapangi bama batondama, Nzambi kasola baputu ba nsi n'toto mukusia na bakala bamvwama ba kimfumu ki mazulu kikasweka mudiambu di bana ban'zolaka? ⁶ Kasi lukwe yenguni baputu, keku bawu bamvwama babaluheka pasi kilumbu? Keku bawu baba lufunda ku ntwala babasambisaka? ⁷ Batukunaku zina dibunkete dina balutedilaka? ⁸ Kasi na wulungisa nsiku luyalu bwoso busonama; "Zola pangiaku bwoso dizolaka ngeyene" hana sadi mboti. ⁹ Kasi ho wu hiokisa bapangi bahika, nete disumu pe wene n'sumuki wu ngolo, wene kisina bwoso bebisi nsiku. ¹⁰ Mudiambu konso mutu wuna zitisaka minsiku, kasi ho kameka kukulula mwa nsiku ata wunkeke, bebisi minsiku miakulu. ¹¹ Samu wuna wuhoya na "Teku mbongi " kahoyi diaka ne "Hondiku pe " kasi ho teleko mbongi mana wuhonda mutu, hana disonga bebisi nsiku, kumi n'sumuki. ¹² Hakana luhoya pe lusala bwoso bana basambisa mu nzila yi nsiku wu batu ba mboti. ¹³ Mutu wuna kala ye mbundu yi kiadi kasambisama pe mu kiadi, wuna wukonda mbundu kiadi basambisa pe mu mbundu yikonda kiadi. Mbundu kiadi ya yinungisa n'kanu. ¹⁴ Bapangi, kweyene mboti ku mutu wuna hoyaka na kene ye lukwikilu mana lukonda bisalu? lukwikilu luna lufweneko lun'hulusa? ¹⁵ Ho pangi wunketu holo wu yakala vwete bu mbi mana pe kondi kima kikudia ki kilumbu kiene. ¹⁶ Ntumonga na mutu kan'kamba na telema hana mwini mana wuyukuta, Kawsi n'heleko ata kima kimfunu kitadidi lutu yandi mutu ke ye nzala, nki mfunwandi mamana makulu.? ¹⁷ Pila mosi(bwabuna) lukwikilu lukonda bisalu lwene lufwa. ¹⁸ Mana hene ye mutu fwene kahoya na, ngeye ye lukwikilu mene yene ye bisalu, Nsongila lukwikilu lungeyi lukonda bisalu, mene yikusongila lukwikilu lumene muna bisalu biama. ¹⁹ Kwikila na kwene ye Nzambi, sala bubunkete. Kasi ata binsusu bikwikila pe bitekitaka. ²⁰ Zodi wuzaya zoba na lukwikilu lukonda bisalu lwene lupamba. ²¹ Balami tata betu ban'zayidi mu bisalu biandi ye buna ka=lambudi (kahene) mwanandi Izaki kimenga ? ²² Mwene na lukwikilu lukwendaka luyeleke ye bisalu, muna bisalu kundima kwandi kweke tombuka. ²³ Hakana malungidi mamasonama; Balami kakwikidi mu Nzambi ,bwabuna kakumina pe nduku wu Nzambi. ²⁴ Mwene na mutu mu bisalu biandi bamwenaka keko mu lukwikilu kaka. ²⁵ Pila mosi pe Rahab ndumba nketu, kahulukoko mu nima di bisalu biandi ha kayambi ba mihulungu, ha kabatinisi mu nzila yihika? ²⁶ Bwoso lufwa ,lutu ,lukonda moya lufwa, lukwikilu lukonda bisalu pe lwene lufwa.