¹ Poolu, nsaadi Yezu Klistu, mu masonama ma Nzaambi Pfumu ngulusi ye Yezu Klistu kiitu ki beetu, ² Kwe ngeyi timoté mwaana mu lukwikilu: Nzaambi kaku fwa n'keenda, ngeemba taata ye Yezu Klistu pfumuetu. ³ Buna yiku kambiki wu saala ha nkeele mukukatuka samu yenda ku Mecedoinie, saala ha Ephese samu wubakamba batu bahika balongiku malongi mahika. ⁴ ba haaniku maatu ku binkungu ye ba luyaandiku bakonda tsuka. biima bi buna bisala kuyumana ha mpalasi ku nata kisaalu ki Nzaambi kuntwaala mu kaati di lukwikilu. ⁵ Buntweene tsuuka mi tsiiku yene zoola diidi tuka kumbundu yi kaseema, ye kusukisama ku mbundu ye lukwikilu lu masonga. ⁶ Baatu bahiika ba bebisa kiina baakana samu di zi ndiinga zi konda m'funu. ⁷ Bazodi bakuma balongi ba mitsiiku, kaasi beka zayako maambu mabeka hoya to mabeka bula lutsotso. ⁸ Mana tuzeye mitsiiku mikala bunkete na lweka sadila mio buna bubunkeete. ⁹ Kaasi tuzeye na mi tsiiku mi salamoko samu di muutu wu masonga, mana samu di baatu ba kolama, baatu ba masumu ye bingumba baaba sambilaku ban'zeyeko Nzaambi. Mi salama samu di baatu bahondaka ba taata ye ba maama ba bawu, ye ba hoondi bahika, ¹⁰ Saamu di ba nduumba, ye baana ba nimbisa kwenu zi bawu, ye baana bakumisaka ba kwenu ba boyi, bingumba, bana bahoyaku masongo mudiambu di bakwenu, ¹¹ mi tsiiku mi miene mu nziila tsaangu zi bunkeete zi nzaambi samu di miawu bankumisiki pfumu. ¹² m'peene matondo ku Yezu Klistu pfumu betu. samu ka pheele kikesa, ka mbweene wuku kangama ye ndiinga Nzaambi phe nkotisi mikisalu ki Nzaambi. ¹³ Yii kaala mutu bungumba wukonda zola ziina di Nzaambi, muutu bintumba. Kaasi Nzaambi mfwidi n'keenda samu maakulu mayisa di kukonda kuzaya ye kipaakanu. ¹⁴ Kaasi, ngoolu zi pfumu Nzaambi zi hiokakani mu lukwikilu ye zola mu Yezu Klistu. ¹⁵ Tsaangu zii ze masoonga lu ntambusila, na yezu-Klistu kiisa mu nsi saamu ka bikisa baatu ba masumu. meene yii kaala kuyhioka bawu. ¹⁶ Kaasi, Nzaambi mfwididi n'keenda mukushia na mukati di meene, wuna pioki muku toka, Yezu Klistu kasongila kukasa ku mbundu. kasadi buna neeti piila yiku sala kwe baatu baakulu bana ba kwikila kwe yaandi samu di luziingu lukonda tsuka. ¹⁷ buntweene kwe Pfumu zi mvula, wukonda fwa, wu moni kaku, Nzaambi mosi, kabaka lukumu ye n'kembu samu di mvula ye mvula. Bwabuna. ¹⁸ Tsiidi mi tsiiku mi ku ntwaala ngeyi Timoté, mwana mene. Yeka sala mambu ma buna masona tuuka ntama samu di ngeyi mukushia na wuyandika bintumba bimboti. ¹⁹ Sala bwabuna mukushia na wumonga lukwikilu ye (conscience). Baatu bahiika ba losa mambu ma phe ba sadi kisita mu lukwikilu lu bawu. ²⁰ baabana ba Hymenée ye Alexadre ba yihana ku moku ma satana mukushia ba balonga bayambula kutukuna ziina di nzaambi.