¹ Mu masugu anyi fumu helode wasendesele gusagesa enya ekelezia ako. ² Muene washiyishile Yakobo, phanji'a Yone, gu phogo ya khusa ³ Hamuenene muene egi ndaga inyi yasuanguluishile enya yuda, wa kwatele nji phetelo.( Ndaga inyi ya khalele nu masugu a wano dia mapha adi ashigo agumbiwa gihemba.) ⁴ Hakwatele mwene petelo muene wa mumbile mu bologo: wa mu hanene mu mago a thundu jiwana jia masuta ha gumubamba, thundu masuta muwana, thundu masuta muwana Helode wa khalele nu matangi ha gumuzuelesa gu meso a athu gungima dia wano dia gubalega gua Maweze. ⁵ Ngenyi petelo wa bambewe monzo ya bologo, uvi enya ekelezia akhalele mu kombelela Nzambi mangololo mukunda nu muene. ⁶ Mu ufugu wa lusugu lua khalele Helode n'ayo ya guzuelesa petelo gu meso a athu, petelo wa khalele mubanda tulo hakatshi dia masuta muyadi. Muene wakhalele yagujitshiga mu malenge ayadi.Abandemenyi akhamlele gu mufulo mu bamba nzo ya bologo. ⁷ Muanjelo wa Fumu wamwenegene, kiejiji gia phelegetesele monzo ya bologo, Mwanjelo wawasele petelo gu phatshi, wa muzugishile, wamuwambelele gamba " zuga gatshidi" malenge adibambumugile gu mago enji, ⁸ Mwanjelo wa muwambelele egi: jitshiga muya waye ,sudiga saphata jiaye " petelo wa tshitshile ngenyi. Hangima muanjelo wamuwambelele egi: dimbe gikoto giaye ungulandule. ⁹ Petelo wa zogogele mu bologo. wa mulanduile. Petelo ga khalelego mumona egi ndaga ya khalele muanjelo mutshita ya khalele ya diago. mwene wakhalele mutangiza egi: ngudi mumona ishigo gumona. ¹⁰ Ene abalegele bugu dia khalele abambi a gu diangela nu a ngiadi gu gijidigo gia itadi gia guzogela mukatshi dia dimbo, gijidigo gia dizuluile guphala yawo, azogele.Ene ajile mu mulongo wa dimbo. na mwanjelo wa bembele petelo ha kumbi dinyi diago. ¹¹ Hangima petelo wakotelesele ndaga inyi mwabonga. wazuelele egi " luenyelu ngajiya diago egi Fumu watumi mwanjelo wenji.wanguhuluisa ha koko dia helode nu mu ndaga jia gasue jiabonga jiabola jiakhalele enya yuda mudifuelela gungutshitshila. ¹² Ha kosele ;zeene ndaga inyi, wayile gu nzo ya Maliya gina yone, jina diko Mako. athu avula akhalele agudibungisa guene ;mukombelela NZambi. ¹³ Ha bunjile mwene gu gijidigo gia mufulo wa ha nze. mona mukhetu mutshitshi wa mudimo, jina dienji lode, wajile ha guzulula. ¹⁴ kumbi gavile dijui dia petelo, wasuangulugile mwavula, mukhetu wajimbidile guzulula gijidigo nu wa lengele nu guambela egi, petelo udi gumatuamene ya gijidigo. ¹⁵ Mu khetu wa mu wambelele egi mwenya malui nu mu khetu wa khalele mukolesela egi ya khalele ya diago. wa wambelele egi givulevule dienji ¹⁶ uvi petelo wakhalele kuta mu bunda gijidigo, ha jile muzulula ene a mu muenene nu nji a yandigile gulenga nu guvua woma. ¹⁷ Petelo wa tshitshile mansunga ha mago enji mukunda abandemene tedie nu hagu awambela philatshi Fumu gatshitshile hagu azola mu bologo. wa wambelele egi batenu ndaga jieji gudi Yakobo nu aphangienji mu yene wa katugile nu wayile gu khanda jiko. ¹⁸ kumbi masugu akhalele mukanduga guakhalele gudi sagesa gua masuta mukunda nu guza gua petelo. ¹⁹ Gu ngima helode wa mukambele uvi ga mumonene ndo wa hudile abandemenyi. wa mbile nji imbimbi ha ene adi ne gushiwa. gu ngima wa bulumugile gu yude ya gu cesale nu wa salele guene. ²⁰ Helode wa khalele nu khabu jia vula nu enye tyr nu sidon. ajile khungi gumatuamene enji wa tamegene blaste mutaledi wa Fumu ha guza mwene gu akuetesa ndaga mwene wa khalele nu jingolo jia vula. nu wa lombela guhuima, mukunda dimbo diawo akhalele muzula ima ya gudia ya Fumu. ²¹ Lusugu lungoshi adivile, Helode wa sudigile milele ya ufumu nu wa khalele holu dia ufumu, nu wakhalele gu awambela. ²² athu akhe mumba miyelele, egi yeyi mbimbi ya Nzambi, ishigo ya muthu ndo . ²³ Mukumbi diene mwanjelo wa Nzambi wa abetele mukunda ga kumishile ndo o u Fumu wa Nzambi hene itshiololo ya mudile nu wa fwile. ²⁴ uvi mbimbi Nzambi ya khalele mukula nu yadivudishile nji. ²⁵ Banaba nu shaul amenesele mudimo wawo gu yelusalema.wa vutugile ajile nu Yone, jina diko mako.