1 Hatshiele gosa mu gimenege, azuedi a holu dia ako agasue nu manene agasue a iphuta ayile dihingo mukunda nu Yesu ha gumushiya. 2 Amujitshigile nu amutualele gua Guverenere Philato. 3 Na, hago Yudasa yago wamudigile wamuenene Yesu wabatshuiya lamba dia gufua, wabalumuine mutshima nu wavutuile falanga makumi atatu jia ibende gudi azuedi aholu dia ako nu gudi akulu a mu Gikombelelo, 4 nu guzuela egi: « ngatshita gubola ha gudiga mahatshi a muthu udi gashigo nu ndaga.» Uvi azuelele egi: « Gu itshi yene inyi yanda tukuatesa? Idi ndaga yaye.» 5 Na wabishidile ibende makumi atatu a falanga monzo ya Nzambi, wa katugile mukatshi diawo, wajile ha gudijitshigila. 6 Azuedi a holu dia ako, azanguile ibende makumi atatu a falanga nu azuelele egi ishigo ha nduedi ha guymba falanga jieji mu gibambelo ndaga jidi jia mahatshi.» 7 Adizuelesele agasue mukunda ibende ya falanga jiene ajisumbile mavu gu mufulo mukunda nu gufundjila athu a anjienjia. 8 Mukunda nu ngenyi, mavu ene atamegewe egi : « mavu a mahatshi » unu masugu wawa. 9 Henyaha yago yazuelewe gudi Yelemiya muzuedi a ndaga jia gumatuama yatagenene muzuela egi: «Azanguile ibende ya falanga, nduedi yajio ya zongewe gudi iphuta ya enya Isalele 10 nu ahanene yene mukunda nu mubando wa mavu a ghumazogelo. Gifua luholo lua fumu ganguhuile nagio.» 11 Luenyelu, Yesu wabatewe gudi Guverenere, nu Guverenere wamuhudile: «Udi Fumu ya enya Yuda?» Yesu watayele : « Aye udi muyizuela. » 12 Uvi hâmufundile gudi azuedi akoma a holu dia ako nu akulu, gatayelego. 13 Hene Philato wamuwambelele egi : « Ushigo muvua gufundiwa guaye guagasue?» 14 Uvi gatayelego nji ndo nga gu mbimbi imoshi, nu Guverenere wadihudile muavula. 15 Tala, yakhalele luholo lua Guverenere mukunda nu wano dia gubemba muebologo yago watombewe gudi thundu ya athu. 16 Mukumbi diene dinyi guakhalele nu muenya bologo mumoshi, wajiyiwe gu jina dia Barabase. 17 Na, hadibungishile, Philato wâhudile: «Nanyi muatshigina egi ngumibembele? Barnabase nga Yesu wanatamegewa egi Kilisto? » 18 Wajiyile egi amuhuile Yesu mukunda nu giphi. 19 Hakhalele muene ha gife gia gilumbuluishilo, mukajienji wamutumine mbimbi muzuela : «Ukhadigo nga gima gimoshi (ndaga) ya gutshita gua muthuou gashigo nu ndaga; ndaga ya ngamona lamba diavula mu phipha ya mangino gu nzoji imoshi mukunda nu muene.» 20 Henyaha fumu ya atshitshi a mudimo wa Nzambi nu akulu atelele ndaga ya thundu akhalele mulomba Barnabase nu gushiya Yesu. 21 Guvernere wahudile: «Nanyi mukatshi dia muyadi muatshigina egi ngumibembele?» Azuelele agasue : «Barnabase.» 22 Philato wahudile : «Itshi ngutshita nu Yesu yago udi mutamegewa egi Kilisto?» Atayele «ha mutshi wa gudikikisa.» 23 Nu wazuelele : «Mukunda nu itshi, gulola tshi guatshitshi muene?» Uvi akologogele mangololo : «Muhage ha mutshi wa gudikikisa.» 24 Ngenyi Philato wajiyile egi gashigo nu gima (ndaga) ya gutshita, uvi muthu ya gihulu wasendesele, wazanguile meya nu wawovele mago enji gutuama dia thundu nu guzuela egi: «Ngasangelego ndaga gudi muthu ou, tadienu ndaga yene enue hakhenu.» 25 Iphuta yagasue azuelele : «Mahatshi enji abue ha mito yetu nu ha mito ya anetu.» 26 Na abembele Barnabase uvi akuphuile Yesu nu gumuhana ha gumuhaga ha mutshi wagukikisa. 27 Na masuta a Guverenere atualele Yesu mu gisambeselo nu abungishile ithundu yagasue ya masuta. 28 Amuvuluile milele nu amusudigile diolpho. 29 Alondele gipho gia miya, amuhagele ha muto nu amuhagele ha muto, nu ahagele muhango gu koko wenji wa madia. Afugamele gutuama dienji, nu, gumulela nu guzuela egi: « Moyo, mwatha ya enya Yuda!», 30 Nu amufutuile mate, azanguile gitshinyin gia mutshi nu amuwasele ha muto. 31 Gungima dia gumulele, amukatuile gikhuto, amuvutuile milele yenji, na amutualele ha gumuhaga ha mutshi wagudikikisa. 32 Ha khalele ene muzoga, asangele muthu mumoshi ya gu Sirene jina dienji Shimona, amuwambelele ha guya nu ene hagula abate mutshi wagudikikisa. 