¹ Gitshinyi giagudiangela :Tshiofidi; mukanda wagudiangela unga gusonegele udi muzuela ndaga jiagasue jiatshitshile yesu gu gisendeselo nu jjigalongesele. ² wu nu lusugu luakatshiwe mwene ha ma vu. yakhalele gu ngima dia mwene guhana mukhuala mu givule giabonga gu apostolo enyi agatombele. ³ Gudi hagimwenesele mwene gungima dia malamba. Mu masugu makumbi awana wakhalele khuta gudimwenesagudi ene nu wakhalele mwawembela ndaga ya ufumu wa Nzambi. ⁴ Hatagenene mwene n,awo; wambile mukhwala ha gu la guzoga ndo yelusalema uvi gunengena lazi dia tata; mu luholo lugazuelele: mwavile gudi ame egi ⁵ yone unu gunu wakhalele mubatiza nu meya uvi mba mukhala agubatijiwa mu givule- giabonga mu masugu ⁶ Hakhalele agudibungisa; amu hudile: " Fumu hene hanyi; hene mbawuhitshidisa ufumu wa ysalele ba? ⁷ Waambelele: ishigo mukunda nu enue gujiya dikumbi nga givo giabatshuile mwene mu uhinyinyi wenji ha khenji. ⁸ Uvi mba amuzangula jingolo ; gula givule giabonga giaza holu dienu nu mba mukhala themwa jiami mu hugo diene dinyi mu yelusalema nu yudaya yagasue nu mu samaliya nu unu gugisugushilo gia mavu. ⁹ Hamanesele yesu gwawambela ima yagasue; gifwa mwakhalele mwene mutala gosa mu dilu; wadizugishile; nu tuta diamutshuigile gu meso awo. ¹⁰ Hakhalele ene khuta mutala gosa mudilu; gatshididi ; athu muyadi asuenene hehi; agusudigishiwa milele ilaphe. ¹¹ Akhalele muzuela: Enue; athu a mu galileya; mukunda nu itshi mudi musala hene hanyi; ha gutala dilu? yesu yowu wakanduga mu dilu; mbauza mu luholo lumoshi gifwa lugayile mu dilu. ¹² Na avutugile gu yelusalema holu dia mulundu wa olive; unu udi hehi nu yelusalema; ha guleha gifwa guleha gua njila ya phoso imoshi. ¹³ Hakhalele ene aheta; akandugile gu inzo yaleha guago gu akhalele mumagana masugu agasue.yakhalele phetelo; yone;Andele; Fidipho; Toma; Batelemi; Matayo;yakoba muna Alufe; Simoni ya gu zelotiya nu yuda muna Yakoba. ¹⁴ Akhalele agudibungisa gifwa muthu mumoshi nu akhalele mujigamana nu agudihana mu gukombelele; nu akhetu; Madiya dina yesu nu aphanjienji amala. ¹⁵ Mu masugu anyi; phetelo wa zugile mukatshi dia aphanjienji a mala;akhalele gifwa lukhama nu makumi ayadi; mu wazuelele: ¹⁶ " Aphanjiami a mala; yakhalele yatagana ha gufundjiwa gukhale guagutagenesagifwa ha zuelele givule giabonga mukano gua Ndavidi mukunda nu ndaga yudasa yago watuamezele anyi akwatele yesu ¹⁷ Ndaga ya wakhalele mumoshi ya mukatshi dietu nu wazanguile dishinda dia luta dienji gu mudimo wowu. ¹⁸ Mangino muthu you wasumbi gilanga nu lufuto lugala guenji nu guene gunu wabuile gudiangela gu muto nu muila wenji wataugile nu vumo dienji diabudigile mala enji amwangenene. ¹⁹ Ndaga inyi yajiyiwe mwabonga gudi enya gu yelusalema ; ahanene dijina dia gilanga ginyi muzuelelo diawo diago diago egi" Hakeldama" mujiyisa egi" gilanga gia mahatshi. ²⁰ Mukunda nu ngenji ya vundjiwe mu mukanda wa ngimbo" Bembienu egi gilanga gienyi gisanginyigiwe, nu muthu mimoshi guheta ndo guene. nu muthu mwekhela( muko) azangule fundo dienyi dia gutuameza." ²¹ Idi ya tagana diago egi moshi ya athu awendele nu esue makumbi agasue a gukhala gua Fumu yesu mukatshi dietu; ²² sendesele gu gubatijiwa gua yone unu lusugu luakatshuiwe mwene mu kati dietu ; mumoshi dia ago akhalele themua nu esue mu guzuga guenji gugufwa. ²³ Ahagele gudiangela athu muyadi yosefe wakhalele mutamegewa egi Balsaba hamoshi watamegewe egi yustu nu matshiashi. ²⁴ Akombelele nu guzuela: Aye Fumu wajiya mitshima yagasue; tudijige nanyi mukatshi dia athu wawa muyadi; uwatombi; ²⁵ mukunda nu guzangula bugu( fundo) gu mudimo nu apostolo yago yudasa watunyi ha guditombela njila yenji hakhenji. ²⁶ Atele jiphanza. Matshiashi wakhalele yagutombewa nga watombewe . wa mukatshi dia Apostolo kumi nu mumoshi.