¹ Yeeka kulonga, mukuyandika maambu maakulu, samu wu loomba, sambila, sambila samu di baatu bahika, lomba ma mamboti samu di baatu baakulu, ² Samu di ba Pfumu ba luytaalu ye bana ba hika, mukushia na tuzinga luzingu lu bunkete ye ngeemba muna masonga maakulu ³ Bwabuna bwe kitoko kuntwala Nzaambi Ngulusi betu. ⁴ Yaandi kazodi baatu baakulu ba huluka ye bazaya masonga ma Nzaambi. ⁵ N'twene kaka ye Pfumu Nszaambi mosi, ye mbaaku mosi wutusangi betu kulu ye Nzambi, Yezu Klistu, ⁶ Yaandi wudihana yandiene difuti pfuuka samu di betu kulu, taala masonga ma mmisa mun antanguandi. ⁷ Taala kikuma ki nkumini mene nsadi phe n'longi. Yeka hoya masonga puuniku. ye n'longi wu bampakanu mu lukwikilu ye masonga. ⁸ Mene nzoodi baatu ba sambilaka konso humabatombulaka moku makieleka; ba kaadiku ye nkabu to ngiindu zi mbi. ⁹ Nzodi ba nkeeto ba vuataka mu piila yi bunkeete, ye luzitu phe kudi keba yandiene. Badisiku bima bi ntaalu, ni kukasa tsuki, ni mileele mi hioki ntaalu; ¹⁰ Kaasi ba vuataka bun akafweti vuata n'keeto wu weka dihaana ye masonga mi bisaalu bi bunkeete. ¹¹ N'keeto ka fweti longuka muku konda kushia maazu muntangu yi malongi phe ye kudikulumuna. ¹² Mpenoko n'swa ku muutu n'keeto kalonga malongi to ka monga kipfumu ku n'twala yakala, kasi kafeti zakala wukonda mazu. ¹³ Samu adamu wusalami wu n'teete ku manima Eva wisalanda. ¹⁴ Samu keeku Adamu kahuni nioka, kaasi n'keeto wuhunuki phe bebisi mi tsiiku. ¹⁵ Haakana, ka huluka samu kene ye baana, na kadi kubika mu lukwikilu, mu lutondo ye busantu mu ngiindu zi kaseme.