¹ Hatagenene( hahetele) lusugu lua pantecote; akhalele agasue fundo( bugu) dimoshi. ² Gatshididi; lungu lua jile gosa gifwa lua fundji yakola; luazalesele inzo ya gasue mwakhalele ene. ³ Amwenene madimi gifwa madimi a tshuiya akhaphewe gua muthu nu muthu. ⁴ Akhalele aguzalesewa agasue nu givule giabonga nu asendesele guzuela mu mazuelelo ako aheahe; gifwa mwakhalele guatuameza givule giabonga. ⁵ Msugu anyi guakhalele enya yuda akhalele athu aguhuiminina gu gu athu agasue a hamavu gosha madilu. ⁶ Hago hajile lungu; athu avula sha ayile; akhalele gudihula mukunda nu muthu nu muthu wakhalele mwavua mu mbimbi yawo. ⁷ Akhalele nu gusuanguluga nu akhalele gudihula. Akhalele muzuela: yadiaggo ashigo enya galileya; athu wawa adi muzuela? ⁸ Mukunda natshi tudi mwuavwa mu mazuelelo etu agubutugila? ⁹ Enya perse; Enya Mede; enya Elamite nu anyi anasala mu Mezopotamiya; nu enya yudaya nu Kapatoce; pont nu Aziya; ¹⁰ Filigiya nu panfiluya nu Ejibitu; enya gu khanda libiya nu gu cilene nu agasue ayile gu domo; ¹¹ Enya yuda; pozelite; khelete; alabiya; tudi mwavua muzuela mukunda nu ngolo jia midimo ya Nzambi. ¹² Akhalele agasue aguzala nu gusuanguluga nu pelepece; akhalele mudizuelesa mumoshi nu mumoshi yeyi idi mutshigina guzuela itshi ? ¹³ Uvi ako akhalele gualela nu guzuela egi adi agukuatewa matombe alatulu. ¹⁴ Uvi petelo wazugile nu ako kumi nu moshi ; akologogele nu azuelele: Athu agu yudaya nu enue agasue mwanasala mu yelusalema; jiyenu yeyi; temenyenu mbimbi jiami; ¹⁵ Mukunda nu athu wawa ashigo agukuatewa matombe gifwa mudi mutangiza ndaga ya tudi khuta mu kumbi dia thathu. ¹⁶ Uvi tudienu ya zuelewe gua profeti yowele: ¹⁷ "Mbahaza masugu agisugishil" mbangu mwanga givule giami holu dia mila yagasue anenu amala nu a akhetu mbazwela ndaga jiagutuama. Athu enu amavuala mbakhala mumona imona meso nu akuluenu mbakha mulota jinzonji. ¹⁸ Luholo lumoshi nu gudi atshitshi a mudimo wami amala nu a akhetu; mu masugu anyi mbangu muanga givule giami nu mbakhala muzuela ndaga jiagumatuama. ¹⁹ Mbangutshita ha gudijiga ijiyilo ya gosa nu ijiyilo ya hashi; gu mahatshi; gu tshuiya tua mishi. ²⁰ Kumbi mbadidibalumuna phipha; mbeu mahatshi gu tuama dia lusugu luakoma luaguvutuga gua Fumu; ²¹ Ngenyi mbakhala; muthu yagasue mbautamega jina dia Fumu mbauhuluishiwa; ²² Athu a ysalele vuenu mbimbi' eji: yesu ya gunazaleta; muthu wajiyiwe mukatshi dienu gudi Nzambi hakhenji; mukunda nu mudimo yakoma nu yabonga nu holu dia ijiyishilo mba ikhala musthitshiwa gudi Nzambi hakhenji mukatshi dienu; gi fwa midi mujiya enue hakhenu; ²³ gifwa mua zuelele mwene Nzambi ; wahanewe; nu enue; mu mago a adi gonze ya mikhala; mwamuhagele ha mutshi wa gudikikisa nu muamushiyile. ²⁴ Nzambi wamuzugishile gu gufwa ha gumukatula gu malamba a gufwa ndaga ya khalele ya kola ha guene gu khale. ²⁵ Ndaga Davidi udi muzuela mukunda nu mwene:" Ngamwenene Fumu masugu agasue gu tuama diami ndaga ya udi gu koko guami gua madia