¹ Hakana mudiambu ntwene ye kimfumu ti buna ntumonga lusambulu ntufweneko ntulemba lutu. ² Nkutu ntuyambula nzila zi nsoni zi binsweki. ntuzingaku mu nsaka,yi bungumba pe ntulosaku ndinga Nzambi .Kasi kuntwala masonga, ntweke dinata ku nila yi masonga kuntwala Nzambi. ³ Kasi nkanda betu wu Nzambi kene wukusweka, kene wukusweka ku bana babwa. ⁴ Mudiambu di bawu,Nzambi wu nsi n'toto wandu wubakasa mesu mu mipepe mi babakonda kwikila. Hakana beku ye pila yikumona n'temu, masonga ma n'kanda Nzambi, nkembu wu Kristu mu kilunzi ki Nzambi. ⁵ Mudiambu ntulongaku mu zina dibetwetu, kasi di mfumuYezu Kristu bwoso mfumwetu. betwetu bansadi babenu muna lutondo lu Yezu. ⁶ Samu Nzambi yandi buhika huhoya :" Miesi, Mwinda kapela hakati di piba".pe mwinda holo miesi mipela mu mbundu zeto. mukusia ne mwinda mazaya ma kimfumu ki Nzambi, muna lutu lu mfumu Yezu Kristu. ⁷ Kasi ntwene ye kimvwama kietu mu milondo miami babumbaka mu tuma, mukusia kikala kikseme mu ngolo yiyene kwe Nzambi, keku kwe betu. ⁸ Ntukwe mongi ndola zi pila ye pila, kasi ntuladiku. Ntwene bwabuna mana ntukatulaku kitu. ⁹ Beke kwe ntunwanisi mana batulosoko, beke ntubula ha nsi n'toto, mana bantuyokoku kimakulu. ¹⁰ Ntukala koso ntangu ye lufwa lu Yezu, mukusia ne luzingu lu Yezu lumonika mu kati di lutu lubetu. ¹¹ Betu ba Ntwene bamoyi, ntwene bakulambula ku lufwa mudiambu di lutondo lu Yezu mukusia ne luzingu lu Yezu lumonika mu ma lutu mabetu ma kin'suni. ¹² Mukikuma kiakina, lufwa lwene mu betu kidimbu mukati dibetu. ¹³ Kasi ntwene ye -mbundu yi lukwikilu bwoso basonika :" yikwikila bwoso yihoyaka " Ntukwikila bwoso ntuhoyaka pe. ¹⁴ Ntuzeye na wuna wumfutumuna mfumu Yezu katufumuna betu pe kilumbu ye yandi Yezu. Ntuzeye na katunata ye benu hana kakala. ¹⁵ Bima biakulu biene mudiambu di benu bwoso dienga di Nzambi diyalakana mudiambu di batu bingi, mamboti ma Nzambi mahatikila mu nkembu Nzambi. ¹⁶ Hakana ntulembiku. Ata mu tenzi,mu lutu beke ntuhonda, kasi mukati dibetu, ntweke kabuka batu bapa koso kilumbu. ¹⁷ Mudiambu pasi zasi zi mwa ntangu zeke ntukumisa ngolo mudiambu di kifunda ki mamboti mama kwisa kuntwala ma mvula ye mvula. ¹⁸ Mudiambu ntukwetadiku bima bibimonikaka, kasi bibikonda monika.Bima bibimonikaka biene bi ntangu yinkeke, kasi bibikonda monika biene bi mvula ye mvula.