33 A hetele gu bugu didi mutamegewa egi Gologota idi muzuela egi « bugu dia gibozobozo gia muto.» 34 Amuhuile matombe agunua agufutula nu fiele; uvi halolele muene watunyine gunua. 35 Hadile amuhage ha mutshi wagudikikisa, adikaphele milele nu itela jiphonza; 36 nu akhalele hashi gumutala. 37 Holu dia muto wenji, ambile gima gia gumufunda, yagusonega egi: «Yogu Yesu fumu ya enya Yuda.» 38 Nzangi jiyadi jiakhalele jiagushiwa ha mitshi ya gudikikisa hamoshi nu Yesu, mungoshi gu koko dia madia muko gu koko dia gihidi. 39 Ago akhalele mubalega amushingile nu guhunga (gunyigisa) mito yawo 40 ha kano nu guzuela egi: «Aye yago wakhalele muzuela egi watagana ha gumuanga inzo ya Nzambi nu guyimagesa (guyitunga) mu masugu atatu, dihuluise aye hakhaye! Gula udi muna Nzambi, bulumuga ha mutshi wagudikikisa !» 41 Luholo luene lumoshi, Azueledi a ako akhalele gumulela nu enya mulebo nu iphuta nu akulu, muzuela: 42 « Wahuluishile athu ako uvi gajiyilego gudihuluisa muene hakhenji. Udi Fumu ya enya Isalele, adibuluimuise ha mutshi wa gudikikisa nu mbatumutshigina.» 43 Watshigina Nzambi, na Nzambi amuhuluise luenyelu gula wamuzumba ndaga ya wazuelele egi: «Ngudi muna Nzambi"». 44 Nu nzangi jiakhalele ha mutshi wagudikikisa nu muene, amushingile nji luholo lumoshi. 45 Luenyelu, sendese mu kumbi dia samano unu mukumbi dia divua, phipha yabuile ha mavu agasue. 46 Hehi nu kumbi dia diva, Yesu wakologele nu guzuela egi: « Eli, li Lama sabachthani!» imutshigina guzuela egi: Nzambi wami, Nzambi wami, mukunda nu itshi wangubemba? » 47 Adile ako ago akhalele n'awo.avua ngenyi, azuelele egi: « Udi mutamega Eliya. » 48 Mukumbi diene dimoshi diene, mungoshi ya mukatshi diawo wazanguile jiphushi nu wazanguile makhusa wazalesele nu meya alabua, wahagele gu songi ya mutshi nu wamuhuile ha gunua. 49 Ako azuelele egi : « Mubembenu; tutale gula Eliya udi muza ha gumuhuluisa.» 50 Yesu wakologele luko nu dijui diakola nu wafuile. 51 Tala, mulele wa mu inzo ya Nzambi wa bawugile mun ibala, iyadi sendese gosa nu hashi. Mavu adigitile nu seso jiabudigile. 52 Malumba (majiamo) azulugile mila yavula ya asantu ago akhalele ya gunfundiwa azugile gu gufua. 53 Yazogele mu malumba (majiamo) gu ngima dia guzuga gua Yesu gu gufua, yanginyine mu dimbo dia koma dia gijila nji adimonegesele gua athu avula. 54 Hago hadile akengeledi nu abambi a Yesu amona mavu mudigita nu ndaga jiagasue, avile woma nu azuelele egi : « Giamatshidia you udi diago muna Nzambi.» 55 Akhetu avula alanduile Yesu sendese gu Galileya ha gumubamba akhalele hene, mutala haleha, 56 Mukatshi diawo, guakhalele Maria ya gu Magadala, Maria gina Yakoba nu Yosefe, nu mona gina ana a Zelede. 57 Habuile ingueze, mumonyi mungoshi monya gu Alimate jina dienji Yosefe yago wakhalele nji mulandudi wa Yesu. 58 Wayile hehi nu Pilato nu walombele mvumbi ya Yesu. Pilato wahanele mukhuala hagula amuhane mvumbi yene. 59 Yosefe mazudile mvumbi, wayilangele milele ilaphe 60 nu wa ihagele mu malumba enji diago ahe-ahe ago wahagele mu iseso yakoma. Ha ngima, wabalumuine iseso yakoma ha mufulo wa malumba nu wahile genji. 61 Marie wa gu Magadala nu Marie muko akhalele hene, aditumbigile hatuama dia malumba (amjiamo). 62 Lusugu lua landuile luakhalele lusugu lua gulonda jindaga, Azueledi a holundia ako nu enya mambo, adibungishile hehi nu Pilato. 63 Azuelele : « Fumu, tuawunguluga egi muenya iphapha you hakhalele nu monyo, wazuelele egi: Gu ngima dia masugu atatu mbanguzuga gu gufua. 64 Ngenyi ambile mukhuala egi malumba abambewe unu gu masugu atatu. Gula ndo alongi enji ajiya guza nu gumukatula nu guwambela athu egi: "Wazugile mukatshi dia athu agufua, " Mambo a luenyelu mbalega mambo agudiangela.» 65 Pilato wawambelele : « Mutadienu muabonga. Ndjienu mumubambe muabonga mukunda nu hgukhala nenji. » 66 Ayile nu gubamba malumba, ahagele iseso nu ahagele abambi.