mukunda nu ngunyigishiwa go. ²⁶ Ngenyi mutshima wami udi nu gusuanguluga nu dimi diami didi mudisuanguluisa. Nu muila wami mbaukhala nu monyo mu gudifuelela. ²⁷ Mu kunda nu mbaubembi go monyo wami masugu a gufwa; nu mbatshiginago egi gubonga guaye gukhale gua gubolesewa. ²⁸ Wangudijigile jinjila jia monyo; mbau nguzalesa nu aye. ²⁹ Munetu ya yala ngajiya guguwambela nu gudifuelela mu kunda nu muthu ya mualeha Davidi: wafuile nu wa fundjiwe; nu malumba enji akhala mukatshi dienu unu mu masugu awa. ³⁰ Ndaga ya wakhalele muzuedi wa mbimbi ya Nzambi nu gujiya egi Nzambi wadilogele egi mbaukhalesa mumoshi ya mukatshi diawo holu dia ufumu wenji. ³¹ Wajiyile gutuama nu wazuelele mu kunda nu guzuga gua kilisto gu gu fwa" gakhalelego ya gubembewa mu masugu a gufwa nu mwila wenji wakhalelego wagubolesewa! ³² Yesu yowu; Nzambi wamu zugishile nu esue tudi agasue mthemua. ³³ Mukunda nu wakanduishiwe gu koko gua madia gua Nzambi nu wazanguile laji dia givule. giabonga giajile gua Tata. wamwangesele ; gifua mudi mu mumona nu mudi mumu vua. ³⁴ Ndaga Davidi ga kandugilego mu dilu; uvi udi muzuela; Fumu zuela gua Fumu yami; khala gu koko guami gua madia; ³⁵ unu mba nguhaga enya umbalagaji aye gishi a ikanzo yaye! ³⁶ Ngenyi; inzo yagasue ya ysalele ijiye egi nu giamatshidia egi Nzambi wamubuishile Fumu nu Kilisto you yesu yago muahagele ha mutshi wa gudi kikisa. ³⁷ Havile ene ngenyi; akhalele agusagewa mu mitshima yawo nu awambelele phetolo nu gua apostolo asalele: Anetu a mala; itshi tuajiya gutshita? ³⁸ Nu phetole wataele: Balumunyenu mitshima nu mubatshijiwe mumoshi nu mumoshi mu jina dia yesu. Kilisto mukunda nu gutotesewa gua gubola guenu nu muzangula guhana gua Givule Giabonga. ³⁹ Mukunda nu gutendelela gudi mukunda nu enue mu anenu agasue nu mukunda nu agasue adi gala ha nu gua athu avula adi Nzambi yetu mbawatamega. ⁴⁰ Nu mbimbi jiko jiavula; wakhalele mujiya nu gulongesa mbimbi ya Nzambi; wakhalele mu zuela: Dihuluishenu gu gindongo egi gidi gialambagana.. ⁴¹ Ngenyi azanguile mbimbi yenji nu abatshijiwe nu mulusugu luene lumoshi; athu avula adibungishile gifua hehi nu midi itatu ya mionyo. ⁴² Akhalele mukolesela ha guvua malongi a Apostolo nu gudibungisa mukunda nu gukhapha gua mapha nu mu gu kombelela. ⁴³ Woma wa nginyine mu monyo nu monyo nu ndaga jia gushimana nu ijiyishilo ya khalele mukatshi dia Apostolo. ⁴⁴ Agasue akhalele mutshigina akhalele agudibungisa nu ima yawo yagasue yakhalele yagudibungisa; ⁴⁵ Nu akhalele mudiga umonyi nu ima yawo nu akhalele mukhapha gua mukuta wawo agasue gua muthu nu muthu gifua mua khalele gudi fuelela guenji. ⁴⁶ Hene lusugu nu lusugu; akhalele mulandula gifua mua khalele matangi awo mu ekelezia; akhalele midibatshuila mapha mu jinzo nu gudikhaphela ima ya gudia nu gusuangulunga nu guhuiminyina gua mitshima; ⁴⁷ akhalele mu nemesa Nzambi nu akhalele mutumagawa gudi athu. Fumu wakhalele mulezela lusugu nu lusugu anyi akhalele a guhuluishiwa.