¹ Ntuzeye na zinzo zitunimbaka ha nsi n'toto ata bahondi zoo, ntwene ye nzo yi Nzambi. Yene basalayoko ku moko ma baatu, kasi kizika ki mvula ye mvula kiene ku zulu. ² Samu mu saka dina ntukwe lakani ,ntukwedingi ntuvwata milele mipa mu nzwetu yibusantu. ³ Ya ntukwedingi, mudiambu na ntuvwata yo, bakusa ntuwanoko kinkonga. ⁴ Samu muna masonga, ho ntwene mu saka diadi, ntulakana kulakana, ntukala babatakana, .Ntuzolaku ntukala kinkonga, kasi ntuzolaka ntukala ye milele kulutu, mukusia ne kikiene kifwaka kiminama ku luzingu. ⁵ Wutulongaka mu mambu mama maakulu kene Nzambi, wutuhekaka peve bwoso katulaka mu mamakwisa. ⁶ Hakana, lukala ye kinduku, lukala ye kundima na na ho ntwene mu lutu( mu n'suni) ntwene kiana ye mfumu . ⁷ Samu ntukwendilaka mu lukwikilu keku mu kumona. ⁸ Hakana ntwene ye lukwikilu, ntukwedingi ntukala kiana ye N'suni kasi ntukala belebele ye mfumu. ⁹ hakana ntusia bio kuntwala mukikuma kiene, holo ntukala mu lutu lwene, mu kun'sepidisa. ¹⁰ Samu betu kulu ntukala kuntwala kiti ki luyalu ki Kristu, mukusia ne koso mutu kamonga mfitwandi muna pila yi mambu makasadiki,mu kin'suni makadi mabunkete holo mambi. ¹¹ Hakana mu kuzaya ku kubanga ku mfumwetu, Ntukwe ba kwamisi baatu. Betu mantukwesadi mene pelele ku mesu ma Nzambi, nzodi pe makala bwabuna mu nzayidi yenu. ¹² Ntweke lukwamisoko na lutumona na ntwene baatu ba masonga kwe benu. Kasi ntweke ntweke luheka kikuma ki lufweti ntuzodila beto, mukusia na babasia kimvuni kipamba pamba mu malutu, babaka mvut na kumona kumesu keku kumona mamene mu kati holo ku mbundu. ¹³ Samu na ntwene babazeyeko mambu, matadi Nzambi, Kasi ho ntukala ba mambu ma kitoko, mene mudiambu dibenu. ¹⁴ Samu lutondo lu mfumu Kristu lweke tutuma, samu ntwene bakukwikila na mutu mosi kafwidi mudiambu di betukulu pe mana baakulu bafwa. ¹⁵ Ye Kristu kafwidi kikuma ki bakulu , hakana baakulu babeke zinga bakwe zingiku samu di babene, lo , bakwezingi mu yandi wufwa pe wufutumuka. ¹⁶ Kikuma kiakina,yandika buntwene, ntufweneko ntusambisa mutu mu pila yi kimutu, ata n'tuntadi ntete bwabuna pila yayina. Kasi buntwene ntusambisoko mutu lu kitesu kiakina. ¹⁷ Hakana ho mutu kene mu Kristu, kene kisalamu kipa , kene bwoso mutu paa. Mambu mankulu mahioka; Ntutala mene mapaa mabuntwene. ¹⁸ Bima biabi biakuulu bitukaka kwe Nzambi; wutuvukisa ,pe wutuheka kiyeka ki kukutikisa bakwenu. ¹⁹ Disongidila na muna Kristu, Nzaambi keke ntukutikisa ye baatu bansi n'toto ye yandiene, kalandaku dihika mana babasala mambi kwe bawu. Katuheka ndinga yi kuvukisa holo yi kukutikisa. ²⁰ Hakana ntwene bakusola bwoso mihulungu miyandi ha kifulu ki Kristu, bwoso na Nzambi katediki mu nzila betu. Ntweke lubondila mu lutondo lu Kristu, "Lukala kimvuka ye mfumu Nzambi", ²¹ Kasadi mwanandi Kristu mukusia kisa ditambika mudiambu di masumu mabetu, kasala bwo mukusia ntukala batu bamasonga banzambi mwe yandi.