¹ Nganiniku ba taata ba nuna. Kaasi ba longa neeti ke taata. Ba longa phe ba ngunza baba yakala neeti ba mpangi. ² Longa ba maama ba bena ye mvula ziingi neeti ba maama, ba ngunza baba nketo neeti ba mpangi baba nkeeto. ³ Haana luzitu kwe ba fwiidi baba nkeeto, bena nkatika bawu. ⁴ Kaasi na m'fwidi keye baana phe ba tekulu ban'heeka lukumu ye luzitu nteete mukati di kikanda. lu haana luzitu kwe bana balubuta saamu Nzaambi kazola bwabuna. ⁵ Nkaatika m'fwidi kakala yandiene. Kasia kitu kwe Nzaambi. mpipa to mwini mu bisambu ye kudila kwe Nzaambi. ⁶ Mana wuna zingila biesi kene ata kakwe zingi. ⁷ Bakamba bima bi saamu bakala baba hoyidiku mambu mambi. ⁸ Na muutu ka kipaku to keku ye lutondo ye ba mpangi bandi nteete-nteete baba kikanda kiandi, keeku ye lukwikilu, ke kuyhioka baatu baba sambilaku. ⁹ Saamu nkeeto ban'tambusa na m'fwidi mvula zi yaandi zi kadiku kunima makumi ma sambanu phe wukaala n'keeto muutu. ¹⁰ Kafweti zayana mubisalu biandi bibunkeete, ata bisalu bimbandu neeti kukipa baana, kuyamba baatu, kusukula maalu ma baatu ba kwikila, kuhaana malongi kwe baatu bana bene mukiadi phe kudihana mu bisaalu bi bunkeete. ¹¹ Kaasi ba fwiidi ba bangunza, buusa kuba monga mu ndonga ba fwiidi saamu na badiheene mu biesi bi luutu ha mpalasi Yezu, Bawa nzaala kukwela. ¹² Hakana, basambisama saamu ba beebisi bilashi bi basadi nteete. ¹³ Badihana mukukonda kima kikusala ye tsaka zi konda m'funu. keeku bwabuna kaka ba kwenda nzoo ye nzoo phe ba kuma bihoya- hoya mu maambu mambi samu bakukisa luzolo lu bawu. Bazola bima bina ba fweneko bahoya. ¹⁴ Mubwabuna nzoodi ba ngunza ba bankeeto ba kwela, ba buta baana, ba natisa nzoo mukusha mbeeni ka bakiku ntangu yikutu kamba na tusadi mambi mambi. ¹⁵ Saamu bahika ba baluka balanda satana. ¹⁶ Na konso n'keeto wu kwikila kene ye ba fwidi, kaba sadisaka saamu Nzoo Nzaambi kakadiku ye ziitu diingi phe ka sadisa nkatika ba fwiidi. ¹⁷ Ba mbuta bana ba natisaka kitoko bakala bafwaana mukusha ba baka lukumu mbala zoole, nteete-nteete bana ba longaka ndinga Nzaambi. ¹⁸ Saamu masonama mahoyi: "Fwenoko wunkasa ngombi n'wa na keeka bebisa bima" phe muutu kisaalu kabakaka lufutu lwandi." ¹⁹ Yambiku mifundu muzina diba mbuta dibundu na bamoni-maambu bakumiku bole to bataatu. ²⁰ Bayamba baatu bamasumu kuntwala bima biakulu, saamu bana bahika ba baanga. ²¹ Yiiku kambi kuntwala Nzaaambi ye Yezu Klistu phe kuntwala ba wanzio ba solama mukusha wusweka mitsiku katudiku kima, phe sadiku kima mikimpangi. ²² Mpambudi muutu. Kotiku mu masumu ma muutu hiika. Kaala ye bu satu bwaku. ²³ Nwiku maamba. na lowa, Nwaaka ndambu malafu samu di kifundu ye mwa maladi mahiika. ²⁴ Masumu ma baatu bahika ma monika phe maba neete kukusambisama. ²⁵ Kaasi masumu mahiika malandaka yekuna tsuuka. Piila mosi, bisalu bi bunkeete bihika bi monikaka, kaasi bihiika ba fwenoko basweka bio.